حبيباتى حبى لكم جميعا انا الحمد لله بخير عارفين ليه افتكرت قصة واحدة صاحبيبتى ربنا يكون فى عونها
صحبيبتى دى ابوها مات و بعده ماتت امها و سبيتها مع اختها الاكبر منها اللى امكانيتها المادية مش كبيرة فصديقتى دى بتشتغل و بتصرف على نفسها و ربنا مكرمهاش بالزواج و هى على مشارف الـ 35 سنة و طبعا على طول تحت ظغط نفسى عشان هى لازم تشتغل عشان تعول نفسها و تعول اختها كمان فقلت سبحان الله هى مش بس ربنا مكرمهاش بالخلفة لأ ربنا مكرمهاش بالزوج الصالح و كمان قلة سعة الرزق حسيت انى اد ايه فى نعمة و الحمد لله و احسن من غير كتير

مشاميشو انولى اعملى الحقن فى مصر و مش لازم تبصى ان زوجك مش معاكى فكرى ان اصحابك و اهلك معاكى و ان شاء الله ربنا يكرمك بالحمل و يكون كمان البيبى معاكى و فكرى انك بتضحى بنفسك و اعصابك عشان راحة زوجك بلاش هو كمان يكون قاعد على اعصابه كفاية عليه شغله و بعدين يا سيتى استنينى لما راجع الكويت و نخرج مع بعض و حكون انا كمان مش حامل و نبقى فى الهوا سوا يا جميل

مها الحجاز اهلا بيكى معانا ز معلش يا حبيبتى ايامك دلوقتى احلى ايام ممكن تعيشيها ، بس انتى مشكلتك فى الخلفة سببها ايه؟

سود حبيبتى انا الوجع اللى عندى دا ملهوش علاقة بالتبويض خااالص دا التهاب فى عصن طالع من الظهر و انا اصلا عندى مشكلة فى ظهرى لهبت العصب دا و بحس بحرقان مش وجع كمان و اذا عاوزة تعرفى اى معلومات عن الموضوع ده انا تحت امرك

حبيباتى انا كان نفسى اقعد معاكم شوية بس انا حاسة انى مش عاوزة اتكلم "ذى ما اكون واكلة سد الحنك" ربنا يعفو عنا جميعا

رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة