ليش الاستغراب الانسان ادرى بنفسه

بخصوص الاعراض اللي ذكرتيها لا تنطبق علي غالبا
الحمدلله اقرا قرأن وما تجيني كوابيس
واصلي بس اتأخر مرات عن وقت الصلاة للاسف
شبه قاطع للاغاني
في هم من وضعي طبعا

واللي يقطون كلام المشكله اني بوضع حرج للعوده لشخصيتي الطبيعيه فما احتاج تكسير مجاديف من البدايه

احس اسهل لي تغيير الاصدقاء بالكامل واريح لي ادخل بشخصيه مختلفه
وجزاك الله خير

ابشركم يا اخوان اليوم اضطريت اروح لعزومه مهمه وما في مجال ارفض

توكلت على ودعيته وعودت نفسي عالابتسامه

وانطلقت من نقطه ان كل مخاوفي اوهام وليه اخاف من ناس بعضهم اصلًا يخاف من ظله

رحت ارتبكت بالبدايه وكم واحد قط كم قطه ورديت عليه وخليته ينقد على نفسه

وواحد ذم احد اصدقائي العزيزين علي ( صديقي اللي احس يشوفني بخيل بس اعزه تذكرونه ) مسحت بكرامة اللي ذمه وقلت له ما اسمح لك تغلط عليه لين اعتذر وقال انا غلطان

اللي سويته باختصار:
دعاء لله واشغل سورة البقره واقرا قرأن يوميا حاليا*
وانطلقت من سالفة انهم ما يخوفون وهذي اوهام لو ما اكلمهم ما هموني لانهم مو كفو احترام اصلاً فاعاملهم كأغراب*
بس انطلقت للحياة

ما اقول لكم تشافيت تماماً ولكن انطلاقه طيبه ورجعت البيت وسجدت شكر لله

والنيه بستمر على هالزيارات قبل لا يرجع لي الخوف لاني ان طولت على ما ازورهم ترجع هالمشاكل وتصير الروحه ثقيله يمكن ارجع ازورهم خلال هاليومين

واللي يغلط علي بحط اصابعي بعينه هذا اللي ناقص*

ويا رب تشافيني وتشافي كل مبتلى ويا ناس ارحموا الناس ولا تحشون بحد*ولا تتقيمون تصرفات الناس ترى هذي من اسباب الاصابه بالرهاب الاجتماعي لان مجتماعتنا تضغط عالواحد لين يتعب ويحس انه مراقب مع ان محد داري عنك

واللي يحب يضايقك منت ملزوم تحترمه الله يحط كيده بنحره*

الله يفرج همك ويشفيك ويرفع عنك

صادق ... الله يثبتك ويوفقك ..وعقبال ما تجي تبشرنا بالعروس

__________________

له له في تغيرات الحمدلله والله اني فرحتلك من قلبي واستمر على العزايم بس هالمره بدون تااج وبوكس ضرابه يعني

هالمره السفيه اسفها لاتسويله 1234 ... استمر عسى الله ينزل االراحه في قلبك

الله يجزاك خير

الله يجزاك خير ما قصرتي في اخبار طيبه جدًا ابشرك بس كل شي بوقته حلو

هههه الله يجزاك خير

طافك واحد حقير وحقود جدًا جدًا جدًا ما عرفت ان فيه حقد بالدنيا الا منه مع ان ما جاه مني الا كل خير المهم اليوم يستخف دمه سفهته المسكين من الربكه قام يطقطق اصابعه بطريقة انسان مضطرب عساه من هالحال واردى ان شاءالله نار تاكل بعضها

وبيني بينك بستخدم طريقة الهجوم خير وسيله للدفاع لين اتمكن من النجسين واحط حد بعدين برحهمهم واسفهم*

يا اخوان احذروا ترى في كل مكان تخاف تروح له في ناس سيئين يحبون يحرجونك ويخلونك ترتبك وينحشونك من المكان وهم يفرحون فرح عظيم لما يشوفون الارتباك عليك
ترى خباثتهم غالبًا ليست صدفه او انهم مو قاصدين بالعكس هم يتفننون بارباك الاخرين حتى لو ما جا منهم الا كل خير

قلوبهم سوده وفيهم حقد

هالنوعيه لها تعامل خاص

ان شاءالله تتعدل اموري واكتب موضوع كامل عن التخلص من الرهاب الاجتماعي بطريقه جديده ومختلفه جدًا

ما اخفيكم يا اخواني جتني نكسه بسيطه وترددت للذهاب

وضغطت على نفسي قلت يعني شنو اللي بيصير ماني ميت

الخوف كله من نقطه وحده حاليًا اخاف اني ارتبك ووجهي يصير احمر ويبين علي بس هذي مشكلتي اخاف يلاحظوني وانا منحرج

بس صبرّت نفسي قلت عادي حتى لو انحرج استمر لين ينكسر الحاجز ويصير الامر عادي واتعود على طول بعدين انطلق

الفكره ان تجهز نفسك حتى لو تنحرج ويبين عليك عادي كمل لان اللي يلاحظك راح يحس ويلفون وجيهم عنك علشان ما يحرجونك زياده او يكونون خبثاء ويستمرون وبهذي الحاله ماراح تحسب لهم حساب

وما اعرف ارد بهدوء لاني اكون مربك يعني حتى لو رديت بسب وشتم مافيه مشكله لانهم يتعمدون احراجك فلازم يتحملون اللي يجيهم

من ينكسر الحاجز راح ارجع لوضعي الطبيعي وارجع جريء واحرقهم بغشمره ( للخبثاء طبعا)

تنحرج مرة مرتين ثلاث بعدها ينكسر الحاجز وتغرد

افضل من الهروب كل مره وينظرون لك نظره الضعييف *