[QUOTE=متزوج ومتوهق2;2630769]

اذا أخي الكريم

تمسك بالدعاء في هذه الفترة واستخير الله واسأله أن يكتب لك مافيه خير وصلاح لك في دنياك وآخرتك , وبالنسبة لزوجتك فاتركها فترة تفكر بنفسها وتقرر وكما أسلفنا سابقا

قبل نهاية العدة كلمها كلام جاد وقل لها أنك مستعد تحفظ لها كامل حقوقها بالاضافة الى أنها حبيبة القلب , فان رضيت كان بها وان لم ترضى يغني الله كلا من سعته ...

أعانك الله

وافينا بمستجداتك وفقك الله

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

[QUOTE=الماضي الدفين;2631418]هلا اخوي او اختي الماضي الدفين ..... واشكرك على المتابعه .... واها لو تدري بان حبها والله زاد لكن للاسف تعتقد باني بعتها ....المحكمه يمكن تقول حكمها الاسبوع القادم وانا طلقت الاسبوع الماضي وما ادري هل يعتمدون طلاقي او قد تقوم المحكمه بتفريق او الطلاق رغم ان ما فيه ولا دليل واحد عندها باني اضريت بها ؟؟؟؟ ويبدو اني لازم اقنع نفسي بان حياتنا انتهت مع بعض لكي اطلع نفسي من التعب النفسي الي انا فيه ..... والله يصبرني .... الله يصبرني.... ودعواتكم لنا ....

من كثر الارق والتعب والمعاناه ابي استشيركم فلا تحرمونا من اراكم لان الي في المشكله قد لا يستطيع ان يفكر ويقرر بشكل صحيح..... الان اولادي يطالبوني بان اترك لهم البيت الكبير الا اني مصر ان تخرج منه بعد الحكم وخيرتهم بان استاجر لهم برى او ياخذو البيت الاصغرو المجاور للبيت الكبير علما بان له مدخل منفصل ويكفي للاربعه ابناء وزياده ومفروش فرشه ممتازه ... وانا فعلا محتار لان ام العيال وحبي سوف يكون خروجها من البيت الكبير كسر لها بعد طلاقها الي اجبرتني عليه .... وبنفس الوقت لا استطيع اضيع البيت وانا رب الاسره واحتاج البيت الكبير بمجالسه وحوشه بعد ان وتعبت حتى بنيته ان اترك البيت الكبير لطيقتي ...وحده من بناتي جاءت تبكي وتقول الحين مرتك الجديده بتدخلها بيتنا الكبير وحنا نروح الصغير وقالت اذا سويت هشي مستحيل امي بعد فتره ترجع لك انا اقول خلنا بنفس المكان فقد تحس امي بفقدانك وترضي ترجع بعد زواجك عليها ....طبعا انا قلت امك طليقتي الان وهي من اراد لذلك انا مجبور اوفر سكن لكم وهذا هو السكن اما اني انا اطلع وهي تتم مستحيل .... وقلت من ورى قلبي ومن قال اني برد امك انا خلاص طلقتها ولا ني برادها ... ولا تناقشيني بهلموضوع مره ثانيه

لا حول ولا قوة الا بالله

حال محزن بجد

سيكون لي عودة باذن الله

ولكن اليك هذه الأسئلة أخي الكريم :

- أعمار أبناءك تتراوح بين كم - وكم ؟

- ما مدى تعلق أبناءك بامهم خصوصا أنها تركتهم سنة كاملة ؟

- هل تربطك علاقة قوية بأبناءك ؟

- ما مصير الأبناء بعد الطلاق على فرض أنكما لن ترجعا ؟

- هل تعرف رأي أبناءك بالموضوع كله ؟

أعانك الله

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

لساني يعجز عن الشكر اخوي \ اختي الماضي الدفين على المتابعه والتعليق
_ الاعمار تترواح بين 3 سنوات و15 سنه

_تعلقهم بامهم ممتاز ويحبونها وتعرف كيف تصل الى عقولهم وتكسبهم
- انا تربطني علاقه ممتازه وقويه معهم كلهم الا بنتي 14 سنه فهي مؤيده ومدافعه عن امها مهما صار
- رايهم الكبار واحد عادي عنده زواجي يقول من حقك والاخر يقول طلق انت تزوجت عليها ... وعرفت فيما بعد انها تقول لهم وتطمنهم بانمهم بيكونو احسن وبيرتاحون وبطلعكم كل مكان لا تخافون وووو....

