06-04-2011, 12:48 AM
|
المشاركة الأصلية كتبت بواسطة & نور دبي&
بصراحه حبيبي دائما هو من يقول لي احبك خصوصا اذا صار سؤ تفاهم
ليبين لي ان الاختلاف في الرأي لايفسد للود قضيه ومره سألته قالي انا حتي اسم دلعك اخترته ليعبر عن اغلي ما يملك الانسان الله يخليه لي ولا يحرمني منه مشكوره علي الموضوع الجميل |
06-04-2011, 12:53 AM
|
المشاركة الأصلية كتبت بواسطة forgiveme
مـــــــــن زمــــــــــان
ولا ودي اسال...... احيانا اقولة انا ليش احبك..... طبعا لانه يحبك يا زينة بس الحين وقفت اسالة.... من متى يعني مثلي من عام تقريبا بعد موقف صار....عرفت مكانتي عندة.... ان شاء الله خير بصراحة اشفقت على نفسي.... |
06-04-2011, 12:59 AM
|
المشاركة الأصلية كتبت بواسطة متفائلهـ
غالبا هالسؤال موب لشي بس لان مثل ماقلتوا المره تحب تسمع كلمات الحب من زوجها مااقول بشكل يومي بعد لانه بتمل من هالشي وبتحس ان هالكلمات عاديه مثل اي كلام وماراح يكون لها صدى بالنسبه لها،،مم مره سالته قال انتي صاحيه تسالين هالسؤال راح من فتره هو اعاده لي اخر مره سالتوه قبل ثلاث ايام بمناسبه خاصه عاد رده احتفظ فيه
 زوج الصخره الله يسخر قلب زوجتك ويحنن قلبها عليك .. |
06-04-2011, 01:04 AM
|
المشاركة الأصلية كتبت بواسطة عاشقة لزوجها
السلام عليكم ورحمة الله تعالى وبركاته أختي cila أتمنى إنك تكونين بخير،وشكرا جزيلا على هذا الموضوع الحلو. أثار إنتباهي كلام الأخوات لأن أغلبهم قالوا بأن أزواجهم يتنرفزون من سماع سؤال: هل تحبني؟ بالنسبة لي عزيزتي زوجي ما يزعل لما إسألو بالعكس يجاوبني ككل مرة "أكيد بحبك" أما عن آخر مرة سألته كانت اليوم بعد الظهر قبل ذهابه للعمل وهو كذلك سألني وقال إذا كنت كتير السؤال فهذا لأنني أحبك وأخاف عليك وعيوني لا تتحمل أن ينظر أحد إليك"هذا هو زوجي" الله يحفظه إلي يا رب. أسأله مرات عديدة باليوم وهو كذلك، ولما يسأني أحس أنه متمسك بي و يخاف فقداني... وأقول للأخت سمو الأميرة: أنا زوجي يسألني هذا السؤال أكثر مني، دائما يقول: حبيبتي تحبيني؟ لاتتركيني؟ وصحيح يا أختي cila أحس بغلايا عنده خصوصا لما أبعد يعني مثلا أخرج مع أخته ولما يرجع للبيت وهو يعلم أنه لن يجدني، لن يجد من سيفتح له الباب ويضمه،حينها يتصل بي او يرسل مسج يقول: والله البيت من غيرك ما يسوى شي... أسأله دائما ويسألني دائما ولا أحد منا يبخل بالإجابة والحمد لله. الله يحفظنا من العين ويسترنا. الله يوفق ويفرح الجميع. قولوا آمين.. |
06-04-2011, 01:35 AM
06-04-2011, 01:55 AM
|
المشاركة الأصلية كتبت بواسطة زوجة عبدو
ا
|
06-04-2011, 02:22 AM
06-04-2011, 06:33 AM
|
المشاركة الأصلية كتبت بواسطة cila
يا حبي ليك يا بنت الاصول
كلامك فهمته مليح وانا بكل كلمة قلتيها معاك يالزينة بس حابه فهمك شي المراة ديما لحوحة بتحب تسمع ما يرضيها من راجلها فهمتي لهجتي الدزيرية ولا لا |
06-04-2011, 11:12 AM
|
المشاركة الأصلية كتبت بواسطة % قلبي حنون %
عزيزتي ..cila فعلا المرأه تحتاج لسماع كلمات الحب .. دائما.. اذا ماسمعتها تسير low battery أنا عن نفسي إذا حسيت اني ابغى اسمع كلام حلو منه أقوله ... ماتبى تقولي شي؟؟ أو أوقوله ((قولي كلام حلو)) دلعني .. اتغزل فيا وطبعا احيانا اديه محاضرات.. عن نفسية المرأه :20: هههههههه وانها تحتاج تسمع ( احبك ) دائما حتى لو هيا عارفه الله يسعد جميع الأخوات ويجعل أيامنا كلها حب و رضى |
