ليه الغرور
هذا هو شعور الداخلي من البداية احاول اتجاهله لكنه يرجعلي

والأعضاء هنا بيشجعوني علے الأستمرار والتغيير

لكن بجرب معه إلـے نهاية الحمل وبنشووووف

غلطتي انجابي للأطفال

عفوا ... خطأ مطبعي بالاية الكريمة والصحيح " وأفوض أمري الى الله ... "

بخصوص موضوعك يا أمل أتخيل اللي صار كالتالي

انت قريبة لزوجك من جهة والده ... ووالده شخصيته قوية حتى أمام والدته وهذا لصالحك .

لما صارت المشاكل بينك وبين زوجك وخاصة لما انتقلتوا لبيت أهله وصارت مشاكلكم مكشوفه لهم وبالذات لما تركتي البيت ورحتي بيت أهلك ... صارت والدة زوجك تهون عليه وتقول له اذا زوجتك متعبتك اتركها وخذ بنت خالتك وهذا احنا مجربين أختها وعايشة معنا ومرتاحين معها (( كلامها منطقي جدا وأي أم بتقوله لولدها ))

وبالرغم من دور والد زوجك برجعتك لكن أتصور لو انه زوجك ما يعزك ما كان قال لك عن مخططاته . كان تزوج بدون ضجة خاصة انه والده استسلم بموضوع زواجه الثاني .
ودليل ثاني على رغبة زوجك بالاصلاح هو طلبه منك التودد لوالدته .. وإلا ليش يهتم اذا تحسنت صورتك أمام أمه أو لأ .
طبعا حبه لولدكم برضه دليل على حبه لك
وبما اني أعرف انه زوجك مو من النوع الحقود أو اللئيم وما أظن انه يذلك إذا شاف منك التسليم له . وكل مشكلته انه يحس انه صغير بنظر كل اللي حواليه . وما ساعدتكم الطريقة اللي بدأتوا فيها حياتكم .. كانت بداية صعبة جدا لكن صار الوقت اللي تقدروا تتجاوزوها وتنسوها

اقتراحي

من رأيي تقعدي معاه (( حافظي على نبرة صوتك منخفضة وعيونك ما تركزيها عليه )) واطلبي منه انكم تعطوا زواجكم فرصة جديدة ... قولي له شنو رأيك نبتدي من جديد .. انت تنسى أخطائي وأنا بعد أنسى (( وقفي عند كلمة أنسى وما في داعي تقولي أخطاءك بوجهه احتراما له ))
اذا سألك عن السبب قولي له لأني ما أحتمل جفاك معي وأتمنى رضاك علي .. (( كبري راسه )) وكمان عشان أولادنا ما يتشتتوا .

ايش طلباتك مني ؟؟؟ أتوقع بيقول احترام لي ولأهلي وووو ..... مهما طلب وافقي له وقولي له على راسي وبعدين نشوف كيف نحصل حقوقك منه .
إذا ناقشتوا موضوع أمه وأهله .. قولي له أنا بخدمهم على قدر ما تساعدني صحتي وحملي كرمال عيونك لأني أشوفك تستاهل تكون زوجتك أحسن وحدة بين زوجاتهم .
وطالباتك انتي ؟؟؟ تودني .. تناديني باسمي .. وتقدر وضعي الصحي والنفسي .. ((( قوليلي يا خاله عن طلباتك اللي ودك تطلبيها منه ))) ...

اذا ذكر شيء غلطتي فيه لا تكابري وتحاولي تبرري غلطتك .. بكل اختصار قولي فعلا غلطت .. معاك حق وما أكررها باذن الله .. وشوفي كيف الموضوع بينتهي بقلوب شرحة وبأسرع بكثير من لو كابرتي وناقشتي .

إذا عاتبك بموضوع روحتك لأهلك وضحي له السبب باختصار شديد عشان ما تتناقشوا فيه وعلى طول انتقلي لموضوع حبك له وركزي على انك بالرغم من أنك رحتي لكنك تحبيه .. مافيها شيء ولا فيها مذلة انك تقوليله أنك تحبيه خاصة انه روحتك لأهلك معناها انك كارهته فالأمر يحتاج انك تأكدي على محبتك له .
لا تجيبي سيرة الزواج الثاني لانه مو وقت التفاوض عليه الحين .. لازم نمد جسور بينكم بالأول وبعدها تقدري تموني عليه بهذا الطلب ... الحين الوقت بكير .

اتفاقكم هذا بيخلي محاولتك لكسبه أسهل لانه معاملته لك بتكون أفضل وبيتعاون معك .

