تزوجت لأن الزواج بالنسبه لي نقله مهمه في حياتي وتطور طبيعي للبشريه وتجربه حابه أخوضها وأنجح فيها ,,ولأن المرأه مهما توفر لها من أسباب السعاده والرفاهيه في بيت أهلها ماتستغني عن زوج يكون سكن لها ويكون صديق وعشيق وشريك يملى قلبها بحب فريد من نوعه,,أنا ضد الي يتكلمون عن الزواج بسلبيه وسوداويه خاصة اذا كانت مشاكلهم عاديه وممكن تجاوزها الزوجه اذا كانت حياتها مستقره من جميع النواحي يعني لاسعاده دائمه ولاشقاء دائم بامكانها تكون سعيده اذا ارادت ذلك وبتلاقي 100سبب وسبب لسعادتها وباءمكانها ايضا ان تكون قمه في التعاسه والبؤس اذا هي قررت ذلك وبتلاقي ايضا 100مبرر ومبرر تقنع نفسها فيهم ,انا زواجي عادي وحياتي طبيعيه فيها أيام حلوه وأيام مرّره لكن الحمدلله أموري اجمالا مستقره,,وبالنسبه للمسؤليه الي تتضايق منها بعض الزوجات أنا أشوف ان أي شخص عنده احساس بقيمته ومقدر سبب وجوده في هالحياه صعب يعيش عالهامش ويقبل العيش بدون مسؤليات سواءكان متزوج اوغيره,فالمسؤليه والخوف منها ماهي سبب أومبرر للتذمر من الزواج وتشويه صورته في عيون الغير,وأقولك يادانتيل الزواج نعمه وسنة الله في خلقه ولايمهك الي يتأففون ويتحلطمون منه وصدقيني لو حياتهم مافيها أمور حلوه وأمور ايجابيه ماشفتيهم مستمرين مع أزواجهم ويعيلون منهم بعد ومتمسكيين باستقرارهم في بيت الزوجيه,,الخلاصه طبع الحريم المبالغه والتهويل جحدان ونكران العشير والوحده فينا ماتقول الحمدلله على الي عندي دايما تقول وش نااقصني !!وأنا وحده منهم
,,
__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه
التعديل الأخير تم بواسطة فيافي نجد ; 26-07-2009 الساعة 10:51 AM
25-07-2009, 10:45 PM
ضوابط المشاركة
العرض الشجري