السلام عليكم
بحاول اختصر
لعل وعسى احد يفهمني وش الي قاعد يصير

السالفه انو صارت لي ضروف وانقلبت نفسيتي فوق وتحت وكان عاذرني با البدايه وكان يكلمني ويرسل لي انه مشتاق لي ويحبني وووو

لما تقابلنا طبعا اقصد زوجي بعد غياب 15 يوم فتحت الجوال ولقيت رساله عمل يعني تخص العمل يا فلانه ارسلي الله يخليك الاوراق الفلانيه على الايميل وكانت اوراق مهمه وانا عارفه انه يبي الاوراق بس ما دريت ان الي ترسل ها الاوراق مدام
والي زعلني ان زوجي ما قال لو سمحتي يا اختي او يا اخت او لو سمحتي الحالها كان كاتب اسمها حاف مثل الي كتبته فوق
طبعا انا اعرف انه مو راعي خرابيط بس برضو ما احب ها الامور حتى لو كانت بشكل رسمي فا ما بالك با الميانه
انا بحكم وضعي ونفسيتي الزفت تهاوشت معه وقال هذي طبعا قال المسمى الوظيفي تبعها وكلمبها واسئليها قلت ان شاء الله رئيسة دوله ما تكتب اسمها حاف قال بسم الله كلميها وتاكدي قلت ماعندي شك با الي قلته والا كان شفت شي ثاني الي يزعل ليش ما كتبت يا اخت او اي صقه رسميه المهم
تلفظت وطلعت حرتي ورجعنا للبيت ووحنا متزاعلين من بعد ما كنا
قمت وش سويت
اخذت فراشي ورحت لغرفه ثانيه ولي شهر ونص الحين بغريفتي وكل ما لنت وتكلمنا تطلع مشكله بسيطه وتحوسنا ونزعل طبعا الكلام بيننا رسمي مع احيانا نفخه مني وعناد منه
طبعا اعتذار مستحيل يعتذراو حتى يسمح خاطري بعد الموضوع الاول فقط الي سواه دق علي ثاني يوم من شغله وكنه ما صار شي يسئل وش اسوي ومن ها الكلام ورديت بكلمه وقفلنا
بعدها بدا معه العناد وانا تركته انام الحالي
الحين بعد ها الفتره وبعد ما زانت ضروفي يا ربي لك الحمد رحت له واعتذرت فقط بقصر الشر وليس لاني مقتنعه اني غلطانه لا والله لكن علشان تمشي السفينه
المضحك انه كان جماد لا اكثر وكانه زعلان علي له سنين ما كانه مسوي شي حاولت وحاولت والله ماعبرني بكلمه ولا نطق حرف
اليوم برضو حاولت ولا تكلم معي بل زاد اكثر
شككني بنفسي قلت انا الي زعلانه المفروض تقدر وضعي ونفسيتي ما تصير هم ثاني وتركني وطلع ولا قال ولا كلمه اصلا ما كان يبي يسمعني
هل له حق با الي يسويه
لاني ندمانه اني نزلت من نفسي له
حتى ما رضى يتكلم عادني جدار

وش الحل
وهل طبيعي الي يسويه

والله تكلمت معه امس وطولت وهو سااااكت ولا قال ولا كلمه وعطاني ظهره ويتافف بعد

والمضحك اني قلت له اوكي اذا ما تبي تتكلم معي الحين فا بنتكلم لما ترجع ان شاءالله ولا رجع الا بعد 7 ساعات يعني لا تتكلمين معي

علشآن قال اسمها حاف.. تهجرينه شهر ونص
هجر مرة وحدة
الي سويتيه شيء مو بهين أبدآ ومآدري كيف بيسآمحك عليهـآ
إلا إذا تشوفين إنك على حق و مآسويتي شيء
فذكرك بقول النبي من بآتت وزوجهـآ غضبآن عليهـآ... ) يآ الله رحمتك
روبيرتا انصحك من قلب انتبببهي
انتبهي من عصبيتك لاتدمر بيتك

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

لسبب تافه كهذا تهجرينه شهر و نص؟
انتبهي اختي الكريمة قد تندمين وقت لا ينفع الندم بسبب تسرعك

راجعي حساباتك بعض الامور لا تستحق

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

طيب انتم تناقشتو فالموضوع وهو شرح لك انها مجرد ( المسمى الوظيفي ) وهذا يعتبر اعتذار عند الرجل
وبنفس الوقت انتي عارفه زوجك ماهو راعي خرابيط ليش كبرتي السالفه بهالشكل
وليش تبغينه يعتذر منك زياده وهو ماغلط بأي شي يستاهل الزعل هذا كله
ممكن تزعلين عليه ساعه ويكون زعل دلع ماهو زعل حقيقي
ندري بشعورك ويمكن اغلب المتزوجات مرت عليهم حكاية تشابه حكايتك
بس ما اتوقع اي وحده تطول زعلها لهالدرجه

