أكره قريبتي ( طفلة ) عمرها 9 سنوات .
ما آذتني لكن غصب عني ما أدانيها ..
تستفزني جداً بشكل خيالي ..

انا بطبعي حنون .. ومعلمة صفوف اولية لمدة 3 سنوات ولا مرت علي بنت وحدة ماحبيتها بالعكس كنت احب الجميع واحتضن الطالبات واضحك معاهم يعني فعلا ما احط حواجز بيني وبينهم ومررررة وسيعة صدر معاهم .. ودايم استغرب من قضايا التعذيب كيف شخص يقسو ع طفل !
يعني الا الاطفال بالنسبة لي اكررره تعنيفهم والقسوة عليهم واحب ادللهم

الا مع هالادمية عجزت يارب والله مو بيدي .. غصب عني !


ما اعرف هل ممكن يروح هالشعور ؟ او ع الاقل يخف مع الايام ؟! لاني اعرفها ومن هي صغيرة ىاشوف نفسي اكرهها اكثر واكثر الله لا يواخذني 😤

طبعا مستحيل اوضح لها شيء .. تجي وتسولف معاي واضحك لها .. واذا طلبت مني شيء سويته لها .. لكن شعور دااخلي 🤒

ما اقدر حتى استظرفها يا رباه ..
احب اهلها واتقبلهم جميعا .. الا هي ما اقدر !

طبعا انا اشوفها بشكل كثير .. فهالمشاعر مؤذية لي جدا ..

فعلاً ما اعرف اذا فيه حل والا اتعايش مع الموضوع ؟!
هي مدللة بشكل مبالغ فيه ، بطريقة مستفزة .. ووالديها طبعا كبار ومستحيل اني اهاوش بنتهم امامهم فأضطر اني اجامل واضحك لو تجاوزت حدودها معي .. لانهم بهالوقت جالسين يستظرفونها .. فهمتوا علي؟

واعيد اهلها احبهم وعلاقتي معهم ممتازة .. لكن الا هي ما اقدر .

__________________
سبحان الله وبحمده ، سبحان الله العظيم

كيف تتجاوز حدودها معك ؟

تقتح شنطتي وتتبش بالاغراض ..
تسحب الربطة من شعري بقوة ..
تسخر من كلامي او من صوتي .. طبعا اهلها كانوا يضحكون ويتوقعون اني اشوفها ظريفة !

فشعور الكره خذا جالس يتصاعد بداخلي .. طبعا الان كبرت ع هالتصرفات وبدات بتصرفات اخرى مثل تفتيش دولاب الملابس او ضرب بنتي او اي سبب
وحتى طريقتي تغيرت معها بطلت اسلك واجامل .. فـ اهاوشها واعلمها ان تصرفها خطأ واحيانا ما اكلمها كل هالمناسبة كنوع تأنيب . لكني لازلت اكرهها !

__________________
سبحان الله وبحمده ، سبحان الله العظيم

الشعور بالكره سابق لهذه التصرفات ولا لما صارت تتصرف معاج جذي ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

لا كانت عادي .. ماتعجبني طريقة تربيتها ولا تعجبني تصرفاتها .. لكن كانت عادي اتوقع

وشوي شوي لحد ما وصلت لهالمشاعر الحالية : كره .

__________________
سبحان الله وبحمده ، سبحان الله العظيم

اذا تصرفت تصرف خطا ولم يعجبك ، أبدي انزعاجك مثلا فتح الشنطه مع التعليل و السبب امام اَهلها وعلى مسامعهم ، لكن بهدوء ، حتى يفهموا انك متضايقة و يتصرفوا معها ، وثانيا يعرفوا سبب تضايقك ،،،، وكله أمامهم و بصوت مسموع ، مثلا لا تفتحي شنطتي ، أغراضي اللي فيها تنكسر ، هذيك المره كسرت الشي الفلاني ....

وإذا قلت أدبها بالكلام ، وولي امرها يضحكون اول مرتين أبدي انزعاجك و اصمتي عشان لا ينصدموا ، ثاني مره قولي على مسمعهم بتهكم او بسخريه ، في منتهى التربيه و الأخلاق او ما شاء الله باين انها متربيه وكرريها أمامهم ... وهم راح يفهموها .

الان انا اتعامل معها بكل وضوح بدون اي مجاملات .. واهاوشها لو غلطت .. واصلاً كبرت شوي وماصارت تتجاوز حدودها كثير عادي زي اي طفلة .. و مو هذي مشكلتي

لكن المشكلة الان ان مشاعر الكره وعدم التقبل اللي احس فيها كل مرة اتعامل معها متعبة لي ..

__________________
سبحان الله وبحمده ، سبحان الله العظيم

طيب هذا الكره مآثر على تصرفك معها ؟ اذا لا و تجاملي أظن انه عادي

اجامل وما اعتقد واضح .. لكنه متعب لي لاني دايم اشوفها واحيانا يطلبون اهلها مني انتبه لها او ادرسها مثلا .. وصعبة ارفض وش اقول اصلا معليش بس اكره بنتكم 😂
فـ شعور اني اكره شخص واحاول اني اكتم وما ابين مرة مزعج لي ..

__________________
سبحان الله وبحمده ، سبحان الله العظيم