انا وزوجي زعلانين من بعض والسبب ولد صديقه ( المشكلة حلت ولله الحمد )
السلام عليكم ورحمة الله وبركاته
ادخل بالموضوع على طول
البارح اتصل صديق زوجي عليه وقاله بنزوركم وبصراحه استانست لان زوجته مره روعه والسوالف معاها ماتنمل
المهم جاونا وعندهم ولد عمره 4 سنوات قليل ادب ومو متربي من اول مادخل من الباب على طول ضرب ولدي اللي عمره سنتين وانا بصراحه عادي مازعلت وضرب بنتي وقلت عادي صغار بيكبرون وينسون
لكن انه يضربني هذي كبيره ضربني مره و 2 و 3 وانا سكت يقول لي كلي...........الله يكرمكم ويقول العن ابوك ياقح......... كل هذا وامه ساكته
انا بصراحه من اول ماجاو وانا ساكته باعتبار انهم في بيتي وهم عندي من الساعه سبعه ونص ويوم جت الساعه 11 قال لي العن ابوك يا......وتف علي وانا كنت ماسكه الريموت كنترول ومن القهر ضربته به على فمه وبان فيه كدمه بسيطه
ادري بتقولون تحطي راسك براس بزر لكن والله العظيم اني كنت واصله حدي واللي قهرني انه امه عادي ماكانها تسمع شي
وللامانه الولد ابوه اللي مخربه يعني يضرب امه ويقول لها كلام زي اللي قاله لي واكثر وابوه مايخليها تضربه ولو ضربته يخلي ولدها يضربها يعني حتى هي مالها كلمه عليه
المهم زوجي شاف اللي الكدمه وسالني وقلت له قام يقولي انتي ماتستحين تعلمين على وجه الولد في بيتنا واش بيقول ابوه بيزعل وباضطر اروح اعتذر منه عشان اللي انتي سويتيه
انا قلت له يعني ترضى ان ولد يقول كلام زي كذا واهله عادي عندهم وانا اسكت ...................
وصار نقاش طويل عريض مع اني قلت لزوجي اني ماكنت اقصد بس انصدمت من الكلمه اللي قالها لي فجات ردت فعلي لااراديه وترى ورب الكعبه فعلا ماكنت اقصد اني اعلم عليه لكن كلمته خلتني اطلع عن طوري
وانا قلت لزوجي كيف انت تتضايق عشان مايزعل صديقك وصديقك اصلا حتى لو سمع ولده يقول هالكلام ماراح يقول شي عشان مايزعله
في النهايه قلت لزوجي اذا صديقك يرضى ان ولده يضربه ويضرب امه فانا مارضى على نفسي واذا صديقك مايبغى يربي ولده علشان مايزعله فمهو على حسابي انا
خله بالاول يربي ولده زي الناس بعدين يزعل
ومن امس ونا زعلانه وزوجي زعلان وماني عارفه ايش اسوي
تكفون قولو لي هل انا غلطانه او لا
وااااااااااااسفه على الاطاله
__________________
---
23-01-2008, 09:50 PM
ضوابط المشاركة
العرض الشجري