السلام عليكم ،
الاسبوع اللي فات كنت تعبانه انا وبناتي ورحت ارتاح عند اهلي
المهم انو يوم الأحد جا زوجي الليل ياخذنا وتوني راكبه السيارا ماقلنا بسم الله
وهن يسولف ومسفهل واشتقت لك قلت لو انا بعد ي قلبي
وتنط بنتي الكبيره ( خمس سنوات و 9 اشهر ) تقول بابا ماما تكذب
تقول ل يبه ( اللي هو ابوي ) انا ماحب زوجي خله يموتني ههههههههه
كلام سخيف انا جلست اضحك قام انقلب الرجال وتغير وجهه وراحت كل السعاده
وشغل اغاني قلت طفها بسولف معاك اشتقت لك قال لا افضل من ماتقول البنت شيء اعظم !
قلت يوو تمزح تصدقها بزر ! مارد علي وخلاص خذا وضعية الزعلان ويبتسم ابتسامات سخريه
ويقول كنت داري من زمان ( الطريق طوييييل لبيتي وهو صااامت اعرفه زعل !
لما نزلنا وحت لبنتي قلت ي ماما ليش تكذبين شوفي بابا زعل روحي له قولي الصدق راحت ورجعها وقال لو واثقه انك ماقلتيه ماهتميتي كذا قلت اهتميت لانو مو حابه اعيش الزعل مليت ابي نكون طبيعين انتا ماتزهق من النكد !!! طبعا مايرد ومايكلمني لليوم بس امور عن البيت ويطلع ومايرجع الا متأخر وضعية الزعلان بالعربي !!

/

الاسبوع قبل اللي فات كان عند بنتي حفله بالمدرسه وطالبين نرسل صورها بفلاش عطيته جوالي عشان ينزل الصور كنت مشغوله مع الرضيعه وليتني ماعطيته سوا بحث شامل وشاف صوري وعملها ليله سوداء وجلس زعلان اسبوع يقولي كم مرا قلت لك لا تصورين
قلت له عادي امسحها وبعدين من عرفت نفسي ماعمر جولاتي ضاعو او انسرقو ! وطبعا وضعية الزعلان اسبوع !! ومايرضى الا بطلعة الروح وبتهديد ووعيد

/
تعبت من عدم ثقته فيني اي شيء يفسره على كيفه موقف بنتي فسره انو فعلا ممكن اقول هالحكي !! مع انو والله انا ماجيب سيرته وسوالفي مع اهلي ماتخصه يعني مو لشيء يخصه وان جبته فهو موقف صار لنا مو تشكي وماحب زوجي للان اضحك كيف ممكن طفله تعمل تتش بين امها وابوها لو اني متخلفه كان جلدتها لين تحب الارض بس الحمدلله انا احبها كثير وادري انها طفله وممكن تقول افضع من كذا بس احنا المفروض مانصدق وقلت له بس مايسمع لي

عدم ثقته شكه تحليله للامور على كيفه تعبت كني متزوجته امس !
حتى وصل فيه انه مايثق اني فيني مميزات او مرغوبه او حلوه اذا راح لاهله ومدحوني ي الله يجيني طاير كنو يحتاج ان احد يمدحني !! يعني الحمدلله اهله يحبوني لان لو يكرهوني ويسبوني ويتبلون علي راح يجي ويصدق فيني الى متى راح عيش معاه معاناه سلكت سكت مشيت هو الا يزعل واذا اتخذت موقف وزعلت انا استمات عشان ارضى احس اني على حدود الانفجار من كثر مشاكله ومرررره بخاطري انزل الشنط اللي فوق الدولاب وروحه بلا رجعه تعبت تعبت معه يموت بالنكد والصراخ والمشاكل !!

__________________
أستغفر الله العظيم واتوب اليه

... هالنوعيه من الرجال متعبه يبغالك تددقين في الششي قبل لاتسسوينه ..

الله يعييينك ..

__________________
ماضرّك جًهل الأرض بك ان كنت معروفاً في السماء

!?

انتي نفسها اللي كتبت في رد تحب بيت اهلها وكل شوي نايمه عندهم وتكرهين بيتك ؟


سبحان الله كيف مكذب زوجك النفسيه انك تحبينه وتحبين بيتك ولا ودك تتركينه ليله ومصدق بنت صغيره تقول كلام يوافق ما قلتيه مره هنا في المنتدى واصلاً الكلام هذا مستحيل بنت صغيره تألفه من راسها لانها ما تعرف وش معناه في الاساس .،

التشكي سهل يوم الواحد يدور العيوب لكن تقصيره وعيوب نفسه يغفل عنها

متى قلت جملة ( ماحب زوجي ) !
انا لولا الحب كان تركته من زمااااااااااااان لان مافي شيء يشفع له الا حبي له
قلت ماحب اروح بيتي ولا اجد الراحه لكثرة مشاكل زوجي
اتمنى استقصاء الحقيقه قبل الرد !!!

__________________
أستغفر الله العظيم واتوب اليه

ممكن اكون فهمتك غلط لكن هنا كتبتي هذا الكلام

بنتك بترجع من المدرسه
يعني طفت الكهربا في النهار

وش الظلام هذا اللي بيصير في البيت في "النهار"
لدرجة تخافين وتتكلمين بانفعال وتوتر
حتى فسره زوجك انك ترفعين صوتك!!!!

الكهربا اذا طفت في النهار ما يصير البيت مظلم لدرجة الخوف!!!

لازم كل البيوت في النهار مضويه خلي عندك تفكير متعدد وفكري بكذا نظريه بدال النظريه الحتميه تبعك ،




بيتي مطلم لاني اعيش بشقه بالدور الثاني العمارات جنبي اطول منها بالتالي دخول الضوء قليل
ايضا



الشبابيك مظللها زوجي عشانها زجاج عاكس( مجلدها بتجليده سوداء ) وفوقها ستائر

المطبخ عالمنور وهو اللي شباكه صغير ومفتوح ولا يدخل معه الا لمحة ضوء
والحمام والجميع بكرامه شباكه الصغير مفتوح واقدر فيه

الشقه اصبحت ظلام دامس ولا اقدر افتح شباك من البرد اللي كان حاصل ذيك اليومين

__________________
أستغفر الله العظيم واتوب اليه

الطفل ما يكذب و يألف كلام مثل كذا من راسه ..

و موضوع الصور .. تقولي صار لكم سنوات متزوجين و ما عرف طبعك ؟

طيب المفترض نقلب السؤال ..
صار لكم سنوات متزوجين ، معقولة ما عرفتي طبعه ؟
ما قال لك كم مرة لا تتصوري ؟
ليه تعملي شي من وراه و تفقديه الثقة فيك ؟
ليه تتصوري و تعرفي إنه يتضايق و يزعل ؟

.
.

راجعي نفسك قبل لا تلوميه

غلطانه ياختي فيه اطفال مايكذبون وبس الا يألفون قصص
انا بنت اختي تجيني اسالها وين ماما تقولي اخوي طاح ونزل دم وراحت توديه للمستشفى
وادق على اختي اتطمن تطلع كذابه اجي اهاوشها تجلس تضحك ومبسوطه من كذبتها وهي عمرها6 سنوات يعني نفس عمر بنت نوني

__________________
السعداء أشخاص علموا أن الحزن ؛ لا يجدد قديماً ؛ و لا يعيد ماضياً ؛ و لا يرد غائباً ؛ فتركوه جانباً و ابتسموا .

طيب زعل وقعد اسبوع مايتكلم معاك
ايش المحاولات اللي جربتيها معاه لرضاه؟؟

__________________