تعرفون الحياة ومشاكلها وتجي أوقات
نزعل ونحتاج ان صاحب المشكلة يراضينا ويوضح لنا الموقف !

المشكلة المتكررة عندي
إنو يزعل مني إذا زعلت منه !

تذكرت البي سي هذا
(فيه ناس أزعل منهم فيزعلون مني ليه زعلت منهم
عفوا .. هذي الزعلة حقتي ! )

والله العظيم منجد مايحق لنا نزعل يعني

إذا زعلت
يعصببببب ويصرخ كأنو أنا الغلطانة بحقه!
ليه زعلتي مني !
ليه مادة بوزك ومكتمة !
من عصبيته وكلامه ساعات والله أحس إني عدوة له !

طيب هوا غلط بحقي
اش يبغاني اسوي انبسط وأرقص فرحانة !!

فيقلب الموضوع فوق تحت لين يخرج نفسه هوا الصح !
حتى لو ناقض نفسه عادي ¡
واحيانا يقولي انا ماقلت كذا انتي ما سمعتيني( زين ) على قوله !
وينفي اللي سواه!
ويجيب مبررات وااااااااضح انو يكذب
ويتمسك فيها
طبعا دا كلو بصرررررررراخ وتهزيء !
مو مناقشة
ف اصدقها بمزاجي عشان أنهي الموضوع
واتأسف إني زعلت منه ومافهمت الموضوع عدل !

فساعتها يفرح ومحد قده
ويجلس يردد ( ما اعرف كيف هنت عليكي وسويتي كذا )
فأنا أسكت واسيبه !

لكن أنا مليت مو معقولة بكل مرة ينعاد نفس السيناريو!

هذا وزعلي مرة هادي
كيف لو كنت ارفع صوتي
واسمع الجيران

ف اش الحل برايكم ؟