الله يسهل دربك موهبه ويكتب اللي فيه الخير.
عذرا تكرما نحو الافضل وداماس
اشروح اكثر لي مالذي تبين في شخصيه زوجها؟؟والاسلوب الامثل التعامل معه؟؟وهل الطيبه غير مجديه معه؟
هل ينطبق عليه المثل اكرم الله القارئ "البسه" ماتحب الا خناقها
هل بالامكان تعطونا الاسلوب الامثل لمواقف معينه كتمثليه للتضح الصوره؟
تشكرات

اشكرك اختي نحو الافضل على التوضيح

روح الطير احس زوجي يتصرف مو بارادته

اعتقد وومجرد ظن وليس جزم ان زوجته ساحرته

او رابطته

او عاملته عمل

لان تصرفاته مو طبيعية كلش

اختي سرب الخيال

باختصار الأقط ( القط) يحب خناؤه ( خناقه)

مثال واقعي

مرة رحت معاه مطعمنا المفضل وما كنت مشتهية اكل منه

ما طلبت الا سلطة وما كنت اطالع ويهه ابدا

طبعا حس اني ثقيلة فقام قط نفسه علي ويوكلني ودلعني وقالي كلام والله ما ادري اشلون قاله

لكن انا دايما اخرب على نفسي


ومثل ما قلتوا زوجي يحب جو الدراما

__________________
لا اله الا انت سبحانك اني كنت من الظالمين

سلامتها لبنوتك موهبة
الله يطمن قلبك عليها
اشركي زوجك بمسؤولية بنتك
وابعتي له صورتها والحكيم عم يكشف عليها
اي شي ممرضة بتساويها صوري بنتك وابعثي خليه بالجو بكل ما يخص بنتك
خليه يتعلق بالصغيرة مثل اخواتها كل شويتن ايعثي صورة عم تضحك عم تنام عم ترضع تغيري لها
يا موهبة اتلحلي شوي

__________________

شكرا الزهرة الجميلة على التوقيع الرائع
الله لا يحرمنا منك

يا العمرية

لما اسوي جذي يبرد ولا يعيش الجو اللي قالوا عنه الاخوات

اليوم سويت مثل ما قالوا



اخر التطورات

اليوم زارنا والابتسامة شاقة حلجه واول ما شاف البنت قال شلونج موهوبية صغيرونة

وقام يدلعها

ويكلمني وبعيونه الف كلمة وكلمة

طبعا انا ما بسط الفراش ولا طويته

ابتسم واضحك وان سال رديت

وسال عن احوال البنت ومتى بتطلع وانا اجاوب ما ادري ولا سالت

وبعد ما راح بعث بوكيه ورد

شكرته

وهذا كل اللي حصل واللي جرا وكان

__________________
لا اله الا انت سبحانك اني كنت من الظالمين

اتركيه الفترة هذه ..
و لاتفكري فيه ..

شكله مثل زوجي عينات كثيرة ..
لما اطنشه و اكون قوية و شيييي ..
يموت فيا ..

بس كويس انه انا شخصيتي كذا .. فبسهولة جدا علي ..

.
.

و مرة اختي عاملت زوجها بنفس طريقة معاملتي لزوجي
تقول صار يلبي لها كل طلباتها

.
.

الرجال يحبوا الي تعذبهم ..

اي يا روح

هذا الحين هو نهجي معاه

الله يهديه لي يارب

__________________
لا اله الا انت سبحانك اني كنت من الظالمين

السلام عليكم ورحمة الله وبركاته....

اختي الكريمة من فترة وانا اتابع موضوعاتك
ما يقوم به زوجك ليس سوى تنفيس عن عجزه امام تحكم زوجته الأولى
لا يستطيع ان يسيطر عليها فلا يجد امامه سوى الزوجة الثانية التي يعلم علم اليقين انها تخاف الطلاق لذلك هو يلوح به بين الحين والآخر ليمارس بعضاً من سلطته الرجولية التي فقدها امام زوجته الأخرى.
آن الأوان اختي لتضعي حداً لإستهتاره بك وبإستقرارك لا بد لك من موقف جدّي.
موقف يجعله يفكر الف مرة قبل ان يلوح بالطلاق كلما ضاقت به الدنيا.

لا تقبلي ان تعيشي وفقاً لمزاجيته. لست اقول ان تطلبي الطلاق لا سمح الله ولكن ان تضعي له الحدود التي لا تقبلين بتخطيها مهما تعرض هو لضغوطات عائلية.

بالتوفيق ان شاء الله

والله فقع مرارتي سايبك تودي البنت المستشفى وهو جالس في البيت
وبعدها يزوركم كأنو يزور اي مريض أخر ولايدري عن بنتو
وبعدين ايش الي تحببو في بنتو هو الواحد محتاج احد علشان يحب بنتو هذا شي فطري
صحيح يمكن ما يكون متعلق فيها بزياده في البدايه بس ينط لو فيها شي ولا محتاجه وما يخليها مهما كان بينهم

اشكرك على ردك اختي مرجانة

شلون اضع له حد وهو تجاوز كل الحدود

مشكلته ان يندم ويعتذر ويبدا يصلح غلطه

بس يرد مرة ثانية على نفس الموال

وللعلم مو بس انا اللي يحط حرته فيني حنى بناته

حاشهم الطشار بعد

الله يجبر بخاطري


اخوي بدران انت فقع مرارتك انا شنو اقول

الله يصبرني عليه بس

__________________
لا اله الا انت سبحانك اني كنت من الظالمين

فضفضة

امس كنت اكلمه بالواتس اب

وكانت اختي تبي تزورني بس انشغلت

قالي شفت شلون اختج انحاشت منج
قلت له حتى انت مرتك منحاشة منك

قالي اصلا اليوم باشوفها

بعد مدة دزيت له مسج قلت له ترى قهرتني بهالكلمة ما كان له داعي تقولها

قالي اصلا مرتي منحاشة من وجودج في حياتي
قلت له من زين حياتك كلها هم وغم

قالي روحي دوري عن قصة حب يالمعقدة
قلتله انت المراهق انا مابي حب بس كل يرى الناس بعين طبعه

قلت له هذا مو اسلوبك اخاف مو انت تكلمني
قالي امبلا انا بس شكلج بتعيشين دور السحر

قلت له روح عيش انت دور رميو
قالي انا رميو
قلت له انا خابرة رميو كافر


وانتهت المراسلات

الصراحة قهرني قهرني قهرني

بدال ما يعتذر ويداري خاطري جذي يقولي

اي وقلت له اذا ما تبيني اخذ بنتك

قالي موافق

لا احد يقولي لا تراددينه وتجادلينه
ما اقدر اسكت على احد يغلط علي
يفور دمي

حسبي الله عليه
الله ياخذ حقي منه

والله ودي افتك منه بس بنتي شنو ذنبها ما ابيها تتبهذل نفس خواتها

الله ياخذ حقي منه

__________________
لا اله الا انت سبحانك اني كنت من الظالمين