__________________

ليه الغرور حبيبتي ليه نظرتك متشائمة
يتغيرون .. ليه . هم مو بشر مثلنا ؟؟؟ مثل ما احنا نتتغير هم بعد يتغيروا
وزوجها نفسه على فترة تغير وصار أحسن . لكن مشكلتهم انهم هم الاثنين صغار وبدأو بداية صعبة .

لو كل واحد واجهته مشاكل يئس على طول وتطلق بدون ما يحاول بيطلع كل العالم مطلقين ..

ومن قال انه الأولاد ما راح يتأثروا لما أهلهم يتطلقوا حتى لو كانوا بحضانتها ؟؟؟ روحي واسألي بقسم المطلقين ...
بعدين من قالك انها بتكون مبسوطة بدون أبو أولادها معهم بحياتهم ؟؟؟ الزوجة تحتاج زوج وتحتاج أب لأولادها .. البنت بعدها بأول العشرين ..

وزوجها مو ذاك السوء ... له ايجابيات كثيره ... لكن الواحد مننا لما يكتب يكتب المشكلة والشيء اللي مضايقه حتى يلقى حل وما يقعد يكتب بكل تفاصيل حياته .
وما أحد كامل .. الغلط أحيانا يكون من الطرفين .

__________________

ليه الغرور لو فشلت هالمحاوله تراه للي يبييييييه سواء اسعدها او اتعسها


خالتي بيتا
طبقت ماقلتي قبل شوي بقولك ايش صار بالضبط
كان يطالع التلفزيون قلت له حبي ابيك بموضوع قال وشو؟
قلت شرايك نعطي حياتنا فرصة جديدة
قال شفيها حياتنا
قلت مشاكل
قال الحين مافي مشاكل قلت الا فے
قلت خلنا نبدأ من جديد وتنسى اخطائي وانا انسى
قال خلاص وهو مو مركز معي ويتابع التلفزيون
قلت علشان اطفالنا وانا ما ابي الا رضاك
قال خلاص
قلت ايش طلباتك
قال ماعندي طلبات
واكرر السؤال مره ثانيه قال ما ابي مشاكل
قلت بس قال ايه وطلباتك ايش
قلت تناديني بأسمي مو هيه قال شفيها هيه قلت ماتصلح قال خلاص اناديك بأسمك
وتصرفني وتراعيني قال انتي ماتطلبين قلت خلاص بأطلب

مع اني اطلب ومايجيب

قلت ايش طلباتك قال مافي شي الباقي انتي مرأة وتعرفينه
قلت امك قال امي مو طلب انتي تقومين فيها وقلت خلاص

قلت وبلاك بيري قال ما ابيه ويكون رقمك واحد قلت لا بعدين قلت ايه

قال اشتريلك جوال ان73 جديد وبلاك بيري تلغينه
قلت خلاص

انا قلت خلاص شفويا كذا يعني خخخخخ صراحه بأخبيه ليش؟ لأني ادخل النت فيه وهالمنتدى الرائع وزوجي الاب توب والكمبيوتر محرم عنده وعند اهله


حنان مشكوووره
علاقتي مع امه رائعة لكن لا اعلم ماذا يدور فے داخلها وخلف ضهري
عندما اتيتهم كنت اخدمهم حتى تم العزل بسبب اكلهم ومايضيفون له من ادويه شعبيه تضر بصحتي وهم يستخدمونها يوميا كالماء

والله مشكلتك حرق اعصاب كان نفسي اساعدك بس عليك بالصبر والصلاه والدعاء ان الله يكشف همك
ام الحلوين

بلغينا بالمستجدات

__________________

اهلييين خالتي بيتا
يسعدلي مسااائك

المستجدات

حاسه مو نافع في شيء

لازال الكلام بيننا قليل هو صراحه احس اني يائسه منه

امس شوي الا تصير مشكله..
امي اتصلت وعطيتها مشغول اكثر وبعدها اتتصلت كان اخوي الصغير يتصلبجوال امي لما اعطيه مشغول يتصل
واصلا انا بيني وبين امي اتفاق لما اعطيك مشغول معناته ان عندي احد..
المهم لما شافني اعطي مشغول شك
وقال اعطيني الجوال قلت لا قال بتسوين مشكله\
قلت انت لا تسوي مشكله وخذ الجوال وقام يفتش مين المتصل طلعت امي وسكت

انا انقهرررررت في داخلي

ولما جاء الليل سويت اتفاق مع امي انوه اذا جاء زوجي بعطيك اشارة ودقي وبعطيك مشغول..وبغير اسمك في جوالي..
غيرت اسم امي وحطيتها حوووبي وزخرفته بقلوب
ولما جاء كان يطالع التلفزيون دقت امي واعطيها المشغول
قال اعطيني الجوال قلت لا وياخذه بالغصب ويطالع الرقم والأسم طبعا رقم امي جديد مايعرفه ويدق عليه وعلى طول انت مين؟
وكلمته امي انا خالتك
قال هي ماترد مدري شفيها..
ولما سكر الأتصال قعد يتمهزا يقول اذا اتصلت امك اعطيها مشغولدقلت عادي هذي خصوصياتي اكلمها اذا صرت بلحالي قال لا عطيها مشغول قلت انت فاهم كذا بكيفك...

