..اشوا انك ماشلت بخاطرك ..

وبعدين حدد وش المره الي تجوز لك ..

تحب البيتوتيه ولا الي مافي محل ماتروح له ..

تحب الي اناقتها اوفر ولا ناعمه ..

تحب طويله ولا قصيره ..

بيضا ولا سمرا ..

ملامح حاده ولا ملامح ناعمه ..ولا ماتفرق معك ..

سمعت هالقصه من صاحبتي ..
كان قريبها شارط شرط واحد لزوجته ..اكيد مع الاخلاق وان منظرها مقبول ..
انها تكون انيقه ..و قال لهم ..ابيها تكون فاااره اسواق العالم كلها ..
وصحيح اخذ وحده اناقتها عالميه ..وعلى ذوقه ..لأان هو بعد ذويق وانيق ..ومهتم بنفسه ..

واحد من اخواني شارط ان زوجته يكون شكلها يبين اصغر من عمرها ..وصحيح زوجته ملامحها طفوليه شوي ..ولاهي طويله وناعمه ..

عكس الثاني ..الي ماطلب ولا صفه ..
بس حوم تسبودنا واكتشفنا انه يبي ملامح قويه ..ويكون بروفايل الوجه حاااد ..وجمالها صارخ ..

واهم شي اخوي الام والاب ..يكونون خلوقين ومشهود لهم بالخير ..
لانها نتاج تربيتهم ..
هذي النقطه استفدتها من امي ..
لما نجي نخطب تسال عن الام والابو ..
وانا لما كانو يتقدمون الي مايجوز لها والدينهم تصريف على طول ..بدون ماتعطيني خبر ..
والي يجوز لها والدينهم ...تجي تشاورني وقتها ..
والحمد لله ام زوجي عسل ..واحبها ..الله يجزاها عني كل خير ..

ونفس الشي اهل حريم اخواني ..اخلاق ..ومريحين اخواني ..

وعلى سالفة انك تسال عن البنت ..وحده تقول خطيبها سال سواقهم وفصفصه وعطاه بخشيش بعد ..
والله بذي السواويق فضيحه ..أتذكر ببيت اهلي سواق مصري معامله اهلي عاااديه له ..
المهم ومتمسك فيهم ..وبعد كم سنه قال لامي ..بناتكو كويسين ..لما اطلع بالسياره مايعملوش ليا مشاكل ويكلمو شباب زي البنات التانين ..
وارجع للبيت كل يوم ..وراي عشرين سياااره ..وانا خايف على البنات دوول ..
بس والله كان حبيب ..الله يذكره بالخير ..

__________________

السلام عليكم ورحمة الله تعالى وبركاته

أنا مريت بنفس اللي تمر فيه بالضبط لاحظ "بالضبط" ، وأنا اعرف إن فيه أمور ثانية مارضيت فيها بعد ، ولايرضى فيها أي رجال !!

المهم
ومن واقع تجربة أنصحك بالآتي وبالترتيب

1- دين البنت وخلقها ( والله والله الحريم يعرفون يطلعون لك البنت الدينة والخلوقة بس إن أشتغلن صح)

* فيه مثل يقولك (خذ من بيت الغني جواد ، ومن بيت الفقير زوجة )
2- النسب ، شوفلك عايلها بسيطة جداً وناس طيبين وسمعتهم طيبة ، يكون أبوها شيخ بالطيب وأخوانها ذيابة ، عشان عيالك مايبورون بكرا ، إن ماطلعوا على عمانهم ، دمهم يروح لخوالهم.

3- التكافؤ : لاتاخذ من ناس أغنى منك ، شوفلك ناس على مقاسك ، وخذ متعلمة ، وخذ وحدة ناضجة لايقل عمرها عن 23 سنة ، وياسلام لو تاخذ شوي من بعيد ، البعيدة تستحي وتحشم عكس أكثر القرايب.

4- جمالها .

