مع اني ما اعرف اخوانك بس من تصرفاتهم
سامحيني ما فيهم خير.
اللي فيه الخير ما ينتظر اعمامهم يطلعوا و يجوا يطلبوا منكن التنازل
ليه ما ذكروا موضوع التنازل قدام اعمامكم الا انهم عارفين انهم ظالمينك انتي و اختك
و ما عندكم خلفية و مستغفلينكم و انتم اكلتوها.
رضى اخوك و هو ظالمك قمة الضعف
عساهم ما يرضون ،مفروض هم يخافوا لانهم ظالمين و حابين ياخذوا شي مو من حقهم.
كلمي عمك ابو. زوجك و اساليه سوال غبي عن الارض
و اذا سالك ليه قولي لان اخواني بعدما طلعتوا قالوا كذا و كذا
و خليهم يشوفوا شغلهم مع اللي ما يخافوا ربنا

سمورة يرحم والديك تكفين لا تتنازلي عن حقك مرارتي بتنقع مرارتي منك خليك قوية زي ماكنتِ في البداية واوقفي بوجه اخوانك واطماعهم ابداً لو ع موتك لاتتنازلي هذا حق من حقوقك وزوجك ماينضمن..

__________________
حسبي ربي هو يكفيني ويفرح قلبي

حبيبتي لو منك ماأخلي حقي اللي تركه لي ابوي وكفله لي الشرع
الحين بيجيهم دبل اللي بيجيك وطمعانين فيه
شيء يضيق الصدر
مو قهر عيالهم وزوجاتهم يتنعمون بخير ابوك وانتي واختك لا!!
ياختي كلمي عمك العاقل انك ماتبين تخسرينهم بس هم يبتزونك بحقك مقابل رضاهم وانتي تبين حقك وتبين لمة الشمل
خليهم يستحون شوي
الله يهديهم

بالعكس يا سموره موقف اخوانك هذا
هو اكبر محفز لك انك تاخذين حقك ما ينقص قرش

لو انهم قدموا الطيب بنقول اخوانك يستاهلون تتنازلين يا سموره
اما انهم قدموا الردي (ولا تزعلين)
فلا يستحقون الا التمسك بحقك اضعاف اضعاف

اللي اعرفه لما تخافي من شخص يتخلى عنك لو دارت عليك الدنيا
يخليك هذا تاخذي حقك وتامني نفسك من شره
مو الاعكس يا سموره

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

ولا تقولي الاملاك ما توصل لمبلغ الكاش
انتي بنفسك يا سموره قلتي انك ما تفهمين في هذي الامور شي
فلا تحكمين انها اقل او اكثر

وحتى لو اقل بالضعف
المسالة مسالة مبدا
ومنها هيبه لك ولاختك وامك في عيونهم
وهيبه لك في عيون زوجك يا سموره
فلما يشوفك قويه باخذ حقك يحترمك اكثر
ويعرف ان عنده وحده عارفها حقوقها زين
وما يهزها زعل احد او رضاه
لكن لما يشوفك تنازلتي خوف زعلهم ومقاطعتهم
بيقول اها عرفت نقطة ضعفها ويمكن يستغلها يوم من الايام

فهمتيني؟
هيا اصحك تتنازلي عن طوبه من املاك ابوك

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

صباح الخير

الكل صراحة زعلان من موقفك، ويمكن عدم خبرتك وضغطهم عليك حبيتي تتخلصي من الموضوع بأي طريقة، لكن هذا خطأ كبير جداً ترتكبينه بحق بنفسك.

خير الكلام ماقل ودل، وأنا أقولك نقطة مهمة، ربما أنتي لاتفكري بأبعاد قرارك هذا، تدرين أنه بعد سنة أو سنتين أو عشر سنوات أو أكثر أو أقل راح تحقدين على أخوانك بشكل كبير، لأنه تبي تكتشفين بعد ماتكبرين وتزود خبرتك بالحياة، كيف أنهم ضحكوا عليكم وخلوكم تتنازلون عن الأراضي، وعطوكم القرشين اللي لو تصير حتى أكثر من مئة مليون!!

أحنا هنا نتكلم عن حق، وليس أي حق، إنما حقٌ فرضه الله لك من فوق سبع سماوات، سمورة صدقيني أول من يتضايق ويزعل من قرارك هذا لو عرف هو أبوك اللي أكيد مايرضى بالظلم.

