المشاركة الأصلية كتبت بواسطة أبو حكـيم الحمدلله أن حقك ليس ضائعا معه . لا نعلم ما هي الظروف التي أجبرته أن يقرر فجأة هكذا ليسافر بها للسعوديه ربما كان سيصارحك ويشرح لك بالتفصيل كل شيء كي لا تلوميه , لو كنت تسمحي بذكرها أمامك ولكن بما أنك لا ترغبي بذكرها أمامك فلذلك ما استطاع أن يوضح لك شيء لأنه سيكون مرغما أن يذكرها في ثنايا كلامه , وهذا على غير رغبتك ولكني - من خلال كلامك - أراه يبحث عن رضاك بكل ما أوتي من قوه .

المشاركة الأصلية كتبت بواسطة أبو حكـيم هل يراسلها على الواتس , أو يكلمها هاتفيا عندما يكون عندك ؟

المشاركة الأصلية كتبت بواسطة مهره أعوذ بالله أن أكون جاحدة أو ناكرة. لا أدري يا سر .. أحتار أحياناً في روعتي تلك التي ترونها فيّ. هل هي روعة ناجمة عن شخصيتي وأخلاقي بشكل مطلق .. أم أنها روعة ناجمة عن حسن تعامله معي وحرصه على احتوائي؟!!

مهره يا أصيله

جا الوقت اللي اقولك فيه اني استفدت منك كثير وتعلمت منك كثير

اعرفك من ايام فكرتك المجنونه بتسمية بنتك على اسمك وعجبتني وقتها بس ماكنت متزوجه ويوم جا الجد ماقدرت انفذ وحسيتها صعبه

ماعلينا ..

ماعندي كلام جديد وكل اللي كان ومازال فبالي قالوه لك الاعضاء جزاهم الله خير

أنتِ رائعه وزوجك يعشقك انقالت كثير بس صدقيني صح بس من روعتك مانتي شايفتها بنفسك .. بل وصلت انك تردين سبب روعتك لتعامله معك

لا تفهميني غلط هو فعلا يعاملك بشكل رائع بس لانك اصيله قابلتي تعامله بشكل اروع

ومن روعة تعامله معك تصرفه الاخر هذا انه استصعب يشرحلك ويقولك وجها لوجه ومن

لخبطته راح بالطريقه السريعه هذي علشان لايظطر يقولك مادري فاهمتني؟

وحكايه العلاقات والزواج .. الرجال تركبيتهم غير عنا ولي وجهة نظر مختلفه بهالموضوع و

يارب تفهمين قصدي لاني فاشله بالشرح عن طريق الكتابه

بس نبعد العاطفه شوي ونتكلم بعقل

اتخيلي جاكي عرض تسافرين مكان بعيد وع البحر وحلو ووناسه ومن غير العيال ورجتهم

ومسؤليتهم.. مكان انتي وحبيب عاشق تتبادلون احلى الكلام واروع اللحظات .. باختصار

ايام شهر عسل ثانيه مع اختلاف بالبسيط بين مشاعر النسخه الاصليه والنسخه التقليديه

اول شي حتقولينه وعيالي ؟؟ وزوجي اللي عاش معاي ع الحلوه والمره اللي جمعتنا

سنين .. وبنفس الوقت ودك بوقت استجمام وراحه .. صح؟

انتي لانك ام وامرأه راح يردونك عيالك وزوجك لكن الرجال لأن ماعندهم قلب الام ولا

عندهم وفاء ومشاعر المرأه راح يقبلون هالعرض

قبولهم لهالعرض مو لانهم مايحبون حريمهم او عيالهم لا .. قبولهم للعرض لان ماعندهم

قلبنا وطريقه تفكيرنا .. شي فطري شي ربنا خلقهم كذا .. شي مو بيدهم شي مايعرفون

ومايقدرون يفكرون فيه ويحسبونه زينا وبطريقتنا .. لو مازوجك باااااين انه يعشقك وماوده

بزعلك كان اقول كلام ثاني .. لكن زوجك بالذات اكدلي هالشي بطريقه تعامله معاكي

وكيف يحتويك بادق التفاصيل ..

هالشي اكدلي انو فعلاااااا كلامنا واحساسنا وفهمنا للتعدد ناتج عن الاختلاف الجذري

بطريقه تفكير الرجال والنساء

مادري انا ريحتك ولا قلبت راسك .. سامحيني امانه لو كانت الثانيه

يشهد ربي علي قد ايش تألمت لاجلك .. حتى موضوعك بمعرفك هذاك عرفتك من اول

سطرين وتألمت جدا يومها .. اقولك كذا علشان ابين لك وأكدلك ان خيالي اللي فوق

علشان راحتك ولو ضايقتك سامحيني وانسيه

الله يهدي بالك ويسعدك ويديك لين يرضيك

المشاركة الأصلية كتبت بواسطة Beta2 اكتبي حبيبتي اكتبي وهذا أنا أنور بصيرتك فضفضي يا مهره ولا تحرمي نفسك تكتبي لو ضايقك ردي أو رد غيري ...أحيانا نحتار شو نكتب لكن من المؤكد أن وضعك يجرح ويؤلم وماحد يقدر يناقش بهذا مهما كانت درجة الاحتواء والمراعاة نظل بشر

المشاركة الأصلية كتبت بواسطة cila طول عمري اقول المرة هدي ما من زماننا احيي فييك رزانتك وقوة صبرك وذكرك لزوجك بكل خير بين طيات حديثك... فضفضي يامهرة فكلنا هنا نستمع اليك ونؤازرك.

المشاركة الأصلية كتبت بواسطة *سر الحياة* لولا أخلاقكِ الطيبة ..لما أحسنتِ التعامل معه يامهرة .. أسأل الله أن يرده إليكِ رداً جميلاً ويكفيه كل شر ..