مع احترامي لك هذي قلة ادب مع الزوج وش وحم ؟؟ اي وحم الي يسمح لزوجة بإهانة زوجها لكن انا من رايي تقطع العلاقة الين تولد وتصير بنص الاربعين تروحلهم وتكلمهم اهلها يعني وتقولهم انك تبغى ترجعها وتطلب تكلمها بنفسك قدام اهلها قولها ان بغيتني انا شاريك وتحملت كل الي طلع منك والتمست عذر الوحم ورضيت بانك ماقلتي على سالفة النقل لكن الان مافي داعي لسالفة الدلع وان كان ماتبغيني لاترجعين الي مايبينا مانبيه والوجه نت الوجه ابيض وهذا انتم يااهلها شاهدين والله بيننا شهيد لاتزعلون مني بالي بسويه لاني تخسرت مادياً ومعنوياً وعلشان صلة الرحم (الطفل) الي بيننا حبيت اعطيكم خبر من قبل علشان ماتعتبون علي وخبرهم عن سواة بنتهم من الاول وقولهم انا رجل مو راعي محاكم ومشاكل لكن هي اضطرتني على كذا وان كان ظلمتها الله ياخذلها حقها مني وان كان هي ظلمتني انا انسان مااحمل بقلبي ماقول غير الله يوفقها وبس واطلع من عندهم ولاتتواصل معهم خلي كل امورك بالمحكمة وطبعاً قبل كل هذا لازم تستخير الله..
ملحوظة :
والله يياخوي ماكنت برد على موضوعك لكن رجاءك بالرد رجعني عن قراري لاني مرة واحد وصف مشكلة مع زوجته وبعد ماردينا عليه انا واخواني الاعضاء دخلت الزوجة بمعرفه وتهجمت علينا ودعت علينا وطلعوا يموتون في بعض والرجل ضعيف الشخصية هي تحكمه غير كل كلامه عنها مااقول غير حسبي الله ونعم الوكيل واسفة اني طلعت عن الموضوع لكن الانسان مايؤخذ بجريرة اخيه ... اسأل الله العلي العظيم ان يرشدك للصواب ويعلم الله ان ننصحك بما نرضاه لانفسنا وياليت ماتقطع اخبارك حتى نكون متابعين لك على الاقل بدعواتنا وربنا يوفقك ..

__________________
((رب اجعلني مباركا حيثما كنت.))

شكرا اخت جوجو...رائيك هو افضل مشوره وهذا ان دل يدل على راجاحه عقلك وحكمتك ...............وشكرا انك شاركتي بالموضوع واعطيتي رائيك ...........بس ضحكتيني على سالفه الرجال الضعيف الشخصيه والي حرمته قامت تدعلي عليكم ......مالومك والله .........بس انا لو ضعيف شخصيه كان من البدايه وافقت على طلبها ونقلت عند اهلها ......الله يعنينا ....ويعوضنى بالاحسن والاقوم

شكرا اختي ورده الحي والله انا كل يوم اخر الليل اصلي وادعيلها ان الله يهديها ويعيني على الاختيار الصح و إن شاء الله ربي مايتخلى عني والله ولي التوفيق

السلام عليكم

الله يعينك يا اخوي والله ان سالفتك ترفع الضغط وتعل ..


المهم اذا تبي الكلام اللي ملحه فيه ..


انت اول شي ما يلحقك مشروه ولا منقود من ناحية تعاملك معها , يعني انت كفيت ووفيت وبيض الله وجهك , هي قالت ما تبي ترجع وتطلب الطلاق , خلها على ما تقول وطنشها ..


انا خابر انه مرتفع ضغطك من تصرفاتها وان وضعك مزري ويؤسف له ويرثى له ، لكن وانا اخوك يقول المثل عز نفسك تجدها ، انت رحت لاهلها وتواصلت معهم يعني الحين ما يلحقك شي ، الفتره هذي طنشها ولا عليك فيها ولا كأنها موجوده لحد ما تولد واذا ولدت لكل حادث حديث ..


اما في هالفتره لا تطلق واصبر لين تشوف امورها ، واصبر وانا اخوك ووسع خاطرك ، وانت رجال ما يعيبك شي وامورك كلها متيسره والحق معك وكل شي بيصير على ما تبيه اذا تطورت الامور لا سمح الله ..


بس اهم شي ابعد عنها لحد ما تولد ولا تشحن نفسك كثير وبعد ذلك خذ العلم من راس ابوها واخوانها , اما ترجع والا تصرف انت في المحكمه ، وعلى فكره اذا رجعت لك خلها تداوم من بيتك الى دوامها ان شاء الله لو انه فوق 300 كيلو علشان تعرف ان الله حق ..


قال ايش قال اذا تبيني انقل عند اهلي نسوان آخر زمن والله , يا حبيبي انت رجال تتبعك مو انت اللي تتبعها ولا يعيبك شي وانا اخوك لكن اصبر واذا ما فادت الامور دق خشمها وسو اللي قلت من رفع دعوى الناشز ورح تزوج واطنخ وعش حياتك والدنيا ما هيب متعلقه على هالبنت ..



وفقك الله

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

شكرا اخوي الراسي على المشوره والاطلاع وابداء رائيك الذي نعتز فيه وانا الحين مطنشهم حتى اخوها صارله يومين يدق وانا مطنش وارسلته رساله فهمته ايش ابغى اسوي اذا ما رجعت او اصرارها على طلب الطلاق وبالنسبه لوالدها هو متوفي الله يرحمه وامها حرمه كبيره لا حول لها ولا قوه

عين العقل والحين التفت للعبادة ولا تضيع هاليومين من عمرك وارجع لهم بعد العيد يمكن الامور تصير احسن

لابد ان لهذا التصرف سبب قوي حاول انك تعرفه.... الطلاق شي مو سهل خصوصا على المراءة

اسأل الله رب العرش العظيم ان يهدي زوجتك و يلم شملكم وريزقكم بالذرية الصالحة

__________________

هلا اختي بسمه والله السبب للحين مو مقنع بس بقولك انه انا صابر وراضي حتى يخلق الله مالى تعلمون حتى ................حتى يجي اليوم الي هي تجي وتطلب انها اجيها لانها على ذمتي ............يعني انا وراها وراها وهي الي راح تحتاج مو انا ...............وشكرا مره اخرى على المشاركه

عندي سؤال

حاليا زوجتك حصلت على النقل وهي معلمة والعام الدراسي على الابواب

هل تستطيع ان تلغي النقل اثناء العام الدراسي في حالة انتهاء مشكلتك معها بعد اربع شهور وقبولها العودة لك ؟

هللا اخوي النقل موضوعه بسيط بس هي تعدل عن الي براسها ..تقدر تاخذ اجازه رعايه مولود لمده 3 سنين او اجازه استثنائيه حتى يجي نقلها ............المشكله هي الي براسها هالحين ...............ويعلم الله ان مشاركتكم تفاعلكم هون علي الشي الكثير والله يعلم وشكرا على ردك