العنف يولد العنف

و الضرب راح يخليه يتعود عليه و بعدين ما يأثر فيه

و هذا بالضبط ما حصل مع أختي وابنها ... كانت تأدبه بالضرب ... و الحين ما عاد ينفع معاه شي

أحيانا النظرة الحادة أو الكلمة الجارحه يكون تأثيرها أقوى من الضربط

و بعدين حراااااااااااااااااااااام هو صغير على الضرب

ترضين تضربي عصفور من عصافير الجنة ؟؟؟؟

تعوذي من الشيطان و قولي ( عهد و وعد لك يا ربي اني ما أمد ايدي على اي طفل من أطفالي )

ولا عاد تكرريها حتى لو طلعك من طورك و عصبتي !!

أصلا شكلك بيصير متوحش و غلط أمام زوجج و شوي شوي هالزوجه النعومة و الأنوثة تطيح من عينه !!

هذا اولا

ثانيا - ريحي من تعليم ابنك شهر فقط وارجعي علميه مرة ثانية بأسلوب ثاني

واتبعي ان أردتي أسلوبي اللي اتبعته مع ابني لما كان عمره سنتان

والآن أريد اتباعه مع أخته عمرها سنة و سبع شهور ( تقول حمام و تقلد أخوها لكن وقت الجد ما ترضى

توقفت لما شفتها تعملها و تحط يدها فيه و تحسبه عصير عرفت انها بعدها ما تفهم و أجلت الفكرة شهر ولن أمل )

نرجع لأسلوبي مع ابني :

اشتريت كتاب عن كيفيه العناية بالطفل و فيه صور و من بين الصور صورة طفل جالس بالحمام

و تقدرين تطبعين صور من الانترنت ، خليه يشوفها و قوليله : هذا الطفل شاطر يروح الحمام

كان ابني يستمتع وهو جالس بتصفح الكتاب المصور و الملون ، و كنت أجلب له لعبه او قصة و أحكي معه

و أدغدغه وان عملها أصفق له و أطبع بوسه على خده و أغسله ،
وكان يجنني ولا زال في موضوع اللبس بعد الخروج من الحمام لأنه يتخبى ...

اعصب لكن اتماسك نفسي و أستغفر و أقول لا إله إلا الله

أتركه و أزعل و أخليه من غير ملابس .. راح يمل وصدقيني اتركيه حتى لو طول راح يمل

لكن في الوقت نفسه اذا شفتيه ما يهمه وكاشف عورته ، غمضي عينك و خلي أبوه يقوله عيب

و لا تطالعونه و غمضوا أو اتركوه و قولوا خلاص احنا بنروح الجمعية و بنتركك وحدك بالبيت ..

القصد اتبعي معاه أسلوب التهديد الهادئ ولا تعصبي و تصرخي ..

وفي الجمعيات راح تلاقي في بامبرز على شكل شورت

اشتريه و قوليله هذا للأطفال الكبار و انت كبير يا حبيبي يا شاطر صرت نفس بابا تروح الحمام

لبسيه لما يطلع بره البيت و داخل البيت خليه من غيره ولبسيه فقط وقت النوم ..

وشوي شوي تلاقيه هو بنفسه يقول حمام ...

وانتبهي لعدد مرات ذهابه للحمام ، و وقتي معاه

سوي سباق معاه لما يطلع من الحمام و قولي له يالله منو يسبق ماما والا انت و يلبس ملابسه

و تكون ملابسه الداخليه موجودة وانتي جهزي لك كمان قطعه تلبسيها

طولت عليك لكن اتمنى تستفيدي لأني بصراحه تألمت لأسلوبك مع ابنك !!