المشاركة الأصلية كتبت بواسطة Sabeyi

أخي القلب المجروح شكرا لك على إهتمامك و حرصك على أمور إخوانك المسلمين. كل كلامك صح و لاغبار عليه أبدا, لكن أعتقد إنك فهمت الموضوع شوي بشكل تاني. نحن مش عم نتكلم أو نحث بعض على عقوق الوالدين و أي شيء بالدين و أوامر الله لنا لا نستطيع الإعتراض أو الجدال عن مدى صحتها أو تناسبها مع حياتنا. نحن عم نتناقش عن كيف إنه الأهل بديرو حيات أبنائهم و هذا لا إعتراض عليه لاكن بتوصل مراحل بيتدخلو فيها بطريقة ما بتعطينا فرصة نعتمد على حالنا و نجرب و نتعلم من أخطائنا و لما نبعد عنهم بحس الواحد إنه ضايع مش عارف يتصرف من دون ما يسئل ماما و بابا. أعتقد إنه ديننا ما بحث على تهميش شخصية الابناء. بر الوالدين يتطلب منا نكون قادرين على حمايتهم و رد لو جزء بسيط من تعبهم علينا لما يحتاجونا عشان هيك لازم يخلونا ننجز و ينمو هالشي فينا. نحن يا أخ القلب المجروح مش عم نقول إزا إنت بدك تسافر و إمك مش راضية سافر ولا يهمك أو إذا بدك تتزوج فلانه و أهلك مش راضين تزوجها غصب عنهم أو عم نطالب يتركو البنت تصاحب أو الإبن يدور على موضة الإيام دي أو أو كثير من الأمور لا جدال فيها, بس نحن عم ندعي الله يهديهم و يخلولنا فرصة شوي نحس إنه إلنا فائدة من وجودنا عالأرض مش الإحساس أننا أجساد ما منعرف نعمل شئ إلا بعقل ماما أو بابا. و مع هذا الحمد لله ما بقول لماما شي يزعلها أو برد عليها لما تحكيني عن شغلات و أحس بنفسي إني متضايقة و طبعا هذا لأنه الله أمرنا ببرهم. من المواقف اللي بتذكرها و بضحك عليها لما أغير نظام غرفتي ماما بتفوت عليها و بتقول لي مش حلو هيدا النظام حركي السرير و حطيه في تلك الزاويه و جيبي المكتب و حطيه عند الشباك و إعملي هيك و سوي هيك أنا بنقهر من جواتي و بنفس الوقت بصير بدي أضحك ببتسم لها و بقول إن شاء الله سوف أفعل ما قلت. أنا حتى إنتقادي لهذا الشي فيهم يشعرني بالخجل من نفسي لما أتذكر فضلهم علينا إعتبرها يا سيدي فضفضة . آسفة للإطالة إن شاء الله أكون وصلت الفكرة صح. وفقني الله و إياكم لما يحب و يرضى.