السلام عليكم ورحمة الله وبركاته
زوجي انسان مرح وحنون وطيب وقلبه ابيض
مايمنع انه راعي لف ودوران بس على مين !!
المشكله عندنا طفل عمره سنة ونصف ربي يحفظة
ويجعلة قرة عين لي ولابيه
المهم زوجي جدا قاسي معاه يضربه ويصرخ عليه
عشانه حركتة كثيره مثل الاطفال بعمرة
انا في البداية كنت اعصب واسوي مشكله
بعدين لاحظت كل مالها معاملته تكون اقسى
كلمته من الناحيه النفسيه والعاطفيه والفكريه
جيته من ناحية الدين
مره مره مره مو نافع شي
هل ممكن الاب يغار من طفله اليوم لاحظت لما جيت من الدوام ضميت طفلي وقلت له اشتقتلك موووت يالغالي وجلست اشم ريحته ناظرت لزوجي لقيته مكشر !!!!!

ههههه والله ممكن يغار. ... انا الحالة عندي عكس انا اغار من بنتي وهو مدلعها اخر دلع

تمزحين صح!!!!

الاب في العادة يريد ان يعلم ولده الشدة والمرجله

فكل مايشوف زوجته تدلع الطفل، يشيل هم طفله وانه اذا كبر بيطلع بناتي

فتكون معاملته اقسى له

وقد يكون الاب غير حنون ولم يجرب الضرب في طفولته

لذا هو قاسي مع عياله

وخاصة الطفل الاول الذي يتعلم فيه والداه التربية

هذه توقعاتي والله اعلم

والله يصلحه لكم ويجعله بار بكما

وتفرحي بكرة فيه

وتزوجيه لاحلى عروس

يعطيك العافية على الدعوة الجميله
طيب الحل بنظرك اخفف دلع لطفلي
انا نفسي يحب ابوه
لانه صار يهرب منه
واذا جاء للبيت احسه يتكهرب
وانا نفسي انه يحن عليه
ويضمه
واجبرني انه ينام لوحده
وقلبي يتقطع عليه
بس قلت امكن اذا صار ماينام في حضني
يخف التوتر
بس الوضع نفسه

.......................
يضرب طفل عمره سنه و نص و الله حرام
اتوقع ولدك اصلا مو فاهم ليش يضربه

مو ضرب عنيف لا مثلا يدفه يضرب يده اذا جاء يسحب الجوال
وهو عنده الجوال خط احمر
اكيد ولدي مو فاهم بس اتغير من ناحية ابوه
صار يضرب ابوه
وفيه تصرف كمان اذا ابوه ضربه
يقوم هو يضرب نفسه لحد مايبكي
مو فاهمه ليش يسوي كذا

وربي بكاني كلامك هذا يالله الطفل كائن رقيق ونعمه من نعم الله المفروض مايتعامل بهذا الاسلوب الحمدلله اللي من علينا بهذي النعمه الله يحفظهم لنا من كل شر يارب
طفلك بضربه لنفسه يلوم نفسه وشوي شوي يكره ذاته لتوقعه انه غير محبوب من ابوه اللي هو ثاني اهم شخص باللنسبه له
نصيحه تداركي الموقف بسرعه وﻻ تقولي صغير .. من سنه الى ثلاث سنوات ينمو ثمانين بالميه من ذهن الطفل واللي يصير له بهذي الفتره راح يكون ترسبات في منطقة اللاوعي وبناء عليها تصدر منه افعال بالمستقبل هو نفسه ماراح يدري ايش سببها وكيف يوقفها ..
باللنسبه لزوجك تناقشي معاه كثير .. كثر الدق يفك اللحام
وفي حل سحري اقسم بالله الكل واولهم انا غافل عنه .. الدعاء الدعاء الدعاء .. اطلبي من الله بكل اوقات الاستجابه ان يحنن قلب ابوه عليه ويسخره له .. احنا نستعظم امور والله سبحانه وتعالى يقول هو علي هين ..
انا وحدا عانيت من الضرب بصغري ووالله عمري الان 32 واشعر احيان اني غير سويه نفسيا الله يسامح امي ويبيحها

لا ما امزح هههههه صرت لو شوفته يبوسها او يضمها قلت وانا فصار يضرب حسابه وبعض المرات عشان يقهر بنته ...... بس غيرتي عادية مهما كان هذي بنتي حبيبتي وعشان هو كمان يتذكرني مو يسحب علي ...
ان شاءالله لما تجيبي بنت راح تشوفي كيف ابوها يتعلق فيها وهي تتعلق فيه البنت دائما حبيبة ابوها ..

الله يسمع منك واجيب بنوته زي القمر