السلام عليكم
أولا أرحب بالرشيقات الجدد أختنا الجنة غايتى وأختنا ساندى حبيب
أختى الجنة عايزه أقول لك ما تيأسيش وشوفينى قدامك آهو طالع عينى فى الرجيم والرياضة ولكن ونظرا لقوة الارادة والرغبة فى التغيير مستمرة والنزول بالوزن بطيئ جدا لكن صدقينى هتلاقى نفسك فجأة بتنزلى ولو ما نزلتيش فى الميزان هتنزلى فى القياس يعنى انتى كمان خدى مقاس خصرك ومحيط الأوراك وشوفى هيحصل تغيير فيهم ولا لأ
أختى ساندى ياريت تنزلى لنا الرجيم بتعاك بالضبط اللى نزلتى عليه 4 كيلو علشان نستفيد منه وكمان رجيم الدكتوره لأنى ماشيه على رجيم سعرات لكن اقل من اللى بتقولى عليه بكثير يعنى انا بأتناول فى اليوم بس من 700 الى 900 سعرة والنزول بيكون حوالى من 500 الى 800 جرام بالاسبوع مع ممارسة الرياضة ساعة مشى وساعة ايروبكس
أختى وحبيبتى أم لؤى الله يبارك فى عمرك يارب ويخليكى ويشفيكى .طمنينى عن أخبارك مع الرجيم .منتظراكى.
أختى love of life برافو عليكى والله انك بطله لأنى من أول يوم ومليت وشكلى هأخسر التحدى مع ام جوجو بجد مش طايقه ريحة ولا طعم الأكل ........أكل ايه هو ده أكل ......... ياريت تقولى لى ايه بالضبط كانت خطتك اليوميه فى الرجيم ده لأنه بجد بجد ممل ويقرف.
أما عن اخبارى فللأسف لم العب رياضة اليوم حيث كنت نايمة مريضة طول اليوم على السرير يدوب أقوم أعمل شغل البيت بالعافيه باين عليها دورة برد جامدة جدا .