مساكين والله فترة مراهقه لكن الله ماينسى احد
والله ماضيعكم الا عنادكم لاحول ولا قوة الا بالله

صرخة حب ..... لو كنتي متابعه للموضوع من البدايه ما اعتقد قلتي عنادنا هو ما اوصلنا الى ما نحن عليه الان ويمكن قلتي عنادها..... وتصدقي ان محاولاتي كانت الى اخر لحظه لاني عارف ومقدر الامور وام العيال من غيرتها العمياء دمرت كل شي وسلمتني للزوجه الثانيه(: بالرغم ان حبي وعقلي وروحي معها وانا حاس بشي غريب معظم من ياخذ الثانيه تلاقيه فرحان بس انا العكس تماما وحس بالفرح يوم اشوف ام عيالي ولو من بعيد ولولا الحياء والعيب والمنقود كان ركضت اضمها بحظني ... شاكر لك المرور والتعليق على الموضوع

رأيي أن تترك لهم البيت .. وتأجر أنت شقه بعيده..
والملحق الصغير بإمكانك تأجيره أيضاً..لكن ليس الآن..
أمهل طليقتك 3 شهور ..
أولا : بقاؤها في بيتها حق لها حتى تنتهي عدتها هذا من جهه ومن جهه أخرى قد تفقدك أكثر من خروجها لبيت
آخر.. لأنها لن تفقد إلا وجودك وبذلك ستكون فرصه لها لتعرف ماذا تريد بالفعل بدون ضغوط
ثانياً: هذا بيت اولادك وتعودوا عليه وحتى لا يصير تشتت عليهم ..يعني أنت فكر بأولادك واستقرارهم
أمهم زوجتك أم مطلقه البيت لأولادك..وسيخفف عنهم أثر الطلاق..
ثالثاً : أنت متزوج حديثاً وليس لك أطفال من زوجتك الثانيه..يكفيكم شقه لفتره..
رابعاً:قد تعود طليقتك...فيصبح من الصعب إخراج زوجتك الثانيه وإعادة الأولى إليه..
خامساً:فرصه لتوضيح حسن نيتك وكرمك أمامها وأمام أبنائك وحرصك عليهم وعلى راحتهم

-بعد الثلاثة شهور قد تطلب العوده..فما يتغير شيء
-قد لا تطلب العوده..فيكفي أن تبقى على أولادها
-فترة الثلاث شهور تعطيك أنت رؤية لعودتك للبيت أم تركهم فيه مع أني أؤيد ان تترك البيت لها ولأولادها
-قد تختار انت الملحق الصغير
-والله يعوضك .. خسارة المال ولا خسارة الابناء
المهم أن يبقى البيت بإسمك أنت تحسباً للمستقبل..

ذكريات لا تغيب اشكرك على المشاركه
-انا اراها صعبه كبير العايله يروح شقه وبيته الكبير يخليه لطليقته وهلها (ادري عيالي فيه ) ؟؟؟ ما احس انه صح وما اقدر رغم اني حاولت اتقبل الموضوع وياريت ان انا طلقت بدون طلبها وبدون محاكم وتزوجت عليها ... لكن انا ما تزوجت الا بعد ان عجزت منها ومن عنادها ومن ثقتها اني احبها ولا يمكن افرط فيها وشوفي نتيجه الثقه والعناد ...
- اختار المحلق .... ما اقدر يكون لي باب صغير ومنفصل صعبه والله اتمنى اقدربس احس فيه امتهان لي ولكرامتي ولمكانتي هي مصره اذا هي تتحمل كل الي تتعرض له .... انا حاس هي تعتقد بترد بعد فتره او تعتقد باني قد اطلق الثانيه وارد لها .... وهذا اعتقاد خطاء وبترتكبه للمره الثانيه ... اول كانت حساباتها خطاء وتزوجت عليها والمره هذه بتخسر بيتها وزوجها 100% بدل من 50%

- انا معاك لوعادت من الصعب ان ارجعها مكانها الي البيت مره اخرى لكن ما ادري انا احساسي اني اطلعهم رغم اني نفسيا متحطم ولا والله ودي يطلعون لكن المحكمه بتقول اوفر سكن وان قلت لهم سكنهم البيت الي هم فيه فمعناتها صعب جدا يطلعو من البيت الكبير بعد الحكم ؟؟؟ والف شكر على المتابعه وعلى ما اقتراحتيه وللنقاش بقيه

بالنسبة للمحكمه .. تستطيع أن تخبر القاضي انك ستوفر لهم السكن بعد انقضاء الثلاث شهور لأنه من حق الطليقه..البقاء في البيت فترة العدة
وبذلك تعطي نفسك أنت فرصة لتختار ماذا ستفعل؟!

طلاقها إثبات لا تراجع فيه أنك لن تطلق الثانيه بناءا على رغبتها..ورأيي أن تتجاهلها تماماً هذه الفتره
فقط وفر طلباتهم

-كيف هي امورك الماديه...هل تستطيع شراء بيت آخر ؟

الله يفرج همك وييسر أمرك لكل خير