برجع أقولك ببساطة، أنا أدرك أنك تحت ضغط هذا الموضوع وتبين تخلصين منه بأي طريقة، لكن هذا مو أي موضوع، هذا من أهم المواضيع بحياتك، لأنه يحدد مسارك ووضعك، وعلى هذا الأساس تحتاجي بس فقط تخلي بالك طووووووويل، أصري على موقفك أنتي وأختك، وعيشي حياتك طول وعرض، بالنهاية حقك بيجي، زعلوا رضوا أو مثلوا أنهم زعلوا، ماعندك مشكلة، أصري على موقفك وانسي الموضوع، ولو شفتي منهم أي تعنت أو لف ودوران على طول دخلي أعمامك.
ولا تستعجلين بحسم الموضوع لو يجلس سنوات، ترى الفلوس إذا ماجتك اليوم تجيك بكرأ، وغيرك اللحين أعمارهم وصلت الثمانين ومازال عندهم نفس وقناعة واحساس أنهم بيعيشون سنين طويلة وأنهم على حق ويطالبون بفلوسهم رغم أن بعضهم أصلاً على باطل ويدرك أنه على باطل، لكن الشيطان والطمع، أجل وش نقول عنك أنتي اللي عمرك 21 وقدامك المستقبل ولك حق الله أمر به.
ترى أخوانك بيحترمونك ويقدرونك مو لما تتنازلي عن حقك، إنما لما تثبتي على موقفك وتطالبي بحقوقك كاملة من غير نقصان حتى لو أظهروا لك أنهم زعلانين منك، والمضحك أنهم زعلانين علشانك تطالبين بحقك!!! عجباً!!!!!!!!
وأي شي يضغطون فيه عليك، قولي بفكر وأرد لكم، وتعالي واستشرينا قبل ماتتخذين قرار.

__________________
ياصبحِ لاتِقبل !!
عط الليل من وقتك..

افضل الكلام ماقل ودل

لاعاد تتناقشي معاهم ولو ناقشوك خليك ساكته وكانهم يكلمو جدار لما ينتهو قولي (هي كلمتين ابغى حقي كامل مكمل وجزاكم الله خير والله لايجعل بناتكم في يوم في مكاني والسلام )

شكراً لكم جميعاً... طول الليل ماقدرت انام افكر بكلامكم .. وارسلت لعمي بالواتس اب عن كل شي ... قال لي لا تتنازلوا عن شي ولا تكلمينهم بالموضوع وخلي ببالهم انكم بتتنازلوا وانا وقتها رح ارفض انكم تتنازلوا ... وقال هما ماهم محتاجين عندهم اللي يكفيهم وزود ...

سنديان عمي ابو زوجي مو موجود معهم وكلهم فيهم الخير والبركه وخاصة اصغر اعمامي ...

ان شاء الله ماحتنازل عن شي ...ربي يجزاكم خير ...

اخي نيت مان ... دايما افكر بالوالد الله يرحمه هل بيكون راضي اذا احنا عادينا اخوانا عشان الفلوس او انه بيكون راضي عشانا اخذنا حقنا بالكامل ... وهالشي يتعبني كثير ... ومثل ماقلت الضغوطات حدتني على الموافقة... وان شاء الله بمشي على نصايحكم ... اشكركم ...

__________________
-

فأجبر خَاطري .. بفيّض نعَمك ❤ ....

أنتي أصلاً ماخاصمتيهم ولا شي، أنتي فقط تطلبين حقك اللي فرضه الله لك، وأي مخلوق على وجه الأرض بيزعل من حق بل حق شرعي فهذه مشكلته مو مشكلتك.

أبوك فقط فقط فقط بيكون زعلان لو فرطتي بحقك وحق أختك، وخليتي أخوانك ينهبون حقوقكم.
حلو أنك علمتي عمك، وخليك في الغالب بتواصل مع أعمامك حتى لو من خلف أخوانك.
وعلى فكرة ترى الاختلافات بين الأخوان قد تحدث وشي طبيعي في الحياة، أنتي مو في حالة اختلاف أو زعل، إنما في حالة سطو على حقك، يعني هم معتدين عليك.
لا تشلين هم أحد، فقط خوذي حقك، وبعدها لكل حادث حديث.

__________________
ياصبحِ لاتِقبل !!
عط الليل من وقتك..