المشاركة الأصلية كتبت بواسطة سمو الأميرة

ياناس أنا أبغ أطرح سؤال ..

ليش دائما نحكم إن أم الزوج وزوجة الولد لو عاشو في بيت واحد تصير مشاكل ؟؟

خلونا نمسك الموضوع من أوله وحبه حبه .. المشاكل بتصير من إيش ؟؟ من كثر الإحتكاك والشراكة في كل شي

زي المطبخ والحمام الله يعزكم والصالة وعلى حسب كبر البيت ..

طيب ليش مايكون من البداية في تنظيم أكثر .. وإستقلاليه

ومن حق كل وحدة مانقول شي .. يعني الأم أم وكبيرة في العمر .. والزوجة زوجة .. ومن حقها كمان ...

طيب .. إيش الحل ؟؟

أنا أشوف زوجات مرتاحين في حياتهم وعايشين مع أمهات أزواجهم ..

بحيث ..

كل وحدة لها غرفة نوم طبعا .. أم الزوج وزوجة الأبن ..

كل وحدة لها خط تلفون خاص ..

كل وحدة لها حمام داخل غرفتها ..

وفي صالة تجمع الجميع .. وصاله خاصة بالزوجين .. يعني غرفة وصاله وحمام (جناح )

المطبخ مشرتك ..واللي تحب تدخل وتطبخ عادي .. يعني ممكن أم الزوج يوم ماطبخت ولا الزوجة ماطبخت يجيبو

من برا .. يوم وحده طبخت خلاص أكلو عادي ..

الصالون يكون لأم الزوجة .. ولو حبت تستقبل فيه زوجة الأبن تستقبل وترجع تنظفه وترجعة زي ماكان ..

أهم شئ يا أخوات كل وحدة تراعي الله في أم زوجها وتتذكر إن هذا سلف ودين .. وبكرة راح تصير أم زوج

طبعا لاتقو ما اخذ راحتي وما أعرف ايش .. لا بالعكس في غرفة نومك البسي على كيفك .. وفي الصالة مع زوجك

برا الغرفة ماقلنا البسي عبايتك .. لكن حاولي تكوني محتشمه شوي ..

طبعا أنا طلعت برا الموضوع الأساسي ..

أنت أخوي الان بنت خالتك هذه أصرف النظر عنها لأنهم طالبين سكن لحالهم .. وهذا صعب ..

وعادي ياأخي لاتزعل .. ربي بيعوضك أحسن وأحسن إن شاء الله

الله يوفق الجميع