عزيزتي لا تشيلي هم اهم شي انتي تكوني قويه ولازم يكون الامر محسوس
انا لقيت زوجي مره نفس الشي وسويت سالفه والله العظيم ماسامحته الين بكى بكاء مرير ومع ذلك كررها مره واثنين وثلاث والعيب مو فيني العيب فيه
ودام زوجك في مجال مفتوح صدقيني البنات صايرين في الاماكن العامه آآفه همهم يلفتون نظر الرجال والشباب مابالك محل عمل مختلط اكيد بياخذون راحتهم
انا مثلك بس استعنت بربي اقوى منه ومنهم
وكل مره تكون ردت فعلي اشد واقوى
انا ماتركته لاني لو تركته بيزعل يومين وبيرجع لهم او بفتح مجال انهم يدخلون حياته
عاقبيه قد ماتقدرين عاقبيه
والله ثم والله مافي مثل الدعاء هو اقوى سلاح قربي من ربي وادعي ربي انه يسخره لعبادته وطاعته
ودائما راقبيه لاتكوني نايمه هو بيشيل همك وبيضرب لك حساب اذا حس انك وراه بس من بعيد لبعيد لاتخنقينه
وخليه ياخذ راحته معك من ناحية سوالفه عن البنات بيني له انك ماتغارين عليه منهم قولي زمالة عمل بس المفروض ماتوصل لمستوى مكالمات لانهم ماراح يحترمونه وبيشوفونه مخفه وراح يجلسون يستخفون فيه وهو مفكر انهم معجبين فيه
الله يعين
الله يسخر زوجي وزوجك وازواج المسلمات ويبعدهم عن بنات الحرام والفتن