وساوسي بسبب تأخر الحمل .. احتاج نصيحتكم - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

 
أدوات الموضوع
انواع عرض الموضوع
قديم 21-08-2007, 08:34 AM
  #1
حلمي قريب
عضو مميز
 الصورة الرمزية حلمي قريب
تاريخ التسجيل: Aug 2007
المشاركات: 2,635
حلمي قريب غير متصل  
وساوسي بسبب تأخر الحمل .. احتاج نصيحتكم

السلام عليكم يا احلى تجمع واحلى اخوان في الله

من بعد ما وثقت برجاحة عقول ومحبة المجموعه لبعضها وتكاتفها في الردود والدعاء والمشورات السليمه

حبيت اشارككم مشكلتي

يمكن انتو ماتشوفونها مشكله بس هي كذلك بالنسبه لي

انا متزوجه قريب صار لي 6 شهور تقريبا ... وربي ماكتب لي الحمل لحد الان .. وهذا الشيء كثير كثير ماثر في نفسيتي .. لاني حاسه ان الوضع مب مريح من ناحية استقرار زواجي بسبب عدم وجود طفل يخلي الوضع مستقر ... فأنا سبق لي الزواج . وانفصلت بدون اولاد ... وفي زواجي الثاني ..ايضا استمريت هالكم شهر بدون اطفال علما بان لايوجد مانع طبي من الحمل والحمد لله

لكن مشكلتي تكمن في اني حسااااااااسه كثير وهذا شي غصب عني وطبيعتي وسواسيه لابعد الحدود .. لدرجة الكوابيس والاحلام ... صار هذا الشيء ماثر في علاقتي مع زوجي ... صرت حساسه لو ماكلمني بصوره مثاليه من دلع وحب ...اخاف واحس انه بيتزوج علي لاني ماجبت له ولد ..... والمشكله يقولون لي لاتفكرين بموضوع الحمل عشان تحملين ... كيف وانا موسوسه بالحمل وطول الوقت اعد ايام الشهر عشان اشوف النتيجه ... هل انا حامل او لا .. وموضوع نسيان الموضوع ليس بيدي والله ليس بيدي

قلت لزوجي بسبب وساوسي ... ولاني ابي القى سبب احط فيه العذر ... قلت له مابي اشتغل .. مابي اشوف حد في الشغل مابي احد يسألني حملتي ولا لا .... ويشوفون بطني كل مامريت .... ولكن .... وجودي في البيت ... بيخليني افكر وافكر وافكر.... زوجي قال لي لاتخلين نفسك بالبيت ... بتصير حياتج كأبه ... وملل وبتنعكس على تصرفاتج معاي وبتصير مشاكل .....

والله محتاره يا اخواتي واخواني .......... وجودي في الشغل احسه سجن مشاعر .... واختبار صعب بمر فيه ..... بسبب النظرات والعبرات اللي بسمعها .... ووجودي في البيت بيخرب علاقتي لاني في حاله نفسيه صعبه ..

من يدلني ويشور علي .. مالعمل



الإشراف / تم تعديل العنوان ليتناسب مع المضمون ..

التعديل الأخير تم بواسطة ملاك الغربة ; 21-08-2007 الساعة 01:12 PM
 

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 07:49 PM.


images