المشاركة الأصلية كتبت بواسطة sa33

كتبت ردى عليك كله من دقائق ولكن مع الأسف اكمبيوتر خرب وما قدرت ارسل الرد ولكن هأكتب ردى مره تانيه
أولا انا شايفه انك كاتب الموضوع ده لاستفزازنا فى الأول والآخر لأنه لو على بالك تتزوج راح تتزوج شئنا ام ابينا.
ثانيا وده الأهم عندى انك لو سمحت تاخد بالك من اللى بتكتبه لأنى مش ممكن أسكت على كلامك ابدا . انت قلت (لكنني انسان احب النساء ولاعيب في ذلك فقد سبقني في ذلك رسول الله عليه الصلاه والسلام) أحب اعرفك اننا كمسلمين نعلم جميعا والحمد لله ان النبى عليه الصلاة والسلام لم يكن مزواجا ولم يكن ليتزوج ليغض بصره لأنه أساسا لم يكن يعانى من نظره للنساء وكيف تحمل رسالتك معنى كهذا عن نبى الرحمة الذى رباه ربه وأدبه فأحسن تأديبه!!! كلنا يعلم ان النبى تزوج اما لأمر ربانى أو حكمة شرعية.
وثالثا انت بتتكلم وترد على نفسك انت بتقول( اذا رأى احدكم من امرأه مايعجبه فليأت أهله فأن عندها ماعندها) طيب أديك عرفت ومن كلام النبى ان اللى عند زوجتك الأولى هو اللى هتلاقيه عند التانيه والعاشرة وكل نساء الأرض
وبعدين ترجع تتحجج وتقول (فكيف اذا رأى الرجل المسكين مثل هذه المناظر ثم عاد الى البيت ليدفع مايجد فيجد زوجته ممنوع الأقتراب ......لعذر شرعي)
يعنى معنى كلامك ده ان كل الرجال المتزوجين لازم يدوروا على زوجة تانيه احتياطى علشان أيام العذر الشرعى !!!!!! بالله ده كلام. امتى بقى انت وأمثالك هتعرفوا ان المرأة كيان واحساس ومشاعر مش عربيه لو زهقت منها او تعبت رحت شريت التانيه وركبتها على ما تصلح الأولى.
عموما اتمنى من الإدارة حذف مثل هذه المواضيع الاستفزازيه الناس مش ناقصه قرف وهم.