بيني وبينك(3) - منتدى عالم الأسرة والمجتمع

24-10-2005, 01:03 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

بيني وبينك(3)

وداعا للتشققات في رمضان

أنا عارفة إن فيه منكم أكيد هيقول على العنوان ده أهو كلام، وخصوصا في رمضان لأن الصيام طول اليوم بينتج عنه التشققات لأن اللي محتاج له الجسم لمعالجة التشققات دي هو المية فمنين هتكوني صايمة ومنين وداعا للتشققات..

بس عايزة أقول ليكِ إنك لازم تعرفي إن ده مش إعلان عن منتج جديد بنعلن عنه، لأ دي الجملة اللي هتقوليها بعد قراية الموضوع ده..

بس قبل ما تعرفي ازاي هتعالجي التشققات دي لازم نقولك هي ليه أصلا بتحصل وإيه أهم المناطق المعرضة للتشقق والجفاف.. ونبدأ بالشفايف.

تشقق الشفاه

لازم تعرفي إن الشفاه مافيهاش غدد زيتية علشان كده بتجف وبتتشقق بمنتهى السهولة وخصوصا لما الجو بيبقى برد.

وبيزود كمان التشقق إنك كل شوية تطلعي لسانك وتلحسي بيه شفايفك.

يبقى الحل إنك تبعدي خالص عن لحس شفايفك وكمان تحاولي ترطبيها من وقت للتاني بزبدة كاكاو من ماركة كويسة، ولو خارجة في يوم برد قوي تحطي على شفايفك طبقة كثيفة من الفازلين اللي بيعمل زي العازل بالنسبة لشفايفك.

وتحاولي كمان تشربي كميات كتيرة من المية والعصاير من الفطار ولغاية السحور وخصوصا المية.

تشقق جلد اليدين

فيه كمان ناس بيحصل ليها نوع من التشققات في إيديها وهي وإن كانت نسبتها قليلة لكن بتحصل، وده بيكون نتيجة برضه لعدم شرب المية وكمان نتيجة لبرودة الجو.

ده بالإضافة لاستخدام صابون أو كريمات من ماركات مش كويسة.

الحل بيكون إنك تبعدي شوية عن المية وعن كل حاجة زي غسيل المواعين والهدوم وكده يعني، ولو لازم تعملي الحاجات دي البسي جوانتي وده هتلاقيه في أي حتة وسعره رخيص جدا.

جفاف جلد الكوع

وأغلب الناس مش البنات بس بتعاني من تشقق الكوعين وده بيكون عن طريق جفاف جلد الكوعين، وبتتكون حاجة زي قشرة سميكة عليهم، وكمان بتبقى خشنة وساعات لون الجلد نفسه بيتغير.

يبقى الحل برضه إنك ماتسنديش بكوعك على المكتب أو الديسك أو أي حاجة جامدة تحتك بالكوع.

تشقق الكعبين

اغلب التشققات اللي بتظهر في الكعبين ناتجة عن الاحتكاك برضه زيها زي الكوعين بس الاحتكاك هنا بيكون مختلف، يعني المشي على السجاد والموكيت اللي بيؤدي إن الكعبين يفقدوا رطوبتهم فبينشفوا..

بس هتقولي لي الاحتكاك نبعد عنه ازاي؟ أنا بقى أقولك لازم تلبسي شرابات من خامة كويسة وماتمشيش حافية، ولما تيجي تعملي باديكير ماتستخدميش الموس لأنه بيزود من الجلد الخشن وكمان استعملي الكريمات المناسبة اللي بتحافظ على ليونة الجلد.

وصفات المرة دي

قبل ما أبدأ في الوصفات لازم أقول ليكم إن فيه حاجات عامة لازم تعمليها علشان تحمي جلدك من التشقق..

زي مثلا....

1. إنك تستخدمي زيت الأطفال والكريمات المرطبة بعد أخذ الحمام خصوصا لما يكون جسمك مبلول أو لسه مابقاش جاف خالص.

وبالطريقة دي جلدك هيحتفظ بالمية ومش هيجف بسرعة.

2. استخدمي المرطبات من الكريمات التي تحتوي على اللانولين وخصوصا للإيدين والكوعين.

3. لازم تشربي مية بكميات كبيرة جدا حوالي من 6 إلى 8 أكواب للحفاظ على رطوبة الجلد.