__________________

اختي اود ان تنصحيني
1- أتعرض لظروف عصيبة تجعل مني شخص اخر وزوجي متفهم ومواسي
2- هجرت زوجي بعد ان تلفظت عليه لانه لم يقل أخت في طلبه الرسمي لما هو داخل دائرة العمل بل اكتفى بذكر مسماها الوظيفي والذي كان بإمكانه عدم أخباري لانه لا يخاف في الله لومة لائم وان كانت زوجة فلا بد ان تكون متفهمه ولكنه تلطف وارفق بالقارورة وفعل ولم اكترث وواصلت التهكم و اشعرته بحرج في مصداقيته كرجل والتي أدليت بعفته بنفسي
3- تحامل علي زوجي وتركني أفعل مايحلو لي حتى شهر ونصف
4- اعود للظروف التي برقم 1 لقد تحسنت وزال الضغط الذي كان يؤثر على سلوكي وعلمت اني عملت حدادا على امر لم يمت فضحكت على نفسي ونزعته لاستمتع بالحياة
5- لكن مهلا! زوجي ليس كما في 1 فهو لم يعد متفهما ومواسيا بل قاسيا ومتالما ومكابرا
نعم! بعد ان استغل ابليس وقبيله ابتعادي عنه وشعوره بالفراغ و لعب فوق راسه ابليس كل ليلة لعبة من خيالات و حبال ذهبت به الى بعيد، بعيد جداً مكان لا يشبهني ولا اشبهه، صوتي فيه بشع وصورتي
هو يشعر بانه مغترب عني واني ألبست وداعته رداء الذئب بين النساء وجعلته إجبارا يفكر بالفعل بتلك المراه التي تسببت في كل هذا وينظر لها كأنثى فعلا
هو حائر جداً وانا أرقبه من بعيد
أختي ريبورتا بما تنصحيني؟

__________________
الحمد لله..اللهم صل على محمد و ال محمد

التفريغ المنهجي

انا رأيي مختلف..
انتي صح لانك ناويه تضيعي زوجك من يدك
او منتي عارفه معنى زوج وحياة زوجية..
عشان كذا انتي صح

يحب الشيطان جهودك فانتي تخدمينه دون ان تعلمي

واصلي تعنتك واسترسالك في النكد حتى تصنعي هالة النكد الكبرى .. ثم ضخميها باسلوبك المضخم للامور وطبقي كل ما يمليه عليك فكر شيطانك حتى تنفجر .. حينها فقط ستستفيقي ولن تجدي حولك احد
حتى الشيطان بنفسه رح يهرب

حينها فقط .. ستصبحين مثالاً وحالة واقعية نكتب عن ادبياتها كي نشرح لمن في قلبه شك ان هناك زوجات سلبيات يتفنن في استغلال صبر ازواجهن وتحويل كل هذا نحو السلبية والنكد والقلق و و و و

( في داخلي اتمنى لك كل خير ..) ولكن الجواب باين من عنوانه

__________________
ان انت اكرمت الكريم ملكته.. وان انت اكرمت اللئيم تمردَ!!

ما قصروا الخوات

و شلي اغراضج و ارجعي حجرتج...

و ابدئي التقرب حبه حبه...

اذا تقدرين ارسلي له ريوق على الدوام عن طريق اي مطعم مع رساله خفيفه منج... كسر الجليد اللي انتي كونتيه ممكن ياخذ وقت و لكن لااااابد من المبادره منج انتي... و جلسه وحده يا حبيبتي ما راح تحل الامور... هو صابر شهر و نص و انتي بجلسه وحده تبين تحلين الامور؟!! طيب ليش ما انحلت الامور برده البسيط لج في بداية المشكله؟حطي نفسج مكانه و فكري في فداحة اللي سويتيه....

لا تناقشين في المشكله لان زوجج اعتبرها منتهيه من وقتها و لكن بادري و تصرفي كزوجه محبه ما في اي مشكله عندها... عودي لروتينج العادي كزوجه محبه بدون التعرض للمشكله...

العوده لغرفة النوم الليله... واذا قرر ان هويطلع من الغرفه الليله فأرجوج لا تسوين مشكله... اتريكه على راحته ليله وحده بس ولكن بعدها تاخذين اغراضج و تنامين في المكان اللي ينام فيه بدون منااقشات طويله معاه... استعملي لغة الجسد و النظرات الحانيه وقتها فقط...