أبشري من عيوني

ورزقك يارب تسلمين

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

بنت ناس انا مثلك راتبي الحمد لله جيد بس للاسف في نهاية الشهر اكتشف انه طارر في اشياء مالها اهميه،،

اعجبتني طريقة توفي في تخيير اولادها ،،

واعجبتني بعد طريقة نور عني بابدا اشترك بجمعياات باحاول اوفر قد مااقدر وبنتي من كم شهر اخذت لها حصاله وكل فتره احط فيها المقسوم ،،

بالتوفيق للجميع .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

الصراحة يابنات انا اؤيد الجمعيات وبقوة بس فيه هناك امور يلزم انك تضبطها قبل ماتشترك في الجمعية وهي كالتالي تخصص مبلغ وتحدده علشان تشترك فيه طبعا تحدد المبلغ هذا بعد ما تسوي جدولة لجميع إحتياجاتك ومصاريفك وتشوف كم الفائض اللي يتبقى من راتبك وتطلع منه مبلغ بسيط إحتياط لوقت الطوارئ لو احتجته تقدر تاخذ منه والباقي تدخل فيه جمعية شهرية وعلشان لو اضطريت واحتجت تاخذ من الإحتياط بحيث ماتعرض لنفسك لسلف والدين وتنحاس امورك وبعدين تستلم الجمعية وتروح للي تسلفت فلوس وانت مديون لهم منهم بكذا ما راح تستفيد شئ تجمع من هنا وتطير من هنا يعني لا تشترك في جمعية إلا يكون عندك لها هدف مثلا تشتري فيها قطعة ارض او اسهم وتستثمرها او ذهب تحفظ فلوسك في شئ يفيدك اما انك تجمع وتجمع وفي النهاية تطيرها وتنساها وانت باقي تدفع فيها ماخلصتها وتتحمل ديون وتتكركب امورك شئ صعب عليك وكمان الجمعية افضل شئ ماتطول وتزيد عن 12 شهر بتلنسبة لموضوع المقاضي والمشتريات من الأسواق الصراحة هاذي ما افيدكم فيها لأن اختكم مثلكم والله اني انزل السوق واشتري ولما ارجع للبيت احاسب الفواتير واطالع في الأغراض اشوفها قليلة والفلوس اللي دفعتها كثيرة واحسبى واحسب الين عيوني تطلع اقول يمكن فيه غش او غلط بالحساب في النهاية تطلع الحسبة مزبوطة اما زوجي يشتري ويمشي مايحاسب وحتى الفواتير يضيعها واحيان يرميها يقول مامنها فايدة خلاص شرينا وانتهينا لاكن والله كل شئ صار غالي
اذكر بأول طفلين كانوا عندنا كان الراتب متوسط ومقاضي المطبخ ولوازم الأطفال والله ماتعدي الألف ريال احيان اقل من الألف لاكن الحين الراتب الحمدالله زين وكبير لاكن مقاضي البيت والإحتياجات تتجاوز ال 2500 ريال هذا غير فواتير الكهرباء والإتصالات بالنسبة للأطفال لما نطلع لسوق ما احدد لهم شئ لاكن اعطيهم مبلغ مستقطع لكل واحد فيهم بالتساوي مع الراتب اعطي كل واحد فيهم100 ريال وقت غير الراتب اعطيهم 50 كل واحد 50 ريال ومالي شغل فيهم هذولا الأولاد كل واحد يشتري الشئ اللي يبغاهويلعب في اللعبة اللي يرغبها واللي يبغى يوفر ويجمع منهم هو حر في فلوسه طبعا البنات باقي صغار وطلباتهم بسيطة واللي يطلبونه اشتريه لهم بس لو كبروا النظام اللي مشى على اخوانهم اكيد بيمشي عليهم وبياخذون نفس المصروف وهم احرار طبعا عندي الولد الكبير يحب يوفر ويجمع من مصروفه قبل ماتنتهي المدرسة لقيته ماشاء الله تبارك الله مجمع حدود 1500 ريال من مصروفه اللي اعطيه اما الثاني بايعها ويمتع نفسه وزيادة يتسلف مع اخوه لو احتاج مرة مسكتهم والكبير جالس يبصم اخوه على وصل كاتب فيه انه متسلف منه 10 ريال وتستحق الدفع في يوم كذا وكذا اثاريهم مسوين حسابات من وراي ولما سألت الكبير قال علشان بضمن حقي ولو مادفع بشتكيه قلت له وين بتشتكي اخوك في الشرطة ولا المحكمة قال لا يا امي لايروح فكرك بعيد مو انا ابيع اخوتنا بالفلوس بس علشان بضمن حقي وهو كمان ماينسى ولو مادفع اجيبه عندك وانتي تحكمين بيننا طبعا الولد الثاني اعرفه عليه حركات وتسحيبات يتسلف ويماطل ويغص قلب اخوه وبعدين يدفع له لاكن الكبير قلبه طيب ويحن عليه لو طلبه فلوس يعطيه وينسى التسحيبات اللي سحبها عليه بس بعض الأوقات لو المبلغ يتجاوز 20 ريال يطلب منه كفيل طبعا انا الكفيل عليه انه يرد له فلوسه او يقسطها له من مصروف المدرسة

