لا ادري إذا كانت هذه مشكله ام لا .. افيدوني - منتدى عالم الأسرة والمجتمع

29-04-2007, 06:56 AM

#10

جميل والقلب يعش

موقوف

تاريخ التسجيل: Mar 2007

المشاركات: 124

اقتباس:

المشاركة الأصلية كتبت بواسطة عشقي للجنة

اخوي شكرا جزيلا على المرور.....

هههه والله انك بطل يا ليتني زيك انا وين وانت وين والله صدقك بس لو شخص واحد شخصين اشوفهم جامي

فأنا ما ارتجف وبالعكس اشوفهم ساكتين وانا الي العي واسأل والحمدلله..

بس عندي ارهاب من التجمعات ما اقدر اتكلم على راحتي يوم يكون في تجمعات .. هذا لو ما كنت اعرفهم..

والمشكله اخوي اني ما اعرف كيف ادبر طلعه للشباب

اتمنى تفيندي اخوي شكلك صاحب خبره في طلعات الشباب وكيف تنظم وقتك متى تطلع وكم تدوم طلعاتك

لاني اخاف جدا من الامتحانات وهذا واحد من الاسباب الي مجلستني بالبيت كله اقول ما عدني وقت

ما عندي وقت لازم اذاكر ولا برسب

شوف ياخوي ... الخوف اللي من التجمعات .. هذا يحتاج للممارسه .. شلون
روح للتجمعات هذي .. وخليك بطل .. اليوم بيضحكو عليك وبكره بيضحكو عليك وبعده بس بعدين خلاص حبه حبه تشوف نفسك تقدر تتكلم بأكبر مكاان ... وماعندك اي مشكلة ..
انا لو اقوولك من المواقف اللي صارت لي بالتجمعات كم من احرجات وتريقه من الشباب بس حبه حبه تشووف الناس تحبك وتتمنى تقرب منك

اما كيف تدبر طلعه وتنظم وقتك ..., فهذي ما فيه اسهل منها

اكيد عندك عيال عمك او عيال خالك ... او احد اقاربك اللي بسنك ويمكن اكبر منك بسنه او سنتين ... زورهم في البيت .. واعتبر قرايبك هم زي الفصل الدراسي اللي تتعلم فيه ... خذ معك واحد من عيال خالك وروح لولد عم او ولد خالك وزور بعض في البيت

زورهم وخليهم يقولوا طفشان .. او يجي ويسكت .. خليهم يقولوا اللي يقولوا حاول تاخذ وتعطي معهم وتسوولف معهم ... حبه حبه قولهم خلونا نكشت برا ... او سوي القهوى وقولهم بنطلع في المكان الفلاني .. واطلع كرر هذي الطلعه ولو مرتين في الشهر ..

ولا تقطع الزيارات خصوصاً من اقاربك او اصحابك بس مو تخليها يومياً .. خلي اللي تزوره اليوم لا تزوره الا بعد اسبوعين او ثلاثه .. يعنى لو تدخل مع 6 اشخاص تلاقي نفسك خميس وجمعة مو فاضي

مع الوقت تلاقي نفسك انت ابو الشباب ... وانت اللي تكشت وتتكلم وتسووولف وتاخذ وتعطي .. حتى وربي تلاقي نفس خفيف دم حيل .... وتلاقي النااس تاخذ عليك

اما كيف تنظم وقتك فهذي كماان سهله

تذكر انك انت مو ملزوم بالكشتات .. واي احد يدق عليك من عيال عمك او خالك ... قوله عندي اختبار مستحيل يصر عليك ويقول لك الا تطلع ... ولو اصر فهو انسان مع احترامي لا يفهم ..
واخصرك منه وقوله في وجهه يا اخي ما ابي اطلع ....

اخيراً
شي مهم لا يروح عن بااااالك نهائياً ... وهذا الشي هو اللي دمر الناس في وقتنا الحاضر
وهو
لا تكوووون حساس نهائياً .. نهائياً .. نهائياً

بعض الاحيان تدق على ولد خااالك وتقوله تعال تقهوى عندي ... او انا بجي اتقهوى عندك .. ويعتذر منك مثلاً يقول لك والله مشغول او عندي شغله ... لا تفسرها في نفسك على كيفك
يعنى لا تقول هو ما يبي يستقبلني لانه ما يبغاني
او تقول .. هو ما يبي يجي عندي لانه يكرهني ..
او تقول انا احس من زماان انه يكرهني

ولو شفت سيارته عند بيتهم وماخرج لا تقول هو يصرفني ....ترى تجي على الانسان بعض الاحيان اوقات ما يبي يستقبل فيها احد ولا يبي يكلم احد .. وانت ما تدري ايش اللي شاغله ..

واي شي يحصل لك يجرحك قيسه بمقياس العقل
مثلاً .. طلبت من انسان شي وما اعطاك هو .... لا يفسرها عقلك انه نذل او انه يكرهك او او
لكن قول في نفسك هذا الشي من حقه والشي هذا راجع له
سألت واحد وطنشك لا تقول يسوي ما يسمع ...... لكن ارجع وعيد السؤال ... وعلى هذي الحال

مسألة الحساسيه كنت زمااان اعاني منها .. ولو على غمزه او لزمه ...
لكن الان وبعد قناعتي الخااصه اصبح كل الناااس يقولوا الاخ جميل هذا على نياته ...

واي سؤال انا جاااهز

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه