مريض نفسي
والظاهر انه يتلذذ بمشاهدتك وانتي تدافعين عن نفسك ..
او يمكن في اشياء ياخذها مثل حبوب يغيضة او اي شيء
ماادري مرة قرأت كذا في حكايات نفسية ..
لازم تشوفي حل باسرع وقت ..لأن هذي مو طيبة ياعزيزتي ..هذي سذاجة توصل للتهلكة
وبعدين فكري في حين يقدر الله ويكون معاش اولاد ساعتها راح يتخذ نفس الأسلوب وأكثر ..
ساعتها بس راح تعرفين ان طيبتش وسكوتش مو في محله

وانا ماانصحش اذا استشاط غضب تدافعين عن نفسش بالقوة .. لا
اقراي اشياء تفيدش على الإنترنت بالتعامل مع غضب الزوج .. مع اني اظن ان مافي فايدة لأن زوجش مو بس غاضب الا ويضرب بعد وبشكل شاذ جدا .. لازم تشوفين حل يحسم هذا الموضوع باسرع وقت ..
اذا مااستجاب ابوش لش او اي احد من اهلش استشيري حكيم او طبيب نفسي في هذي الأمور يتخذلش القرار اذا انتي مو عارفه شنو تقررين او اذا قرارش مو بمكانة ..

والله يعينش