هلا حبيبتي كل يوم أفتش بين المواضيع على موضوعك وأشوف اذا عندك جديد

ايش كان غرضك من موضوع الجوال واتصال أمك ؟؟؟ قصدك تثيري غيرته ؟؟

حبيبتي ابعدي عن أي شيء ممكن يسيء لصورتك عنده .احنا مو ناقصين

هو أصلا يحس انك ما تحبينه وسهل جدا يشك فيك ..لانه الرجال يفكر انه اذا زوجته ما حصلت على العاطفه عنده لأي سبب معناها أكيد بتدور عليها برا .

ساكتين طول الوقت ليش ؟ كلميه ... مو على أساس نبي نحاول نغير الحال .. كيف ممكن يتغير اذا انتظرنا انه هو اللي يبادر ؟
اتفقنا انك أنتي اللي بتبذلي الجهد .. جهد يعني تكلميه .. إسأليه عن شغله .. اعرضي عليه تلعبوا مع بعض لعبة .. أي لعبه تعجبك وتعجبه .. لعب أطفال . مراهقين . متزوجين .. أي شي
اطلعوا امشوا .. امشوا لاخر الشارع وارجعوا .. قولي له عشان الحمل ...
يحتاج أولها انك تتحايلي عليه حتى تجذبيه للأمور اللي ممكن تقربكم من بعض .. مو تعرضيها عليه وهو يرفض وانتي تتحطمي .. لأ ... توقعي يرفض لانه يائس ومتضايق ..
أولها تتحايلي حتى تصير الأمور الطبيعية من تمشايه ولعب ومساج ورومانسيه ..
ومرة تصيب ومرة تخيب
بتلاحظي انه تحسن شوي ..
بتتشجعي وتزيدي مدح فيه واحترام ورومانسية ..
بعدها يصير في مجال تتفاهموا ويفتح لك قلبه وتعرفي اللي بداخله من ناحيتك ...
بعدها تظلي على احترام وحب وبر بأهله وتحمل لظروفه المادية الصعبة وتظلي حتى تكسبي احترامه لأنك صبرتي

حبيبتي .. انت بوضعك وعلى أبواب طلاق لا سمح الله شنو يعني حفلة ولا عرس ؟؟؟؟ تضرب كل الأعراس مقابل اني ما أضايق زوجي ... ما أبيه هذا العرس اللي ممكن يضيق على زوجي سواء ماديا أو معنويا .
ما أبيه من نفس وبدون ما أحمل زوجي منية .

أنا معتمدة على أنك واعية وعقلك كبير وقلبك أكبر .. ودايما الزوجة هي أساس نجاح الزواج ..

ولا تنسي الدعاء .. انت عند أهلك الحين وعندك فرصة شغل أقل وتعب مع الأولاد أقل معناها تقدري تقومي ليل وتدعي ربنا ييسر لك زوجك ويحنن قلبه ويجمعكم على خير وسعادة .
استغلي هذي الليالي بالصلاة والدعاء والنهار بالاستغفار عشان أولادك .. مافي غيره رب العالمين يقلب القلوب

ربي يسعدك ويسهلها عليكي
المسألة مو كلمتين وبس

__________________