اليوم قلت انتم عندكم زوجات اعطني فلوس بشتري قال ميه قلت احد يجهز للزواجات بمميه قال يجهزون بخمسين

قلت خلاص اذا رجعت من سفرك اروح لسوق قريتكم

انا الآن عند اهلي لمدة 3 ايام وهو سافر مدينه ثانيه

خالتي بيتا وربي حاسه انوه صعب هالمره وافكر انسحب
وبعد الولادة ننفصل شرايك
حتى انوه زمان افضل كان اذا نام يحتضني وينام والآن لا يبعد مخدته بعييييد

وحتى لو حاولت معه انا جروحي مين يعالجها!!!

الله يكون في عونك ويهدي زوجك

ويا رب يحفظلك الي في بطنك

وتولدين على خير

هلا حبيبتي كل يوم أفتش بين المواضيع على موضوعك وأشوف اذا عندك جديد

ايش كان غرضك من موضوع الجوال واتصال أمك ؟؟؟ قصدك تثيري غيرته ؟؟

حبيبتي ابعدي عن أي شيء ممكن يسيء لصورتك عنده .احنا مو ناقصين

هو أصلا يحس انك ما تحبينه وسهل جدا يشك فيك ..لانه الرجال يفكر انه اذا زوجته ما حصلت على العاطفه عنده لأي سبب معناها أكيد بتدور عليها برا .

ساكتين طول الوقت ليش ؟ كلميه ... مو على أساس نبي نحاول نغير الحال .. كيف ممكن يتغير اذا انتظرنا انه هو اللي يبادر ؟
اتفقنا انك أنتي اللي بتبذلي الجهد .. جهد يعني تكلميه .. إسأليه عن شغله .. اعرضي عليه تلعبوا مع بعض لعبة .. أي لعبه تعجبك وتعجبه .. لعب أطفال . مراهقين . متزوجين .. أي شي
اطلعوا امشوا .. امشوا لاخر الشارع وارجعوا .. قولي له عشان الحمل ...
يحتاج أولها انك تتحايلي عليه حتى تجذبيه للأمور اللي ممكن تقربكم من بعض .. مو تعرضيها عليه وهو يرفض وانتي تتحطمي .. لأ ... توقعي يرفض لانه يائس ومتضايق ..
أولها تتحايلي حتى تصير الأمور الطبيعية من تمشايه ولعب ومساج ورومانسيه ..
ومرة تصيب ومرة تخيب
بتلاحظي انه تحسن شوي ..
بتتشجعي وتزيدي مدح فيه واحترام ورومانسية ..
بعدها يصير في مجال تتفاهموا ويفتح لك قلبه وتعرفي اللي بداخله من ناحيتك ...
بعدها تظلي على احترام وحب وبر بأهله وتحمل لظروفه المادية الصعبة وتظلي حتى تكسبي احترامه لأنك صبرتي

حبيبتي .. انت بوضعك وعلى أبواب طلاق لا سمح الله شنو يعني حفلة ولا عرس ؟؟؟؟ تضرب كل الأعراس مقابل اني ما أضايق زوجي ... ما أبيه هذا العرس اللي ممكن يضيق على زوجي سواء ماديا أو معنويا .
ما أبيه من نفس وبدون ما أحمل زوجي منية .

أنا معتمدة على أنك واعية وعقلك كبير وقلبك أكبر .. ودايما الزوجة هي أساس نجاح الزواج ..

ولا تنسي الدعاء .. انت عند أهلك الحين وعندك فرصة شغل أقل وتعب مع الأولاد أقل معناها تقدري تقومي ليل وتدعي ربنا ييسر لك زوجك ويحنن قلبه ويجمعكم على خير وسعادة .
استغلي هذي الليالي بالصلاة والدعاء والنهار بالاستغفار عشان أولادك .. مافي غيره رب العالمين يقلب القلوب

ربي يسعدك ويسهلها عليكي
المسألة مو كلمتين وبس

__________________

اااااامين