4. لازم مية الحمام تكون دافية ومش سخنة لأن المية السخنة بتساهم في جفاف البشرة.

وصفة لتشقق الشفاه

1. حطي شوية فازلين على شفتك ودلكيها بفرشة أسنان قديمة، وماتقلقيش لأنها مش هتجرح شفتك لأن الفرشة القديمة هتكون ناعمة.

2. هاتي كبسولات فيتامينE من الصيدلية وفرغي محتويات الكبسولة على شفتك.

3. فيه كمان حاجة تعمليها قبل ما تنامي وهي إنك تدلكي شفتيك بزيت الزيتون أو السمسم والاتنين دول عند العطار.

وصفة لتشقق القدمين

انقعي رجليكِ يوميا لمدة أسبوع في مية دافية محطوط عليها معلقة ملح صغيرة وبعدين تنشفيهم كويس قوي وتدهنيهم قبل النوم بالخلطة دي:

المقادير:
كميات متساوية من الجلسرين وعصير ليمون وزيت الخروع.

الطريقة
اخلطيهم ببعض كويس وادهني بيهم رجليكِ وبعدين البسي شراب والصبح اغسلي رجليكِ بمية دافية وصابون وحطي أي كريم عادي بعد كده، واستمري في العملية دي لغاية ما يروح التشقق خالص من رجليكِ.

وصفة لنعومة الكوعين وكمان الإيدين

تدلكي كل يوم إيديكِ وكوعك بزيت اللانولين والجلسرين بعد ما تخلطيهم كويس قوي ولمنع استمرار تشقق الكوع دلكي المنطقة دي بالليمون يوميا.

__________________

التعديل الأخير تم بواسطة princees ; 24-10-2005 الساعة 01:07 AM

24-10-2005, 04:27 AM

رنين الوتر

عضو جديد

تاريخ التسجيل: Sep 2005

المشاركات: 2

ثانكيوووووووووو على الوصفات
طيب والتشققات اللي بمنطقه معينه من الجسم مثل الورك او الفخذ عندك له حل؟؟؟

26-10-2005, 11:20 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة رنين الوتر

ثانكيوووووووووو على الوصفات
طيب والتشققات اللي بمنطقه معينه من الجسم مثل الورك او الفخذ عندك له حل؟؟؟

اشكرك حبيبتى على مرورك العطر
وبدور لك على حل ثم بعود لاحقا
مع تحياتى

__________________

24-10-2005, 04:30 AM

احلى غرام

قلب المنتدى النابض

تاريخ التسجيل: Aug 2005

المشاركات: 1,979

شكرا لكي اختي ببرنسس
بارك الله فيكي
والى الامام دائمااا

__________________

26-10-2005, 11:24 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة احلىغرام

شكرا لكي اختي ببرنسس
بارك الله فيكي
والى الامام دائمااا

اشكرك حبيبتى على تواصلك
مع تحياتى

__________________

24-10-2005, 01:48 PM

alhanoof

شمعة المنتدى التى لاتنطفئ

تاريخ التسجيل: Jan 2004

المشاركات: 4,250

تسلمين يالغاليه .. مواضيعك تجنننننننن ..

الله لايحرمنا من هالطله ..

تحياتي العطره لكِ ..

26-10-2005, 11:28 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة alhanoof

تسلمين يالغاليه .. مواضيعك تجنننننننن ..

الله لايحرمنا من هالطله ..

تحياتي العطره لكِ ..

اشكرك حبيبتى على تواصلك
مع تحياتى

__________________

24-10-2005, 07:14 PM

احمد شوبير

من كبار شخصيات المنتدى

تاريخ التسجيل: Dec 2003

المشاركات: 9,213

موضوع رائع
جزاك الله خيرا
الله يعطيك العافية

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل

26-10-2005, 11:30 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة احمد شوبير

موضوع رائع
جزاك الله خيرا
الله يعطيك العافية


	جزانا الله واياك اشكرك اخى الفاضل على تواصلك المستمر مع تحياتى

__________________

25-10-2005, 02:32 AM

#10

ملاااك

كبار شخصيات المنتدى

تاريخ التسجيل: Mar 2005

المشاركات: 3,176

شكرا لك
الله يعطيك العافية

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه