السلام عليكم
امرك جدا غريب
فضلت تستر عليها وشكلك ندمان على هذا القرار
تحملتها ببيتك رغم شنع جريمتها وكان بتخاذ قرارك برود مو طبيعي !!!
الان جتك فرصه اولادك جو لعندك وهو الرابط الوحيد اللي بينكم مااااالك دخل فيها لا من قريب ولا من بعيد وماانت مضطرررر ترجعهم لها
**الان سكر الباب اللي يربطك فيها مالك حق تحكي مع اخوانها بالوقت هذا بذات هي الان تعلمت درس من الدنيا كفايا عليها خسرت نفسها وبيتها وزوجها
وتذكر الانسان مبتلى والقلوب بين يدي الله
واخوها لو درا ايش ممكن يسوي؟!
بيقتلها ؟!
وبيمنعها من وظيفتها !؟؟!
بيعنفعا بيمد يده !؟
ايش حتستفيد !؟
هي ممكن شخصيتها مش سويه وانت بتصرفك هذا تزيد مشكلتها النفسيه
اتقي الله بنفسك وفيها !
ودعها وشأنها ماعاد لك ولايه عليها ومن تاااااب تاب الله عليه

..سلام

سبحان الله طليقتك غريبة مو مثلنا احنا المطلقات نلوم أنفسنا ونجلد ذاتنا ونحس بتأنيب ضمير يذبح هذا واحنا ماخنا أزواجنا

صراحة أخوها المفروض يحمد ربه انك سترت عليها ولافضحتها

انا بنتي مصروفها الف ريال
احيان ماخذ من مصروفها عشان اقضي لها

اعتبر مصروفها امانة في رقبتي ولا أفكر اخذ منه شي

وطليقتك موظفة وتطلب زيادة مصروف مافيها شي لو زادت على مصروفهم 200او 300


قبل اسبوعين اخوي يسولف لي عن الي يطلق اكثر من مرة فحكيته عن قصتك وكيف انك سترت عليها وطلاقك الاول كان بسبب خيانة طليقتك والثاني انها ضربت أطفالك
احيان مايكون عيب في الرجال يكون العيب في طليقاته

صراحة الحل الوحيد انك تزوج كفاية تضيع سنين عمرك كفاية عيالك يجلسون مشتتين

تزوج واستقر وقتها طليقتك تموت قهر

الله يعوضك عاجلا غير اجل
اما طليقتك اسال الله لها الهداية

كل ردودكم على عيني وراسي واعتذر على عدم الرد على كل التعليقات بشكل منفرد
لكثرة الردود بارك الله فيكم وجزاكم الله الف خير

بخصوص اللي يقولون اتركها بحالها ولكن ابيها هي اللي تتركني بحالي وتبعد عني
خليني اعرف اعيش مثل الناس امرضتني معاها

