:: مجبوس لحم سهل ولذيذ وبالصور :: - منتدى عالم الأسرة والمجتمع

مطبخ المرأة اطباق رئيسية،مقبلات،سلطات،معجنات،شوربات المشاركة للنساء فقط

31-03-2007, 09:40 PM

حاملة الهم

عضو مميز

تاريخ التسجيل: Jan 2006

المشاركات: 814

:: مجبوس لحم سهل ولذيذ وبالصور ::

السلام عليكم ورحمة الله وبركاته

اليوم جايبه لكم طريقة لمجيوس اللحم سهله واااااااايد وسريعه .. ولذيذة .. وان شاء الله تعجبكم

اول شي المقادير :

1- بصله صغيره
2- فص ثوم
3- كوب عيش
4- جزرة
5- كوبين ماي
6-البهارات على كيفج
7- ملعقتين ملح
8- 4 ملاعق زيت
9- لحم كثر ماتبين << ماشاء الله المقادير وايد مضبوطه
10- 3 حبات طماط مقطعين الى 4 قطع

ويللا بسم الله نبدأ

اول شي طبعا كالعادة تصخنين الزيت وتحطين عليه البصل والثوم لين مايصير لونهم ذهبي :

وبعدين تجيبين اللحم وتحطينه فوقهم وتحطين عليه البهارات :

وتقلبينه .. ثم تخلينه 3 دقايق على نار متوسطه

يعدين الله يسلمكم تحطون الطماطم :

وايضا تقلبينه وتخلينه 3 دقايق على نار متوسطه لين مايذوب لكن مع التقليب المستمر

بعدين تكتين كوبين الماي عليهم وتخلينه ساعه او لين مايستوي اللحم :

وقبل ماتخلص الساعه او قبل مايستوي اللحم بربع ساعه حطي الجزر

وبعدين .. تكتين العيش فوقهم :

انا الله يسلمكم قبل لا حط العيش اشخل الماي .. وبس احط اللحم والجزر لاني ماحب الطماط والبصل مع العيش

المهم وتحركين العيش لين مايصيرالماي هو الطافح :

وتخلينه على نار متوسطه لين مايبدا العيش ف الانتفاخ .. ويكون الماي تبخر

وتقدمينه مع سلطه او روب وخيار كيفج

واي استفسار انا حاظرة .. واسمحوا لي اذا ما كانت الطريقة واضحه او ماعجبتكم الاكله بس احنا صراحة قضينا عليها

وبالهنا والشفا

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 04:39 PM.

روابط سريعه