انا لو مكانك بدل البكاء والقهر والتفكير بطرق تخلي زوجي يندم اخذ موانع حمل واسجل انتساب وابدا انا اطلب من زوجي واحن عليه بكل شي لمساعدتي بدل من اني انتظره هو من نفسه يساعدني والسبب ان كثير ازواج تساعد من نفسها! ..

اذا مادرستي الحين بتظلين ندمانه طول عمرك وانتي تحاولين تحسسين زوجك بالندم لانك تبين ترتاحين من عذاب الضمير انك خليتي دراستك تبغين تقنعين نفسك انه هو السبب مو انتي عشان ترتاحين وهذا الشي مو صحيح لو انتي بغيتي تكملين كان سويتي المستحيل وصرتي تطلبين من زوجك وتنشبين له عشان يساعدك..

واذا تقدرين تجيبين شغاله لو بالساعات تجي تنظف البيت وتروح جيبي وتفرغي لدراستك حتى لو كانت انتساب بالعكس هي انسب شي لك الحين مع وجود الاطفال وبصراحه غلطتك تحملين على طول كان صبرتي لين تتخرجين حتى لو زوجك طلب منك ممكن تماطلين..

لا تتصاعبين الموضوع اربع سنين تمر بلمح البصر وياما ناس عادت وكملت وغيرت انا نفسي درست ثلاث سنين في تخصص ثم اكتشفت اني ماقدر اكمل فيه وغيرته وبديت بتخصص جديد وقعدت فيه اربع سنين ومرت سريعه الحمدلله والحين متخرجة وموظفة لا تماطلين روحي سجلي بكر والعمر قدامك طويل باذن الله..

__________________