غداً ستأتي والدته لرؤيتي - منتدى عالم الأسرة والمجتمع

المقبلين على الزواج مواضيع تهم المقبلين على الزواج من الرجال والنساء

16-10-2008, 10:59 PM

ريوف الخبر

عضو دائم

تاريخ التسجيل: May 2008

المشاركات: 67

غداً ستأتي والدته لرؤيتي

السلام عليكم...,
مادري من وين ابتدي بس اللي اعرفه اني معجبه بمنتداكم واعضاءه واراءهم المقنعه والواقعيه ...
وعشان كذ حبيت اعرض عليكم مشكلتي

تقدم لي رجل معروف باحترامه وطيبته والتزامه وسمعة اهله الطيبه بالاضافه لانه طبيب ويكبرني بـ 3-4 سنين تقريبا..
طبعا الى الان ماتم شي رسمي لكن بدت الامور تاخذ طريقها..
هو صديق اخوي ومعروف بالنسبه لنا يعني السؤال مو مشكلتنا,,
بس امي اليوم جتني تقول ان امه اتصلت وبتجي بكرا تشوفني
احس اني انصدمت وضاق صدري (هالموقف احس فيه استرخاص لي يعني وشو داخله معرض عشان تقول باجي اشوف البنت؟؟ )
لما زعلت امي استغربت مني وقالت انه شي عادي ومتعارف عليه..
الحين انا محتاره بشيين..
اولا : مقابله امه بكرا وكيف بتكون ووش ببالها ووش بيصير و و و وغير كذا انا ما عطيناهم الرد النهائي عشان تمون وتطلب هالشي...ولدها خوي اخوي واخوي ماشاءالله وسيم وماعليه بشي يعني وش بتتوقع اني باطلع؟؟ يوم تفكر كذا
والثاني : وهو اللي من اول ما كلموا اهلي وانا افكر فيه (انه طبيب) يعني احس بيئة عمله مسببه لي ارق من الحين...لاتقولون موسوسه لاني مافكر بشكل سطحي بس احب اتخيل المستقبل واتوقع كل شي عشان ما انصدم واكون محتاطه نفسيا لاي موقف ..
ابي مشورتكم ببكرآ اذا اقابلها او لا
وبالنسبه لعمله اذا اي وحده عندها تجربه او خبره باحد من اقاربها او شي ممكن تريحني وتقنعني فيه
لاني احس ان هالشي ممكن يخليني ارفضه نهائيا

مواقع النشر

الكلمات الدليلية

امه, بتجي

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 12:32 AM.

روابط سريعه