السلام عليكم
هذي اول مشاركة لي بهذا المنتدى وهي مشكلة عمري الي بحياتي كلها ما اقدر انساها
ومستحيل انساها

انا شايلة هم كبير كبيييير بقلبي ومب قادرة اقوله لأحد بس مدري شو الي خلاني اكتب بالمنتدى هذا
واخبركم بقصتي
يمكن الي شجعني اكثر هو ان مافي شخص بالمنتدى يعرفني ولا احد يعرفني يعني كأني ما خبرت احد

بخبركم بقصتي وياليت القى الحل الي مالقيته صار لي 20 سنة

__________________________________________________

السالفة هي ان انا عندي ثلاث اخوان اكبر مني برمز لكل واحد منهم بحرف حتى تقدرون تميزون بينهم
الكبير (أ) والوسط (ب) والصغير (ج) وانا اكون اصغر منهم كلهم
الوالدة الله يحفظها يابتني من بعد ثلاث صبيان

الموضوع كله متعلق بأخوي (ب) والله مدري شلون ابدي الموضوع
بس الحكاية كلها انه كان يمارس معاي الجنس من لما كنت انا بصف الثاني يعني كان عمري سبع سنوات
الي اتذكره انه كان يخليني ادخل الحمام ويجي هو يدخل معاي ويعري ثيابي وكان يسوي لي من ورى
انا ماكنت افهم هو شو قاعد يسوي بس كان يقول لي سوي كذا وسوي كذا وكنت اسوي
كنت طفلة صغيرة ما افهم
وكان اوقات يطلب الجنس الفموي
واوقات كان يدخل غرفتي ويسوي معاي
استمر الموضوع سنوات
بس توقف لما بلغت وبدت الدورة تجيني

اخواني (أ) و (ب) و (ج) الحين تزوجو كلهم وعندهم اولاد

وانا الحين الحمدالله انخطبت

بس ماني قادرة انسى الموضوع

احس اني بموت من الهم الي شايلته بقلبي
كل ما اشوف اخوي اتذكر شو كان يسوي فيني

انا اخته الي من لحمه ودمه والي لازم يحافظ على شرفي
هو بنفسه يخدش شرفي

هو بنفسه يعتدي علي وانا طفلة صغيرة ما افهم

اوقات يجي في بالي اخبر خطيبي

واوقات يجي في بالي اخبر أمي بس اخاف امي يصيدها شي لان امي فيها الضغط وخايفة يرتفع عليها الضغط

واوقات يجي في بالي اخبر زوجته بس كفاية المشاكل الي بينه وبينها واذا عرفت هالموضوع يمكن حتى الطلاق بتطلب منه وحرام بينهم ياهل

يعني شو اسوي ياربي خبروني انتو شو اسوي

والله العظيم امووووووووووووووووووت باليوم الف مرة كل ما اذكر الموضوع

والأعظم من هذا كله انه يمزح معاي ويضحك معاي وكأنه ماسوى هالشي

ارشدوووني الله يخليكم

وانا متأكدة اني ماراح اندم لأني عرضت مشكلتي بمنتداكم