ونصيحة لوجة الله ، أنت تبحث عن الزواج ، فلا تخلي نيتك بالزواج أنها حب او شهوة ، ترى الشهوة تنتهي بمجرد اخذ شهوتك ومع الوقت بتملها ، والحب إن ماتغذى بين كل فترة وفترة مصيرة يموت وتصير الحياة روتينية وعادية وجداً مملة.

خل نيتك بالزواج ، الستر ، أنك بتستر نفسك وبتستر مسلمة معاك ، أنك بتكون أسرة ، أنك تبي احد يشاركك حياتك ، يناقشك ، يتبادل معاك إهتماماتك وهواياتك ، يخطط معاك للمستقبل ، يسليك ، يكون لك مشروع صداقة .

حط الشخص المناسب في المكان المناسب.

وصدقني بتنسى بنت عمك وبتنسى كل شيء ، وهذا عن تجربة ، والرجال الحقيقين مايعيشون اسرى لماضي مشاعرة اصلاً ماكانت حقيقية عند احد الطرفين.

بالتوفيق

__________________
استغفر الله واتوب إليه

يعطيك العافيه على التوجيهات صراحه ماقصرتي ..... ليه دايم اقول صراحه صراحه صراحه شكلي كذاب

الله يجزاك خير ياحبيبي ووالله مثل ماقلت الدين اهم شئ والاخلاق والجمال يروح مع الوقت بس ولو عاد الواحد يجلس يصبر يصبر على الاقل يلقى وجه حلو يتصبح فيه

الله ييسر لنا ولك لجميع المسلمين كل خير

شاكر مرورك الكريم

وما المانع من ان تأخذ جميلة

كوني وضعت الجمال في المرتبة الرابعة هذا لايعني بأن أقول لك لاتهتم بالجمال ، بالعكس أهتم ، بس خلي فيه أولويات قبل الجمال ، والحمدلله الجمال الحين صار بكل مكان ووين ماتروح تلقاه ، بس نصيحة لوجة الله أهتم بدينها وخلقها ، ومثل ماقلت لك الحريم إن أشتهن يشتغلن صح وربي محد بيوقفهم خصوصاً من ناحية الأخلاق.

أن جتك جمال ودين وخلق وصلاح ، شتبي من الدنيا بعد ؟؟

المهم لاتفكر ف اللي طلقتها ، والله وبالله الكريم انها خيرة ، وبتكتشف هذا الشيء لما تتزوج ان شاء الله

وسسسع صدرك وروووق وعيش يومك .

حبييييييييييييب

__________________
استغفر الله واتوب إليه

لا والله امي لبى قليبها مهيب شديده ..بس ايام اول قبل خمس طعش سنه كانو الخطاب كثار ..كل اسبوع ينط واحد ..

وكل واحد يقول الملايين عندي ..فامي كانت تدور الافضليه ..
اما اخواتي الحين ..فقلت شروطها ..واهم شي انه راعي صلاة ومايتتن ..وبس ..اسفه ..عشان مشاعرك ..التتن مافيه شي ..زين ..؟؟

ماهقيتها منك ..ماتعرف كيف تسال عن الناس السنعه ..
رح لكبير قبيلتكم ..وقل ابي بنت اسنع ناس ..
ناس راعية صلاح وخير وصلة رحم ..
والله لو مافيها جرأه ضربت لك اسماء عوايل يشترون الرجااال ..

والمتفائل بالله ماقصر قال لك ..دور على الاهل راعين الخير ..
ترى وانا اختك ..الخال جذاب ..<<<<<تعشق الامثال ..

وعلى فكره مو معناة انها لابسه كعب يعني انها غشتك ..لا هي تحب تلبس كعب ..
والي متمكيجه مو معناه انها شينه ..ومو معناة انها ماحطت ميك اب وقت الشوفه انها جميله ..

البنت لما تحط ميك اب وقت الشوفه ..هذا يدل على ذائقتها ..

لا اله الا الله ..وش كنت بقول ..أيه ..

