زوجتك مثل كثير من الناس .. يتزوجون وهم ما تعلمو
سياسة السيطرة على الغضب .. اهمية الاحترام بين الزوجين

اذا انت شاك ان حياتك معها بتستمر وشاك
بقدرتك على الصبر على المدى الطويل .. فاول شي
لازم تسويه .. تحرص ما تحمل منك

ليش ؟ عشان تعطيها فرصة وفرصتين وثلاث
تتادب وتكون حكيمة اكثر بالحياة ..

عشان تثبت لك انها كفؤ
وانها من الناس الي تتقدم لقدام
مو ترجع لورا .. او تبقى بنفس مكانها !
واذا ما قدرت خلال عدة فرص
تقدر تطلقها وبالك مرتاح .. ما تشيل
هم طفل يتربى بعيد عنك .. وتكون
وفرت على نفسك حياة طويييييلة
فيها اهانات كثير ..

انتقي الاوقات الي تتكلم فيها معها
لا تتكلم معها بوقت تكون انت او هي مزاجكم ما يساعد

ولما تتكلم معها انتبه لاسلوبك
لازم ما يكون فيه فرض سخرية تسخيف
سلبية .. يعني مثلا بدل ما تقول : اسلوبك
غبي .. تقول: اسلوبك ابد مايساعدني اتقبلك

انتبه اخوي .. انتبه لنفسك لا تنحاس حياتك

[[SIZE="5"]COLOR="Teal"]اخوي صبرك نفذ
بأشهر
انا رأيي ترجع لاساس مشكلتك وليس للمشكله نفسها
المرأه لا يستطيع التعامل معهاا الا من يفهمها فقط
واذا من الان تفكر بالطلاق الله يعينها المسكينه
وتقول تحبها؟؟؟؟؟؟؟؟؟؟؟؟؟؟؟؟؟؟؟؟؟؟

الحياه أخذ وعطى
واذا ما عطيت لا تتوقع ان الغير يعطيك

انا أشوف انك تتكلم معها اكثر وتحاول تفهم ليش تتصرف معك كذا
وانا أأكد لك انه لا بد من وجود سبب ورى كل هالعناد[/size][/color]

اني اقولها قومي سوي كذا ماتقوم غير بهواش
لاتسوين كذا تروح تسويه من وراي
اجي طالع من البيت تقولي اذا ماجيت الوقت الفلاني لاترجع
وتلقا اغراضك عند اهلك هذا لما تزاعلنا,,, هذي سوايا زوجة؟؟؟

أخوي أسألك كم سؤال بما إننا نسوان و نفهم بعض :

هل هي تصرف على البيت ؟

هل إنت تاخذ راتبها ؟

هل أهلها يصرفوا عليك أو يساعدوك في الناحية المادية ؟

إذا كانت إجابتك ( ايوة ) فهنا السبب

الزوجة تقلل من احترام زوجها ، لو كانت هذه الأسباب موجودة ، ما تحس بالقوامة و تحس بإستغلاله لها

--------------------------------------------------------------------

إذا ما كانت الأسباب هذيك موجودة ، و مافي أي سبب يخليها تعاملك كذا

فمثل ما نصحك أحد الأخوان ، لا تخليها تحمل الفترة هذه

الوحدة ممكن تعاند بداية الزواج ، بس ما توصل لقلة الإحترام و الذوق إلا إذا كان فيه سبب قوي

مؤثر على نفسيتها ، مثل ما قلت ممكن سبب مادي

و الله يصلح حالكم ، فينك أيام الملكة ما شفت الأشياء هذه ؟

الله يعينك من رأيي انك تثقفها اكثر من حقوق الزوج والحياه الزوجيه

وتأدبها اكثر يعني تخليها عند اهلها لين فعلا تحس بغلطتها وماتتوصل معاها لين ماهي تتصل او اهلها

وابعد فكره الطلاق الطلاق ااااااااااااااخر الحلول واصبر سويلك جو ثاني عيش فيه لين ماتخلص مشكلتك هذي.

اتركها خوي اذا انت على حق اتركها لتعود لحاله اصبر

__________________
أكتب ما اشعر به .. وأقول ما أنا مؤمن به .. ليس بالضرورة ما أكتبه يعكس حياتي ..الشخصية هي في النهاية مجرد رؤيه لأفكاري...!!

بعد ردك هذا ...
انا من رأيي انك تسفهها لفتره لين تحس بأفعالها ولاترد من اول اتصال لين تحس انها فعلا بترجع وهي متغييييره
الله يسهل عليك

معليش اذا هذا أسلوبها ؟؟؟؟؟
أسفها وطنشها ولاترد على اتصالاتها من أول مره
الله يعينك........

هذي المشكله تحصل مع كل المتزوجين بالسنه الأولى

ومريت بهالمشكله في مشكله مع زوجتي

لكن لحظتها لما رفعت صوتها في المشكله قلت لها اذا انا غلطان لك الاعتذار واذا انتي غلطانه لي الاعتذار

وقالت خلاص اخر مررره

وسوتها مره ثانيه ورفعت صوتها

لقطتها وديتها لبيت اهلها وكلمت ابوها وقلت له شف لك حل معاها

المره الجايه تجيكم طالق

وتركتها اسبوعين عندهم الى ما اعتذرت والان تحصل اي مشكله بيننا سواء انا غلطان او هي غلطانه ما ترفع صوتها ابد

لابد تفهمها ان رفعة الصوت وعدم الاحترام اولوية بالنسبه لك مو شئ ثانوي

اما انها تعاند لما تطلب منها شئ حقيقة انا ما ادري كيف تطلب منها هذا الشئ

لاني احياننا اقول لزوجتي سوي لي كذا وكذا وكذا الله يعافيك ويخليك لي ولا يحرمني منك ترد من عيوني

وبعدها بكم يوم طلبت منها نفس الشئ بس بأسلوب ثاني وجاف وبصيغة امر لا يرد ولا يناقش وردت مابي اسويه تعبانه اليوم

اخوي اذا تبي نصيحتي لازم تعطيها درس قوي وتتوب

ولكن فيه طرق اخرى اذا ما تبي توديها لبيت اهلها وتخليهم يكلمونها لانك انفقعت مرارتك

مثلاً لما ترفع صوتها خلاص اقطع النقاش وقولها ترا انا ما اسمع الصوت العالي بتتكلمين بهدوء اهلا وسهلا ماتبين تتكلمين بهدوء مع السلامه واطلع

ومعليش وشو تلقى اغراضك عند اهلك ؟ هي اللي مستاجره البيت البيت بيتها يعني ؟

مشكورين على تفاعلكم معي والله يجزاكم كل خير,,,

اخي المبارك
ربما زوجتك حامل لذلك احيانا يزيد العناد في الوحم .
اما اذا لم تكن حامل فانا انصحك بالتالي :
اولا : الصبر ثم الصبر ثم الصبر


ثانيا : حل مشاكلك قدر المستطاع بينك وبينها .

ثالثا : من أساليب التأديب للزوجة الهجر اتركها تبقى عند أهلها حتى تعتذر ولاتقبل العذر بسرعه بل ضع النقاط على الحروف انا أريد كذا وكذا قبل ان ترجعها لبيت الزوجية .


رابعا : كن حازم معها حتى تتعدل.


اخي ابذل جميع الطرق والوسائل في سبيل اصلاح زوجتك واذا بذلتها كلها فان . . . . . . . . آخر العلاج الكي وهو الطلاق ولذلك شرعه الله للناس(امساك بمعروف اوتسريح باحسان) .

__________________
حكمتي في الحياة

خيــــــــــر الناس انفعهم للنــــــــاس