06-04-2011, 11:41 AM
|
المشاركة الأصلية كتبت بواسطة بنت الحكمي
حياك أختي أم جابر ولو ياشيخه كيف ما فهمت لهجتك إلا فهمتها
زين ياحبني للهجتكم الزينه تطرب الآذان من جد شوفي ياحبيبتي أنا أتفق معاك بأن المرأه تحتاج المدح والثناء وسماع كلمات الحب والإطراء من زوجها بس أنا من طبعي ما أحب أسأله مثل هالسؤال و أحب إنه هو بنفسه يقولها لي بدون ما أسأله أو أطالبه بها والحمدالله زوجي مو إنسان جاف في مشاعره أو إنه مايعرف يعبر لي عن حبه بلعكس أنا متعوده إنه ينطقها من نفسه يقول لي بين فتره وأخرى يقول لي أحبك أحيانا يعبر بالكتابه عن حبه لي يكتب كلمات حلوه ومعبره ويحطها لي في أي مكان يعرف إني راح أمر عليه ولما يكون مداوم 24 ساعه يرسل لي رسايل على جوالي وأ كثرها أحبك أحبك ولما نرو ح نلفلف بالسياره أحسه من نفسه يمسك يدي ويقول ما تدرين وش كثر أحبك و حتى لما نطلع برى نتمشى بالبر ونقوم نمشي على رجولنا مع بعض ولما نتعب من المشي نجلس أشوفه يخط بالرمل أحبك وأعشقك و يكتب كلمات من الصعب نسيانها من ذاكرتي وهو يكتب بالرمل وأنا أمسح بالذات لو كانو جنبنا ناس يتمشون أخاف حنا نمشي وهم يجون بعدنا يشوفون وش كتبنا لأن مره رحنا نمشي بالبر وجلسنا بين الرمل وجلس زوجي يكتب بالرمل أحبك وأموت فيك أعشقك ياحبي يا أم سلطان وكان جنبنا عائله متمشين بالبر مانعرفهم أثاري عيالهم مراقبينا وحنا جالسين نكتب على الرمل وقمنا مشينا ومامسحنا الكتابه إللي كتبنا ها حنا بس أقفينا ولاشفنا عيالهم إلا وهم واقفين في المكان إللي جلسنا فيه أنا وزوجي وقاموا يقرون إللي كتبناه وبصوت عالي قدام الناس إللي حوالينا وفيه بنت بينهم عمرها حول 12سنه جالسه تصيح على أمها من بعيد وتقول يايمه كاتبين أحبك وأموت فيك وأعشقك ياحبي يا أم سلطان يايمه قر يتها كلها وتصيح بأعلى صوتها ياربي وش ذي الفضيحه كنت حاسه بإحراج شديد من الناس إللي جالسين حوالينا وأقول لزوجي روح إلحق شوف الأطفال فضحونا قدام الناس وزوجي يضحك عليهم و يقول عادي مافيها شئ بزارين صغار وأنا كان نفسي أمسكهم وأصلخهم صلخ حتى توخر عنهم اللقافه الزايده بالرغم من هاذا الموقف إللي صار بس زوجي ما أتعض مازال على طبعه لوطلعنا مايترك هوايته المفضله . ومثل ماقلت سابقا أنا ما أحب أسأله لأني أشوف تعابير حبه لي على وجهه وفي حركاته وتصرفاته معي وما أنكر أحيانا أسأله أسأله بمصطلح آخر غير هل تحبني مثلا أقول له وش أنا أعني بالنسبه لك يرد عليه أنتي كل شئ في حياتي مثلا لو رحت المستشفى وتنومت أنا أو واحد من عيالي تعبان و تنوم بالمستشفى لما يجي زياره لي يقول والله البيت دونك مايسوى وماعاد حسيت بالراحه فيه بغيابك وفعلا هاذا شئ ألمسه فيه لما يجي لي زياره بالمستشفى أحسه مرهق وتعبان والأكل يجيبه معاه من برى ونجلس ناكل مع بعض في المستشفى ويجيب معاه شاي وقهوه ونجلس نتقهوى و نسولف مع بعض حتى الزياره تخلص أحيانا الممرضات يطردونه طرد بالقوه وهو ماوده يرو ح ومايرتاح إلا لما نطلع من المستشفى المهم يحبيبتي أنا طولت عليك ومشكوره مره أخرى على موضوعك الحلو يا أحلا أم جابر بالجزائر كلها . |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
