السلام عليكم و رحمة الله و بركاته ....

اخواني و اخواتي ..

قبل فترة قصيرة خطبت بنت هي با اختصار فتاة احلامي .... ابوها صاحب ابوي و امها ما تسمع في عائلتنا ... و انا اذكرها من ايام الصغر .... بس هي ما تذكرني

المهم يا اخواني ... خطبتي ما اخذت اكثر من 3 ايام و جاء الرد :14:


المهم يا اخواني ... البنت اللي خطبتها وضعها المادي جدا ممتاز ... ساكنة في فلة و ابوها و امها ما شاءلله مرتاحين .... انا وضعي المادي عادي ... عندي شقة ملك صحيح و عندي سيارة ... و راتبي 6400 و بخصم اقساط السيارة = 5000 ريال و يزيد سنويا لاني مدرس .... لكن مقارنة بوضعها المادي تعتبر اعلى مني ... المهم البنت ما شاءلله عليها سافرت امريكا مع ابوها و اهلها و سافرو كذا بلدة ... المشكلة راح تقولو لي فين .. اقول لكم ... المشكلة اني خايف و عندي احساس قوي ان البنت و اهلها اخذين فكرة اننا مبسوطين ماديا ... يعني انا خايف ان البنت ترسم احلام في الهوى ان شهر العسل راح يكون في البلدة الفلانية و و و و خصوصا ان خطيب اختها مبسوط جدا جدا جدا و راح مو يسفر اختها امريكا و بس راح يا اخذها لفة حول العالم ههههههههههههه والله هذا القلق من جد ...

احنا اتفقنا ان الزواج بعد سنة .... و طبعا خلال السنة الله يقدرني و اجمع المهر و ادبر عمري بتاثيث الشقة و الوالد ما راح يقصر ....

طبعا الان احنا مجرد مخطوبين و عندنا الكلام شبه ممنوع لكن بطريقة و اخرى راح ادبر عمري عن طريق زوجة اخوي اللي ام البنت تصير خالتها ...


برئيكم .... هل اصارح البنت و اقولها انا كذا و كذا و كذا ؟ بس خايف تحسبني مادي و ما افكر الا بالمادة مع انه والله العظيم مستعد اتعشى ماء و هي تتعشى ما لذ و طاب بس تكون مبسوطة لكن اهم شي عندي ما ابغى امد يدي لا احد


انا كل اللي مخوفني و مقلق منامي هو انه خايف ان البنت تبني احلام في الهواء يعني تقول مثلا شهر العسل في كندا و ما ادري فين .... و انا حاليا يا دوب جالس اضغط على نفسي عشان المهر و تاثيث الشقة ....

عارفين فين المشكلة ..... المشكلة ان خطيب اختها الله يرزقه ما شاءلله عليه مبسوط و انا خايف تبدأ المقارنات ... خطيب "أ" اللي هو خطيب اختها جاب كذا و خطيب " ب " اللي هو انا جاب كذا ... و عاد المنافقين بجلسون على راسها و يغنو لها مظلومة البنية مسكينة البنية و الواه واه واه و الواه واه واه علي ..... يعني تعرفو كلام الناس ....

انا سالت زوجة اخوي و قالت لي البنت متواضعة الخ الخ الخ .... بس انا ما اصدق كل هذا الا لازم اتاكد بطريقة و اخرى .... خطيبتي عمرها 22 سنة و اختها اكبر منها بسنة

اعطوني رئيكم الله يوفقكم و لا يحرمكم الجنة و ادعو لي بالتوفيق اقل شي ....