صباح الخـــــــــــير


محتارة ماني راضية على هذا الوضع ساعدووني القى الحل والطريق الصحيح زوجي اذا قلت له رايحة لأهلي قلب نكد ورجع البيت لوحده (علشان يحزني عليه)
اما اذا رحت لأهله تنفرج أساريره
يوصيني ضد أهلي دوم حتى اذا عندهم مناسبة والله ما أروح لحد ما يبكيني جاب لي اكتئاب هو يروح مع اصحابه و يستأنس لكن يستكثرها علي وكل ما زرت أحد يقعد يدق علي وصراخ في الجوال وانا وجهي عند الناس اشكال الوان واستأذن واخرج احيان اقول تعبانة واحيان زوجي جاه ضيف من بعيد الخ الخ...
زواجات اقارب ممنوع صديقتي مات ابوها ابي اعزي كمان لا
متى ينبسط ؟؟؟
اذا جلست في البيت ما أروح ولا اكلم أحد غير أهله
طيب وش الحل ؟؟؟
والاخطر انه مهملني كأني جارته في البيت يرفض ينام في الغرفة معاي ينام قدام التلفزيون في غرفة الجلوس جبت مخدتي أنام معه ثاني يوم رجع الغرفة مو معقول نقضيها مطاردة اما حياتنا الزوجية عادية اذا تقربت منه ولمحت له نام محله حسب رأيه هذي للرجال وانتي ملكي في اي وقت ما تدخلين بيني وبين املاكي حذرته اني عاطفية ومحتاجته بس مثل المصيح بالخلاء اللسان الحلو مع الناس ولما يدخل علي عقد الجبين والله اني ماني مقصره معاه اتزين واطبخ وحتى اسئلة طلابه احطها واحط لهم الدرجات (كريمة معاهم ) واصحح اوراق الاختبارات(يجيبها البيت ) مؤهلنا واحد من نفس الجامعة متابعة اسهم ومحلله اقتصادية ومتابعة كورة وشعر وافلام معاه على طول الخط بس هو يحب النكد
كل عيد مع صلاة العيد الم عفشي واودع بيتي بس يراضيني و ارجع يحبني في قرارة نفسه (الله العالم انها نصايح الاصحاب )
واللي معذبني اني في منتدى أخر استلطفت أحد الشباب اعرف اساليبهم بس هذا مميز (بعدين على النت ما راح يطولني )صرت على طول في المنتدى مابيننا شئ بس يشارك في مواضيعي وارد عليه احن للمنتدى وادخل بأستمرار (أكيد ما راح أتورط في مثل هذي التفاهات )بس اهمال زوجي معاد يعنيني لاني في ذاك المنتدى دوم وش الحل دايم أفكر في الولد وما أقدر استغني عن ذاك المنتدى لانه خاص وزوجي لما اشرح له وضعي يقول مرحلة عمرية و تعدي ساعدوووني بليز وين الخلل وكيف الحل؟؟؟؟