.

اختي الكريمة، ..
القاعدة .. حديثه عليه الصلاة والسلام ..
".. من ترضون دينه وخلقه .."

اتفق معك في قراة .. الاسترخاص في اسلوبه
في حين ..
اقرا فيك، غنى النفس .. وعدم تدقيقك في المادة

وهنا، ..
انا اشوف فيه .. اختلاف في الاخلاق
.. ، واختلاف كبير


وشخصيا، ..
اشوف انه اختلاف حرج، لان ..
المادة .. تعكس نمط الحياة

بكرة حينعكس، مو على كم يوم .. وتجربة الفرح
وانما .. الى حياة حتمتد الى ما يشاء الله
وادا نظرتي لابعد، فما حتكوني وحدك المعاني من هالشئ
وتقولي اتحمل، .. اكيد هالشئ حيلحق ابنائك وبيتك

فاذا من اولاتها، ..
توقعي، وبقوة، حتعيشي مع هالواقع حياتك معه



برضو، ..
شخصيا اشوف، .. يعني اقلها .. قلة الذوق
ان يصارحك بعبارة زي "انا سالت عن مهر المطلقة"
صراحة، بالنسة لي، شئ يسقط الشخص كليا من عيني

اذا عاملك الان كسلعة، .. في نظري، ..
حتبقى وتستمر هالنظرة والمعاملة لك

اذا استرخصتي نفسك، ..
خاصة مع شخص من نوعيته .. واضح يدقق ويحرص على هالامور،
ستبقي رخيصة في نظره

فـ ..
ما ينفع تتعاملي مع الموضوع .. بتساهل
حتى لو لم تكن تهمك الماديات
لازم تعملي لنفسك قيمة .. حتى يقدرك الاخرين ويقيموك ويعملوا لك حساب
، وخاصة من البداية مع هالنوعية




اختي الكريمة، ..
المهر يجب ان يكون له قاعدة تحدده
وفي نظري .. قاعدته،
قدرتكم انتم المادية .. وقيمة الاشياء اللي حتتحملي واهلك تكلفتها في الفرح


موضوع انك عطيتيه كلمة، .. ما يلزمك بشئ تجاهه
هو لو .. شجص عدل، ما يجي يفتح الموضوع معاك ويسوامك


مع احترامي، ..
لكن اطلعي انتي والسيدة الوالدة من المواضيع المادية
وخلي الكلمة فيها للرجال/ اخوك


هذا كله كوم، وموضع عروس .. ويسكنك بملحق

"منفردة"!؟ .. ايش تبغي عنوان اكثر واكبر من كده يبين لك نوعية الكتاب



كلمة اخيرة بشفافية، ..
انا شايفك مندفعة .. ورغبانة بالزواج
.. ، ويمكن ماخوذة شوي .. بالعضلات الرياضية المفتولة
لكن لا تخلي اندفاعك والحاح رغبتك ..
يخلوك تتهوري في اختيارك .. وقرارك
هذا ارتباط يفترض ان يستمر لاخر العمر
اذا الحاحك .. واعجابك بامور، في وزنها تعتبر، سطحية
يخليك الان تتنازلي عن اشياء اساسية .. لها علاقة بتقدير قيمتك وتكريمك
بكره تروح السكرة .. وتجي الفكرة
وهي فترة وتعدي هالشكليات .. وتفقد بريقها، ..
ويبقى واقع معدن الشخص .. واخلاقه


البيت المشهور يقول :
(انما الامم الاخلاق ما بقيت -- فان هم ذهبت اخلاقهم، ذهبوا)
ما ادري اذا له علاقة، بس خطر على بالي


كلمة ما بعد الاخيرة

لاء .. عن جد اختي الكريمة، ..
احنا .. انما نعطيك اراءنا واحنا جالسين في الطراوة
.. ولا لنا ولا علينا في اللي يصير
في الاخر .. هي حياتك، .. وانتي ادرى بطبيعتها وبظروفك
فـ اوزني امورك بمعرفتك .. وحسب احتياجك







الله يوفقك .. ويهديك لما يرضيه ويرضيك
.. ، دعواتنا لك


.