السلام عليكم
انا مشكلتي مع خطيبي مايهتم فيني ولايسأل عني اساسا من بعد الخطبه ما ادري عنه ولايدري عني هو طيب ومحترم وخلوق بس مو معقوله من الخطبه مايفكر يتصل ولاشي
انا حيل مقهوره من كلام اللي يجرحني كل الناس مستغربه انه مازارني ولاحتى اعطاني جوال
اساسا لما اكلمه يصرفني يقول انا مشغول او ابي انام صرت استحي اتصل فيه
كم مره حاولت اتقرب له بس مافي فايده
كل اسبوع يقول انه بيزورني بس ما اشوف شي طبعا يرسل رساله لانه مايفكر يتصل
واللي يقهر الحين انه بيأجل العرس بعد سنتين
والله حالتي النفسيه حيل صعبه انا اكتب وانا ابكي
وشلون اتصرف معاه مع العلم اني مدلعته اقول كلام حلو وبحياتي مارفعت صوتي عليه
بس مافي فايده قلبه زي الحجر هو صدق طيب وحنون ومحترم وكل البنات يحسدوني عليه من ناحية الاخلاق بس تعامله معي حيل جاف لدرجة ان اي مكالمه بيني وبينه لاتتعدى خمس دقايق
هو يصير ولد عمي واختارني من بين البنات اكون خطيبته
بس تعامله معي قاسي واساسا هو ما يكلمني انا اللي طاشه نفسي عليه
كيف اتعامل معاه ؟

__________________
سبحان الله وبحمده
سبحان الله العظيم

خلاص انتي اثقلي
ومدام اختارك واخلاقه كدا قولي الحمدالله

اشغل نفسك بدراستك وكدا

والزواج باقي عليه كتير يمكن مايبغى مره العلاقه تمون يخاف تصير مشاكل

فعلا لازم اثقل بس هو مايفكر يسأل عني خير شر
على قولتك لازم اشغل نفسي بأي شي
الف شكر لردك

__________________
سبحان الله وبحمده
سبحان الله العظيم

عزيزتي الحل الوحيد المصارحة
لا يوجد حل ثاني

الثقل صنعة

في بعض الرجاجيل ما يحبون الحرمة اللي ترمي حالها عليه

و يمكن هو طبعه كذا

و بعدين لسع بدري ع الزواج لا تستعجلي

__________________
ليتني طفلة أكبر همي لعبتي

آحمدي ربك على كل حال و اعملي بنصيحة الاخوات

على الاقل ملكتي و صرتي حلاله ..

غيرك تعلقت اموره و لا يدري متى الفرج

اللهم لا آعترآض يارب لك الحمد افرجها علي و على كل مكروب

كيف اصارحه وانا اساسا لما اتصل فيه يقول نعم ليش متصله
ولما اسأله ليش ماتتصل يقول اذا انتي فاضيه انا ماني مثلك
ماعنده اسلوب دايم يجرحني

ومشكوره حبيبتي على الرد

__________________
سبحان الله وبحمده
سبحان الله العظيم

يعني معقول يضل كذا ثقيل من سنه مافكر يسأل ولاحتى يزورني انا حتى شكله بديت انساه
اما من ناحية الزواج ليش يأجله سنتين وظروفه الماديه ممتازه
واحنا بعوايدنا فترة الخطبه بس سنه وهو الحين بيأجله سنتين
الله يستر

الف شكر لردك

__________________
سبحان الله وبحمده
سبحان الله العظيم

الحمدلله على كل حال
والله انا احمد ربي ليل ونهار اني خطيبته من ناحية اخلاقه وتعامله مع الناس
بس معي حيل قاسي
الف شكر لردك


الله يفرج هم المهمومين يارب

__________________
سبحان الله وبحمده
سبحان الله العظيم

حبيبتي واجهه
قولي له ايش هو الي نعم
انا زوجتك و انت زوجي و انا مسؤولة منك
انت ليش كذا و كذا و كذا
قولي كل الي بقلبك واجهيه
افهمي منه ليش يتصرف معاكي بهذه الطريقة
وضحي له انك متضايقة من تصرفاته