ابغى رأيكم في موضوعي بذات الي عندهم أطفال

أمس صار لي ظرف في مدينة طليقي اضطريت أودي بنتي عند ابوها وهو وافق

اخذها البنت قامت تبكي لانها ماتعرفه رغم ان قبل اربع شهور وديتها له لظرف عندي وجلست مع نص يوم ولا بكت بلعكس واضح انها كانت مبسوطة

مادري ذي المرة ليه هل لانها من زمان ماشافته

لما اخذها توقعنا دقائق تبكي وتسكت

بعد ساعتين رجعها البنت في حالة مستحيل أنساها

حتى اخوي يقول جلس ابوها يمسح دموعها قبل ينزلها

البنت جاتني مصدومة أكلمها ماما حبيبي انا ماما تطالع فيني في حالة ماقدر اوصفها عيونها متنفخه من البكي تركتني وراحت وقفت بعيد عني ومصدومة البنت

طبعا أخذت تهزيئه من اخوي وابوي ان البنت ماعادً تروح لابوها

وامي تقول لا تروح والأسبوع الجاي تروح له يوم عشان تتعود عليه ويتعود عليها ويقوم فيها شوي

وانا محتارة بين كلام امي وكلام أبوي واخوي

المصيبة ابوها انسان مو متفاهم يعني لو أبوي بيقوله البنت لازم تتعود عليك وكل اسبوع خذها يوم راح يزعل ويقول مال لاحد شغل فيني وراح يعاند

طبعاً بتقولون لاتظلمينه وهو ماراح يقول ذَا الكلام

قبل 8شهور كلمه أبوي ان بنتك انتظم على زيارتها مرتين كل شهر مثل ماحكم الشيخ قام زعل وعاند وقال مال لاحد شغل فيني ومن زعله قطع مصروف البنت

ذلحين انا في حال الله عالم فيها بنتي مو صغيرة صارت تفهم هي على بالها ان أبوي هو ابوها وامي امها

اساس انا ماتقولي ماما تناديني باسمي وامي وابوي ماما بابا

انصحوني هل اسمع كلام امي والأسبوع الجاي أعطيه بنته عشان تتعود

او اسمع كلام اخوي وابوي انه خلاص ماتروح له الا اذا كبرت وعرفت انه ابوها

انا اهم شي عندي مصلحة بنتي ولا ودي تتعب نفسيتها

هو ليش ما يجي ياخذها ليش انتم الي تودونها لة !!!
وكلام امك صح

__________________
سبحان الله وبحمده سبحان الله العظيم

رحمت بنتك
وهو ليه ما يجي ينتظم لزيارتها
صعبه انتم تفرضون هالشي
نصيحتي بنتك عندك
لاترمينها عليهم ولا تعلمينهم غصب طيب ياخذونها
لازم هو يجي وياخذها
هذي بنته مايحتاج احد يعلمه كيف الابوه

ماهي ردة فعل والدها؟؟
هل تضايق لانها لاتعرفه او غير مبالي !!
الا يسأل عنها الا يشتاق لها؟؟
وبالتاكيد الافضل ان تتعود عليه البنت ويأتي ليأخذها كل فتره وارى ان الطبيعي ان يكون هو من يطلبها ويأتي ليأخذها بنفسه لكن الظاهر لي انه لايهتم فأن كان لايهتم ولايريد ذلك فلاأرى بيدك شي تستطيعين فعله !؟
كان الله في عونك

__________________
أشتقت لكم جداً 💔

هو انسان مايحب يتعب نفسه يشوف ان ساعة بينا وبينه كثيره

ثانيا لو ننتظره يشوف بنته مايشوفها الا كل5 او 4شهور مرة واذا جاء دار بها في السيارة مع امه واخواته نص ساعة بضبط ورجعها






مادري ليه مايجي لو المسافة بعيدة كان عذرته لاكن مابينا الا ساعة

مادري هل فيه احد يمنعه الي لاحظته انه يجي معه امه واخواته كلهم طيب اذا هم صدق جاين يشوفوها هل نص ساعة تكفي المصيبة البنت رجعت مبسوطة ياليتها تبكي عشان اعذرهم

كلمه أبوي قال مالكم شغل


صراحة مادري بس هو الي بدا واشتكى يقول ابغى اشوف بنتي بعد سنة من هجرانه لها

ويوم حكم له الشيخ سحب ولاعاد شفناه
يسال مو بعد كم شهر يقول بجي اشوفها يجب نص ساعة ويرجعها عيد الفطر والله مافكر يعايد بنته

المصيبة اذا هو انسان مايخاف الله وين امه واخوانه ماينصحونه


اخوه يقول لأبوي هو كذا اخوي غشيم 😳😳😳35سنة غشيم

اذا ماطلبها يااختي مافي ظرف يحدك تخليها عنده يبدو لي انك كذا موديتها لتشغليه او تحننيه عليها وعليكم .. ان جالك مشوار عندك ام اب اخ اخوه اي احد خليها عنده مو توديها وهو ماطلبها خليه الله يحاسبه ع تقصيره انسيه .. المهم هالطفله المسكينه تتوقع انك متخليه عنها شوفي حالتها ..
الله يجبر مصابك اختي وان شاءالله بيعوضك ربي ويعوضها .. الله كرييم ماينسى عباده..

__________________
مضى مامضى والله على المقبلات يعين ..! وعسى الله يزينها على القلب لاشانت~

الله يعوضك خير
المفروض هو من يشتاق لها ويبحث عن شوفتها ما جا وسال لا تودنها
الله الغني ما يضيعها

بنتك صغيرة كثير..

الزيارات بهذا الأسلوب تضرها أكثر ماتنفعها.. وانتي ليش تاخذيها كذا وتخليها؟ عندك ظرف خليها عند امك وابوك الله يخليهم لك ولبنتك..

خليه ينتظم والا بلاها..

واذا قررتي تاخذيها تشوف ابوها، خلي واحد من اهلك يروح معها ويضل معاهم عشان تطمن.. اما تخليها كذا وتروحي تغيبي لا غلطتي..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

👍👍👍👍👍
🌟🌟🌟🌟🌟

__________________
أستغفر الله وأتوب إليه✨

اختي فرح اهلن فيك ، للاسف مره رديت عليك وقلت لك بنتك معاك وين ما تروحين تكون معاك
انا الحين ابي افهم ابوها ماشي معاك لاكن كيف ترتاحين وتخلينها معاه اذا هو من كلامك مو سائل فيها ولا يدري عنها ولا حتى يزورها ؟! كيف تخلينها عنده حتى لو ابوها
ياختي حرام عليك بنتك خليها عندك امك او اختك اي احد قريب منك واذا لزم الامر خذيها معاك وين المشكلة لما تكون معاك
وبخصوص طليقك ان شاءالله عمره م جاء ولا عمر سال ب الحريقة وش لك ف الهم اذا جاء من نفسه ي هلا م جاء م عليك فيه
اهم شيء نفقتها تجي كلشهر ملزوم فيها
وتنادي امك وابوك عادي ،
خليه يعرف عشان لما بكره تكبر تعرفك انتي وتسمع لك انتي ربي يحفظها لك
وحطي ف بالك مو بس بنتك اغلب الرجال م يسالون ف عيالهم ،
عندك انا لا شافها ولا يسال عليها والحمدلله مرتاحه ف طمني بالك