المهم اخر الاخبار اتصل علي اخوها اليوم
وجاب شي جديد اول مره ينطرح

اتصل اول شي يسلم ويسألني اذا فاضي قلت ايه فاضي قال ابي اقولك شي بس ابيك تكون هادي وانا مجرد ناقل لرساله من ام فلان اللي هي طليقتي
قلت تفضل
قال ام فلان تقول معك خمس ايام تروح للمحكمه وتكتب تنازل عن العيال
والا خذ العيال عندك على طول
المهم خليته يكمل كلامه وانا مستمع حتى خلص
قلت اول شي كلمة تنازل هذي بحد ذاتها عيب تبيني اتنازل عن عيالي
قال لا قصدها تنازل رسمي عن الولايه
قلت طيب انت شايف اني سفيه والا مدمن مخدرات والا فيني شي عشان تحجر علي وتنزع ولاية عيالي عني
قلت طيب وش الهدف
قال تقول ماابي اربيهم واذا كبروا يجي يقول عطوني عيالي
قلت طيب اللي اعرفه في حالة ان الوالدين اختلفوا على الحضانه ساعتها يكون اللجوء للقضاء والمحاكم للفصل بينهم والشيخ يقول الحضانه مع مين
ولكن انا تعاملت بكل اريحيه وخيرت العيال نفسهم ولما قالوا نبي امنا وديتهم لكم بناء على رغبت امهم ورغبتهم لاني اللي يهمني في الموضوع ان العيال يستقرون نفسيا
طبعا انا اكلمه بكل هدوء
قلت شوف يافلان تدري ان العيال حاليا عندي , واصلا ماراح اوديهم لامهم الا زيارات اذا حبوا واذا ماحبوا ماراح تشوفهم ابدا
تدري ان البارح رمتهم لي على الباب وراحت وخلتهم وجايني الحين تقول ولايه
على العموم انتم ريحتوني ووفرتوا كلام كثير علي
اخر كلام عندي انها هي البايعه بالنسبه لعيالها وانا الشاري
قال طيب فكر قلت اذا عندك كلام وسالفه غير هالسالفه قلها اما هالسالفه انتهت بالنسبه لي
قلت تدري يافلان وين المشكله قال وين
قلت ان اختك مالها كبير
انتم مجرد ناقلين كلام حتى لو مانتم مقتنعين بكلامها تنقلونه بحذافيره ولالكم راي
وانتهت المكالمه

اكثر الدعاء والاستغفار
لعلى ربي ينهيها من حياتك بصنع يديها وخططها

__________________
سبحان الله وبحمده

امحق اخوان طلعوا دراويش وشكل طليقتك رأس ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

بالضبط ..
عيالك بحضنك .. وهي اذا تبي تشوفهم خلهم يزورونها ويك اند
والباقي محد له شغل فيه!
تابت أو ما تابت هي حرة .. عندها اهل
و محد له سلطة عليها ..

والبعض اللي يقول ما عندها قلب
او انها تاخذ فلوس عيالها
بالله شدراكم !
لا تتكلمون في وحدة مو موجودة عشان تدافع عن نفسها
فجأة نصير كأننا وكيل الله على عباده!
نجلد و نطلق أحكام ووو إلخ
اللي سوته قبل ماضي...
شدراكم انها ما تابت ؟
شدراكم انها مو متأثرة ؟
احنا مو قاعدين بقلبها ...

اللي سوته بالماضي غلط .. ولعلها عند رب العالمين احسن منا كلنا ..
وقطت عيالها هم غلط .. بس همن ما سمعنا مبرراتها ...

اخي الوحيد عيالك بحضنك و نقطة عالسطر ..
سترت عليها قبل كثر الله خيرك .. هذا توفيق من الله مو الكل يحصل عليه
بس الحين انساها .. وانتهى الامر

__________________

حاجة الناس إليكم من نعم الله عليكم ، فـ لا تملوا النِعم ☁✨

مرحباً أخي

شفت موضوعك من قبل وكنت برد

بس سألت نفسي سؤال وأسمح لي على ذلك وعذراً

ما الفائدة من آراءنا وأنت لا تأخذ بها ..؟؟

منذ بداية قصتك من أول موضوع لك في المنتدى ومع تعدد مواضيعك المختلفة إلا أني أستشفيت

أنك تكتب لمجرد أنك ترتاح في هذا المكان وهناك أُناس بدؤوا معك وشاركوك قصتك وأحداثتها ومتعاطفين معك جداً .. فأنت تكتب من باب المستجدات في حياتك ومن باب إستطلاع الآراء والدعم النفسي والمعنوي . هذا ما لمسته وأرجو أن أكون مخطئاً والله أعلم

ولكن أحببت أن لا أتأخر عن موضوعك كثيراً وأن أكتفي بالدعاء لك .. أن يصلح الله أحوالك ويوفقك ويريح قلبك ويرزقك السعادة وصلاح أبنائك وأن يجعل أموركم إلى خير

