مشكلتي الآن اللي اواجهها مع خطيبي .. وظيفته ! وهي مسببه عائق .. لكن تغاضينا عنها بسبب اخلاقه الكريمه .. مع ان المهر اللي طالبينه كان جدا معقول .. ومافي لاشروط تعجيزيه ولا شي .. والشقه كانت ايجارها كمان معقول 13 الف ريال بالسنه ..


وممكن تكون سبب عدم الزواج .. سمعة اهله .. يعني افتكر مره تقدم رجل لااختي وكان طيب جدا .. لكن امه جدا جدا جدا قويه زوجها ماقدر عليها يعني لو تزوجته اختي كانت عاشت بجحيم بسبب امه .. ونفس الشي صار معايا الآن مع خطيبي.. امه مو واقفه معاه.. واحسها قاعده تخرب عليه ..

مره قريت قصة شاب يتألم بشده لانه يبغى يتزوج .. لكن الظروف الماديه مانعته مع انه من عايلة غنيه .. لكن يقول يبغالي 200000 ريال حتى اتزوج من مصاريف زواج ومهر ..


الله يكون في العون والله يرزقنا الزوج الصالح يارب .. وييسر لنا امرنا لننال مرادنا اللهم امين

__________________


اللهم فرج كربتي ويسر امري واكتب لي الخير يارب