اليوم موضوعنا يخص الكل..لان الكل يبي يضعف ويحافظ على صحته

بحط لكم وصفات خفيفه..وصحيه..وانشالله تعجبكم

مسعقة الباذنجان

الكميه: 4 اشخاص
السعرات الحرارية: 44 كالوري
الدهنيات للشخص الواحد :7 غ

المقادير

* 1 كيلوغرام باذنجان مقشر ومقطع الى شرائح رقيقة (اقل من نصف سنتيمتر)
* 1 كيلو طماط مفروم
* كوب حمص (نخي) مسلوق << حسب الرغبه
* بصل مفروم (حسب الرغبه)
* ثوم مهروس (حسب الرغبه)
* ملح (رشه)
* 2 ملعقة طعام من زيت الزيتون

الطريقة

* توضع شرائح الباذنجان في صينيه غير لاصقه وتشوى بالفرن.
* عندما ينضج الباذنجان ، يوضع في قدر (غير لاصق) ويضاف الطماط والبصل والثوم والحمص والملح..ويترك على نار خفيفة حتى يذبل الطماط والبصل.
*يضاف زيت الزيتون ويترك المزيج لمدة دقيقه على النار ثم يرفع..

وتقدرين تحطينه بالفرن مره ثانيه علشان يتسبك

وهم تقدرين تحمسين البصل والثوم والطماط بالزيت اول شي...يعني انتي وذوقج

وبالعافيه