السلام عليكم ورحمة الله تعالى وبركاته

أنا مريت بنفس اللي تمر فيه بالضبط لاحظ "بالضبط" ، وأنا اعرف إن فيه أمور ثانية مارضيت فيها بعد ، ولايرضى فيها أي رجال !!

المهم
ومن واقع تجربة أنصحك بالآتي وبالترتيب

1- دين البنت وخلقها ( والله والله الحريم يعرفون يطلعون لك البنت الدينة والخلوقة بس إن أشتغلن صح)

* فيه مثل يقولك (خذ من بيت الغني جواد ، ومن بيت الفقير زوجة )
2- النسب ، شوفلك عايلها بسيطة جداً وناس طيبين وسمعتهم طيبة ، يكون أبوها شيخ بالطيب وأخوانها ذيابة ، عشان عيالك مايبورون بكرا ، إن ماطلعوا على عمانهم ، دمهم يروح لخوالهم.

3- التكافؤ : لاتاخذ من ناس أغنى منك ، شوفلك ناس على مقاسك ، وخذ متعلمة ، وخذ وحدة ناضجة لايقل عمرها عن 23 سنة ، وياسلام لو تاخذ شوي من بعيد ، البعيدة تستحي وتحشم عكس أكثر القرايب.

4- جمالها .

ونصيحة لوجة الله ، أنت تبحث عن الزواج ، فلا تخلي نيتك بالزواج أنها حب او شهوة ، ترى الشهوة تنتهي بمجرد اخذ شهوتك ومع الوقت بتملها ، والحب إن ماتغذى بين كل فترة وفترة مصيرة يموت وتصير الحياة روتينية وعادية وجداً مملة.

خل نيتك بالزواج ، الستر ، أنك بتستر نفسك وبتستر مسلمة معاك ، أنك بتكون أسرة ، أنك تبي احد يشاركك حياتك ، يناقشك ، يتبادل معاك إهتماماتك وهواياتك ، يخطط معاك للمستقبل ، يسليك ، يكون لك مشروع صداقة .

حط الشخص المناسب في المكان المناسب.

وصدقني بتنسى بنت عمك وبتنسى كل شيء ، وهذا عن تجربة ، والرجال الحقيقين مايعيشون اسرى لماضي مشاعرة اصلاً ماكانت حقيقية عند احد الطرفين.

بالتوفيق

__________________
استغفر الله واتوب إليه