ممكن يكون الرقم جديد ماحد يعرفه و خزنه صاحبه بهذا الاسم في جواله عمدا وطلع في النمبر بوك فلازم التثبت في هذي الامور بالذات

لماذا أنت صامت أخ الوحيد؟
اسمك باالأسفل و لم تعلق على أي شيء

__________________

السلام عليكم ورحمة الله وبركاته

بخصوص جارتنا سابقاً
انا سبق واني لمحت عن مواقف وقلت منها جاره لنا
وماحبيت اذكر القصه لاني مااعتقد ان لها تأثير على المشاكل اللي حنا فيها
ولان السالفه صارت من فتره ماهي قليله بس تجددت الحين بعد انقطاع طويل

والسالفه ان كنت مستأجر شقه قبل ابني بيتي حالياً وكان بالعماره المقابله لنا عوائل كثيره ومن ظمنهم شقه لرجل فاظل وقمه في كل شي بصراحه اخلاق الى الخ وانا احترم هالرجال كثير
لكن الله مبتليه بزوجه الله يستر عليها هي سمعتها بين الجيران كويسه يعني ماحد شايف عليها شي لكن تبلتني بنت الحلال كان فيه تواصل بين بيوت الحاره كلا ومن ظمنهم زوجتي يعني علاقة جيران زيارات الخ
المهم كانت تجيني رسايل غراميه من رقم مااعرفه امتحني بالرسايل ولا ادري منهو المهم طولت السالفه ارسلت مين ترد برساله غراميه ماتجاوب المهم قرر اتصل على الرقم اشوف منهو لان السالفه طالت اتصلت ردت حرمه سويت نفسي اني غلطان بالرقم وقفلت لاني ماقدرت اقول انتي ترسلين لي لاني مدري منهو اللي يرسل يمكن احد من جوالها المهم تطور الموضوع صار رسايل واتصال رديت تكلمت حرمه المهم جلست تقول انا احبك ومن هالكلام مدري منهي انا قلت تعرفيني انتي قالت ايه اعرف زين وكل يوم اشوفك وانت داخل وطالع انا فهمت انها من جيراننا لكن مدري مين قفلت
وابلشتني بالاتصالات والرسايل حتى اني خفت ان زوجتي تشك في الموضوع صرت اقفل الجوال بالليل ذبحتني قلت خليني اقول لزوجتي عن الاتصالات اللي تجي مدري يمكن اني غلطان بس خفت انها تشك لان تشوف الاتصالات وماارد على الجوال المهم قلت لها السالفه قالت طيب اذا اتصلت خليني اسمع صوتها اذا من الجيران راح اعرفها وفعلا اتصلت ورديت واخذت واعطيت معها وزوجتي تسمع حتى عرفتها وعشان تتاكد اتصلت زوجتي على جارتنا الثانيه وقالت ابي رقم فلانه وعطتها واذا هو نفس الرقم لان زوجتي ماكانت تعرف رقمها المهم اتصلت زوجتي عليها وتهاوشت معاها وانقطعت عننا مره وماصارت تتصل وجلست فتره طويله وبعدين صارت ترسل على الواتس ولما عرفت انها هي حذرت رقمها والحين ارسلت الرساله اللي قلت لكم وهي مبروك الطلاق الخ
وعرفت انها عرفت رقمي من جوال زوجها فتشت حتى لقت رقمي
وبس هذي القصه
على فكره ناسي تفاصيل اكيد من طول المده
ولاعطيت الموضوع اي اهتمام بس بناء على طلبكم ذكرت اللي اذكره من القصه

ابدا ماعندي شك لان علاقتهم مقطوعه
اما سحر مدري الله اعلم لكن اعتقد السحر لازم اثر او حاجات عشان تقدر تسوي سحر لكن الله اعلم والله يكفينا شرها

اما النقل انا فعلا راح اباشر ان شاءالله بصك الطلاق الاسبوع الجاي ان شاءالله

الله يسلمك اخوي
وان شاءالله انا متفائل ومحسن الظن بالله عزوجل انه راح يرزقني ويعوضني خير ان شاءالله

يعني لا علاقة لجارتك بتغير زوجتك في الأربع سنوات الفائتة.
والآن بعد خطوتك الجادة الأسبوع المقبل للطلاق
هل يثير فضولك سبب تغيرها؟ و لا حتى عندك أي استنتاج او تخمين
غير سالفة انه احتمال اخوها او احد ممن معها بالعمل يحرضونها
لم يحدث أي امر طارئ و لا أي شيء يسبب غضبها و نفورها منك
هل كنت قاسي عليها في السنوات الأولى بشكل كبير ام فقط في الاشهر الأولى
حادثة الجارة اثبتت انه كان بينك و بين زوجتك ثقة و مصارحة
فمتى انعدمت تلك الثقة و بدأت تشك بك ,لو كان عملك هو نفسه من بداية زواجكما
هل دخلت بعلاقة, او تغير مكان وظيفة زوجتك او او

__________________

لن يرد عليكِ.. مادري ليه نسحب منه الحكي تسحيب

من بداية المشكلة ونفس الاسئلة تطرح وتتكرر ويتجاهلها ما اعرف ليه.. ولايعطي فرصة انه يقول شي يبين انه صدر منه غلط بيوم من الايام

الله يهديه

عقله براسه ويعرف خلاصه.. اذا كان مبدأه مع طليقته بنفس الشكل معناته في فجوة ماتكونت من يوم او يومين

اخي الوحيد
ان شاء الله تكون في احسن حال

احساسي وانا اقراء سطورك احسست بكمية كبيرة من الغضب والقهرررر والحزن

سطورك وكلماتك التي كتبتها هنا هي الرسالة التي كنت اعنيها
هذه اللي كنت اعنيه
ان تذكر كل شيء صدر من زوجتك وحز في خاطرك وشعرت معه بالحزن والالم ..
تكتبه
وتوجه الكلام لها
تعاتبها وتحاسبها
ومن ثم تطلق كلمة العفو
من صميم قلبك وترجي الاجر من الله على ذلك العفو ..

اعرف انك الان لا تستطيع العفو ولكن انت تستطيع تعاتب وتحاسب
تطهر ذاتك من الألم والاحزان والقهر
....................
حتى لو قابلتها تكون مشاعرك اتجاهها مشاعر حيادية لا كره ولا حب ..
..............
لفائدة الثانية الهامة
تفكيرك يكون إيجابي
وتنتبه لنفسك اكثر ولــ اولادك بعد..

.....
كنت مثلك ماسامحت الا بعد سنوات
بعدها ارتحت من هم شلته على عاتقي والمحاسب هو الله وحده.. هو يأخذ حقي منهم ..
أتمنى لك حياة مستقرة وراحة بال

ا

لا مو تجاهل حاشا لله
لكن حنا تجاوزنا هالموضوع بمراحل
وانتهينا منه فـ ماينفع اننا نتناقش انا اخطيت والا هي اخطت لاني ذكرت كل شي بموضوعي السابق ومشكله اذا تبون اعيد كل اللي قلته من جديد
وخاصه انه بدون فايده لان الموضوع وصل للطلاق وانتهى
فـ انا الحين افكر لقدام لان موضوع زواجي وفشله انتهى بالنسبه لي نهائياً

لا مااعتقد لها علاقه الا اذا كان سحر او ماشابه الله اعلم
لكن التواصل مقطوع بينهم