لا إله الا الله محمد رسول الله
فعلا من عاش شاف العجايب
اول مره اتمنى اني اخت احد وربي اول مره صح اني ماسنعت نفسي بس يمكن فيني خير لغيري
ودي اعرف وين خواتك وين محارمك من عمات وخالات وين ووين وووين
حياتك متوقفه على هالمساكين اللي ماسميتوا يوم جو ع الدنيا والله
**حسبي الله ونعم الوكيل **
انا طليقي سبب فيني بكل مكان وودي احكي فيه من باب الدفاع ع النفس ماقدرت وربي ماقدرت حسيت كسر خاطري💔
حتا ماقلت عيوبه علشان اهلي واخواني مايتحاملون عليه 💔
مع ذالك تعبانه من جلد الذات وتأنيب الضمير
كأني انا اللي رايحه للمحكمه وخالعته وكأني اللي مسقطه اسمه من كرت العائله وكأني اللي مسويه كل هالمصايب💔

اذا ماديتك مرتاحه الحياة والعمر واحد
خذ بيت دورين اذا ماعندك بيت ملك او شقتين مفتوحات ع بعض
جيب خدامه للعيال ترعاهم وتجهز اكلهم وشربهم وتقومهم وتنومهم وتلبي احتياجاتهم
**اخطب بنت الحلال سوا ارمله ولا بنت ولا مطلقه الاهم الاخلاق **
ياشيخ راح عمري وانت بهموم
قل للي تخطبها عيالي شبه مستقلين علشان ابسط حقوقها هي برضوا تستقبل
وعلشان عيالك يعيشون كااامل طفولتهم وحوستهم على راحتهم وبرضوا معك بنفس البيت بجزء مستقل
المره ترتاح اذا احد شال الحمل عنها بمجردفي نوعا ما استقلاليه وخادمه الامرر يمشي
وحتى ماتتصادم مع الاولاد خصوصا اذا هي ماجربت الامومه ماحتقدرتتحمل ازعاجهم

رب عيالك عندك على ماتحب وعلى مااتمنا
وتلمس جوانب اللي يحبونها واسعى تنميها عندهم وتغريهم فيها صدقني بينسون امهم

من يقول اخوي اني مااخذ بكلامكم؟
بالعكس انا اقراء كل ردودكم واقراء مابين السطور واخذ بافضل حل بالنسبه للوضع اللي انا فيه وبالنسبه للشخصيات اللي اتعامل معها

اما بعض الاراء المشحونه او اللي ماتعرف طبيعة البيئه اللي انا فيها او اللي تختلف كـ نظام اجتماعي مختلف
طبعا احترمها واقدرها ولكن حلولها ماتناسب الوضع عندي

اخي الوحيد ابعد الله عنك الوحده

جاتك من الله جزاها الله خير
تنازلت عن عيالها يارب لك الحمد خير وبركه

خلاص اللي راح راح ..
هي طلقتها وماعاد تعنيك ابدااا ولا تقول سمعتها من سمعة عيالي ان شالله مايلحقهم شي وهالشي وزرها هي...

بنات الحلال كثير
ابحث وتلاقي اللي تقبل بك وبعيالك
وتزوج وامحيها من حياتك ..
هي ماهي ام بايعتهم واذا جاتها فرصه زواج حترميهم عليك كذا او كذا هي راميتهم فلا تعذب عيالك بتعلقهم فيها
احضن عيالك عندك ربي يأجرك خير
وتزوج بأسرع وقت مو شرط من قبيلتك او جماعتك جد والله فيه بنات يخافون الله من مختلف القبايل اشوفهم كثير
وماعندهم مشكله يتزوجون واحد بعياله
ويقدرون الزوج الدنيا لسى بخير...

__________________
(سيدة الموقف)
لم ننساك ونسأل الله ان تكوني أنتي وأولادك بخير