المشاركة الأصلية كتبت بواسطة رمان احمر

عندي سؤال مهم جدا
حكيت انك تهجر زوجتك بالشهور وتنام في المجلس ؟

الهدف من هذا الهجر ؟
ماذا تنتظر من زوجتك ان تفعله لك
هل تحب ان تأتي وتترضاك بطريقة معينه ؟
هل انت ترضى من نفسك ؟ام لابد ان تراضيك هي ؟
اريد معرفة النقطة من كل النواحي
ايش ترغب انت بالضبط ..

المشاركة الأصلية كتبت بواسطة رمان احمر

سؤال آخر
كيف تعتذر لها في حال انت اخطأت؟

المشاركة الأصلية كتبت بواسطة حالم مجنون

شوف متحرج أرد عليك من قبل طلاقك..
لكن لله الحمد من قبل ومن بعد..
حصل ماحصل..ومن وجهة نظري إن هذه القصه هي كما قلت..فعداك العيب..
وإنت انسان صبرت ولك طاقه وعمر محدد وتبغى تنبسط..
أولادك لاتحرمهم منها مهما كلف الأمر..ولاتبين لهم السبب مهما كلف الأمر أيضاً..
سيكبرون ويعرفون ويقيمون ويقيسون الأمور كلها..
الأمر الأخر تزوج حالاً..وفكر قبل الإقتران كثيراً..
وأولادك لاتدعهم عند أحد مهما كلف الأمر..حتى فترة زواجك حاول تسدد وتقارب..
لأن سيفكرون بأن الأب تركهم مع الجديده ومن الصعب بعدها سيحبونها..
والأم تركتهم وأثرت حياتها على حياتهم..
وماتشعر بيه طبيبعي..هو شعور غبنه وقهر..

ربي يوفقك ويعينك،،،،،

المشاركة الأصلية كتبت بواسطة شوق اللقاء

الغريب ما طلبت حضانة اولادها

المشاركة الأصلية كتبت بواسطة الـــوحيد

السلام عليكم ورحمة الله وبركاته

بخصوص جارتنا سابقاً
انا سبق واني لمحت عن مواقف وقلت منها جاره لنا
وماحبيت اذكر القصه لاني مااعتقد ان لها تأثير على المشاكل اللي حنا فيها
ولان السالفه صارت من فتره ماهي قليله بس تجددت الحين بعد انقطاع طويل

والسالفه ان كنت مستأجر شقه قبل ابني بيتي حالياً وكان بالعماره المقابله لنا عوائل كثيره ومن ظمنهم شقه لرجل فاظل وقمه في كل شي بصراحه اخلاق الى الخ وانا احترم هالرجال كثير
لكن الله مبتليه بزوجه الله يستر عليها هي سمعتها بين الجيران كويسه يعني ماحد شايف عليها شي لكن تبلتني بنت الحلال كان فيه تواصل بين بيوت الحاره كلا ومن ظمنهم زوجتي يعني علاقة جيران زيارات الخ
المهم كانت تجيني رسايل غراميه من رقم مااعرفه امتحني بالرسايل ولا ادري منهو المهم طولت السالفه ارسلت مين ترد برساله غراميه ماتجاوب المهم قرر اتصل على الرقم اشوف منهو لان السالفه طالت اتصلت ردت حرمه سويت نفسي اني غلطان بالرقم وقفلت لاني ماقدرت اقول انتي ترسلين لي لاني مدري منهو اللي يرسل يمكن احد من جوالها المهم تطور الموضوع صار رسايل واتصال رديت تكلمت حرمه المهم جلست تقول انا احبك ومن هالكلام مدري منهي انا قلت تعرفيني انتي قالت ايه اعرف زين وكل يوم اشوفك وانت داخل وطالع انا فهمت انها من جيراننا لكن مدري مين قفلت
وابلشتني بالاتصالات والرسايل حتى اني خفت ان زوجتي تشك في الموضوع صرت اقفل الجوال بالليل ذبحتني قلت خليني اقول لزوجتي عن الاتصالات اللي تجي مدري يمكن اني غلطان بس خفت انها تشك لان تشوف الاتصالات وماارد على الجوال المهم قلت لها السالفه قالت طيب اذا اتصلت خليني اسمع صوتها اذا من الجيران راح اعرفها وفعلا اتصلت ورديت واخذت واعطيت معها وزوجتي تسمع حتى عرفتها وعشان تتاكد اتصلت زوجتي على جارتنا الثانيه وقالت ابي رقم فلانه وعطتها واذا هو نفس الرقم لان زوجتي ماكانت تعرف رقمها المهم اتصلت زوجتي عليها وتهاوشت معاها وانقطعت عننا مره وماصارت تتصل وجلست فتره طويله وبعدين صارت ترسل على الواتس ولما عرفت انها هي حذرت رقمها والحين ارسلت الرساله اللي قلت لكم وهي مبروك الطلاق الخ
وعرفت انها عرفت رقمي من جوال زوجها فتشت حتى لقت رقمي
وبس هذي القصه
على فكره ناسي تفاصيل اكيد من طول المده
ولاعطيت الموضوع اي اهتمام بس بناء على طلبكم ذكرت اللي اذكره من القصه

المشاركة الأصلية كتبت بواسطة رمان احمر

عندي سؤال مهم جدا
حكيت انك تهجر زوجتك بالشهور وتنام في المجلس ؟

الهدف من هذا الهجر ؟
ماذا تنتظر من زوجتك ان تفعله لك
هل تحب ان تأتي وتترضاك بطريقة معينه ؟
هل انت ترضى من نفسك ؟ام لابد ان تراضيك هي ؟
اريد معرفة النقطة من كل النواحي
ايش ترغب انت بالضبط ..

المشاركة الأصلية كتبت بواسطة الـــوحيد

ماجابت طاريهم اصلاً
اعتقد انها تبي توريني اني مااقدر عليهم وتبي تأدبني بطريقه ثانيه
اتوقع كذا
لان ماتكلموا بالعيال ابدا لاهي ولااخوانها

المشاركة الأصلية كتبت بواسطة Abdullah30

هلا اختي
لما بدت زوجتي تهملني قمت انام بالمجلس لمدة شهرين ( كنت انام الفجر واقعد الظهر يوميا. حاشني ارق و اكتئاب ) ادمنت المنومات ولا عادت اتفيد خلال هالشهرين اكتفت بالسؤال بالتلفون ( حتى مو امامي ) ليش اتنام بره؟ قلتلها ماني عارف ليش ما انام. كنت متأمل انها تحس لكن للأسف زاد الوضع سوء. كنت لما أرجع من بره عل الساعه 9-10 بالليل كانت تعملي عشا وبعدها عل طول تقولي بروح انام. قسما بالله اني ما كنت اكمل عشاي. بعدها ادخل الغرفه القاها صاحيه مو نايمه. حسيت المسافه كبرت بينا وارجع اطلع وان ظليت بالبيت ما انام. اهي عارفه وشايفه كل هذا وامطنشه. انا اتوقع ان امحرضينها لانها 14 سنه ما كانت سلبيه جذيه. خطأي اني ما كلمتها لأَنِّي تأملت انها مو شرط تعتذر بس عل الأقل اتوقف هالاستفزازات.

تخيلي يا اختي لما طلبني ابوها علشان يعرف شصاير. تخيلي لو أقوله هالكلام عن بنته. شلون بتكون العلاقه بينا ؟؟ هالكلام كمل سنه وانا كاتمه وللحين ودي اعرف ليش سوت جذيه.