الملامح الحاده = عيون كبيره وجميله وانف طويل ودقيق وشفاه مرسومه ..
الملامح الناعمه =ماتكون جميله بكل تفاصيلها مثلا عيونها صغار وانف جميل وشفاه عاديه ..او حتى مو لازم انف جميل بس مع جمال البشره تعتبر جذابه فقط ..

لان بعض الرجال ..مايبي جميله ..يقول انه يمل منها ..<<<<<<خبره في الخطبه ..بدون دخل مادي ..

وزي ماقال الاخ متفائل الحين ماعاد فيه بنات شيون ..الله لايغير علينا نعمته ولا فضله ..

عذرا على الاطاله ..

__________________

وعليكم السلام
الي اشوفه بسؤالك انك تحتاج تعرف عن البنت حاجتين الشكل والمضمون:
من ناحية الشكل ماقدر أفيدك بحاجه غير انك تحدد الي تبيه لامك بيضاء نحيفه.... الخ
لان مهما يكون دايم نظرة الرجل تختلف عن نظرة المراه
أما من ناحية المضمون من وجهة نظري المؤدبه ثم المؤدبه ثم المؤدبه
لان لو فيها طبع مو زين يمنعها الادب من فعله
وهذا الشي ممكن تكتشفه عن طريق الرجال من أقاربها أسالهم عن أدبها مثل الخال والعم وعيال الخوال وعيال العم
لابد تبان المؤدبه أحس الرجال عندهم بعد نظر اكثر
ممكن تسال احد من النساء بس بشرط:
ماتكون من النساء الي تبالغ بالمدح او تبالغ بالسب لان بعض النساء الي تحبهم تشوفهم ملاك والي ماتحبهم تحط فيهم عيوب الدنيا
ولا تكون أمرآه حبيبه وعلى نياتها تشوف الناس كلهم يزينهم ياملحهم

أخيرا/ دايم أشوف انه الخوال هم الي يجذبون يعني البنات فالغالبية كربون الخوال فأسال عن الام والخوال

فهمت وش معنى عين داخله في المقله ..

الحين العين الجاحظه هي الي بارزه شوي ..

انتي تبي عكس داخله شوي ..يعني الجبهه بتكون بهالحاله بارزه ..

لولا اختلاف الاراء لبارت السلع ..<<<<<<<<<<<امزح يابنات والله امزح

__________________

مو تكون بارزه بس نفس الوجنتين تكون عريضه يعني العين تكون داخليه شوي ماهوب ناتقه كنها بقره

يعني زي كذا

[img]http://im25.***********/2012-06-14/1339681531221.jpg[/img]

متعب نفسي رايح ارفع الصوره وادور لك العيون والله لو تقولين شي فذوقي تفاهمت معك

لا ماشاء الله ذوقك زين ..

الله يرزقك وحده مقلتها داخله شوي ..ووجنتها عريضه ..عاد احرص ان وجنتها طبيعيه موب حقن ..؟؟

شفت هالي حطيت صورتها ملامحها ميب حاده لانااااااااعمه ..

الملامح الحاده هي الملامح العربيه الاصيله ..الله يعين الوالده وشلون بتشرح لها ..

ذكرتني بسالفه ..زوجي لما جا يخطبني باللقاء الاول ..لان احنا سوينا له ثلاث لقاءات بعدين الشوفه الشرعيه ..

يقول كنت اتامل اخوانك واقول ان شاء الله تصير بيضا زي فلان ..ويونها زي فلان ..وجسمها زي فلان ..

يقول بس كنت مرتاح نفسيا ..لأانهم زيون شوي ..؟؟؟؟؟

ولما سالت عن هالنقطه ان الخاطب يقيس على اخوان الزوجه ..تفاجأت بهالمثل الجميل ..

اذا شفت الغزلان عند الباب ترى القرد جوا ..واذا شفت القرد عند الباب ..ترى الغزال جوا ..<<<امزح ..

__________________