هذا برامجي مع اولادي وطبعا في العيد والمناسبات اضاعف لهم المصروف علشان نروح مهرجانات وكمان ياخذون تذاكر العاب فما احب إني اقيدهم او افرض عليهم رأي اعطيهم فلوس وهما ياخذون اللي يرغبون فيه ماعاد اعطيهم فقط بعض النصائح مثل إنهم ممنوع يشترون مشروبات الطاقة بجميع انواعها والمشروبات الغازية والأشياء اللي فيها الوان ونكهات صناعية والألعاب الخطيرة اللي ما تناسب سنهم او لها اضرار وطبعا الحين هم من انفسهم صاروا حافظين الأشياء اللي انا مانعتهم عنها فما يحتاج اذكرهم فيها طبعا اللي يصرف فلوسه ويخلصها معناته خلاص ماعاد فيه بح ما اعطيه مرة ثانية بس للحين ماشفت انهم يصرفونها كلها لو رجعنا للبيت الاقي معاهم باقي فلوس ويصرفونها في وقت ثاني

واعجبني اقتراح الغالية ام يوسف احسه اقتراح حلو انك تحدد مبلغ علشان تقضي فيه وتترك بطاقة الصراف في البيت ما تشيلها معاك الصراحة انا من النوع اللي اقضي اغراض وكنت مسبقا محددة لها مبلغ ولما اروح لسوق الاقي المبلغ المحدد مايكفي واضطراطلع الصراف واكمل باقي الحساب من الجهاز لأني اشوف اشياء تعجبني واشتريها بكذا المبلغ اللي احدده مسبقا يكون غير كافي فا كمل باقي المبلغ من بطاقة الصراف

بالرغم اني ما اروح لسوق شهريا دائما ما اخذ مستلزمات إلا وقت الأعياد او الإجازة او وقت المواسم مثلا الصيف او الشتاء اروح اشتري ملابس واحتياجات لي وللبنات بالنسبة للعطور وادوات التجميل والبخور اخذها كل ثلاثة شهور انزل واقضيها مرة وحدة ولو قربت تخلص انزل واخذ مرة ثانية عقب ثلاثة شهور بالنسبة لصيدلية من اول كنت اروح لها كل شهر او شهرين وكنت ادخل الصيدلية واشتري اغراض بكيس صغير واحاسب فوق 600 او 500مئة ريال ولما اروح للبيت الاقي إني شريت اشياء انا ما احتاجها بس شفتها واعجبتني او انها تبغى مني وقت لإستعمالها فيه وانا مو فاضية فاتركها وانساها والله ان بعضها تاريخها ينتهي وارميها ورجعت بطلت ماعاد صرت انزل لصيدلية لو بغيت شئ اكتبه بورقة واعطي زوجي او ولدي الكبير يروح يشتريه ويجيبه لي ووفرت على نفسي والحمدالله الحين مقاضي البيت احيان انزل مع زوجي ونقضيها قبل الراتب وقبل الزحمة زوجي مايحب الزحمة الكثيرة نروح نقضي فيها يقول خلينا نروح قبل ماتنزل الرواتب احسن نقضي على راحتنا واحيان انا اروح معاه واحيان اكسل ويروح هو وعياله يقضون بس طبعا القائمة لابد منها اكتبها واعطيه ويشيل شلته عياله ويروح يقضي انا اكره اللفلفه الكثيرة ارجع البيت مصدعه وتعبانه واحيان اروح معاه وقت مايكون عندي وقت واحس اني طفشانه اطلع معاهم ونتقضى ودائما نقضي في عربيتين وحدة مع زوجي ووحدة مع ولدي مرة قضينا وانتهينا ومرينا على الكونتر علشان نحاسب فشافها المحاسب وقام يسأل زوجي يقول له ما شاء الله تبارك الله شكلك يامطوع فاتح بيتين عندك حرمتين زوجي ضحك ومارد عليه المرة الثانية جينا قضينا وكانت عربة وحدة ومرعلى نفس المحاسب قال لزوجي وين العربية الثانية رد عليه زوجي قال له خلاص الثانية طلقتها الحين عندي زوجة وحدة بس حينها قلت في خاطري يالله وش كثر بعض الرجال ينتفش ريشه لو جابو له طاري الزوجتين ويفرح بالخبرية و يصدق نفسه ويعيش الجو ههههههههه
المهم حبايبي انا طولت عليكم ودخلتكم معي في متاهات لاكن علشان لي فترة ماادخل للمنتدى إلا نادرا الحين جيت وحطيت كل اللي خطر على بالي وان شاء الله اني ما ازعجتكم واشكركم جميعا على الإفادة والإستفادة والشكر موصول للغالية صاحبة الموضوع بنت ناس الله يسلمها ويحفظها على هالموضوع الجميل والطيب والمفيد واستودعكم الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الا يابنات عشان ماتقولو ماقالت

الي بتشترك في جمعيات .. تنتبببببببه انها تتشارك مع ناس تعرررفهم

مو تروح لصاحبة صاحبة صاحبة جارة بيت حماة اختها وتشترك معاهم

كونو جمعيات من بنات تثقو فيهم
وعضوات الجمعية قليل يعني مثلا 10 الى 12 .. مو تجمعو 30 ولا 40 بنت


تراها صارت بصاحبتي
دخلت بجمعية و ضاعت عليها ست الف جنيه استرليني
يعني مايعادل 30 الف ريال سعودي ..
الحرمة صاحبة الجمعية اخذتها و قالت مالكم فلوس عندي
وروحي اثبتي !!!

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله