من رأيي .. جربي كل الموانع واللي جسمك يمشي معاه .. اعتمديه
يعني في كتير بيعتمدوا حبوب منع الحمل بتاعة الرضاعة وبيكملوا بعدها بالحبوب العادية وماشية معاهم تمام التمام ومظبطين مواعيدهم صح ومنظمين جدا
وفي ستات ودول أغلب قرايبي والمحيطين بيا بيحطوا لولب في الاربعين من الولادة ... وماتحكميش برده الا لما تجربيه .. وهو ماتقدريش تحكمي عليه الا بعد 5 شهور من تركيبه ...ولو الدورة زادت بيدوكي دوا بيمنع النزيف لوقت الحاجة ... ميزته انك بتحطيه وتنسي مش زي الحبوب لو نسيتيها قلبك بيقف
وفي اللزقة اللي بتتلزق على الجسم بس اعتقد دي بتكون بعد الرضاعة والله اعلم
والموضوع كله رحلة استكشافية لجسمك انتي اللي هو محدش يقدر يحدد راحته فين الا انتي و ان انتي تجربي بنفسك
وبعدين انا عتبانة عليكي .. طيب يعني انتي جربتي الكاندوم وجوزك مارتحش عليه وشاله ولا حاجة يومها ليه مش بعد العملية دي أخدتي دوا حلو جدا بيمنع الحمل بعد الدخول بشرط ماتعديش 3 ايام من بعد حدوث الجماع وده كويس في الطوارئ خليه في صيدليتك دايما ... ورغم ذلك هو الكاندم ما أثبتش فشله معاكي .. على مافهمت هو بس انتوا مارتحتوش فيه وده حقكم...
فالموضوع مش مقلق أوي ان شاء الله ...
والكيس والحاجات دي ... اسالي اكتر من دكتورة مادام قالتلك الموضوع فيه عملية ... خدي رأي واحد تاني واتنين وتلاتة لحد ماترتاحي..
حتى لو لو كلهم اجمعوا على نفس الرأي .. ممكن واحد يشرحلك من جانب تاني انتي مش واخدة بالك منه ... ودي مش حاجة وحشة ..
وربنا يطمنك ويريح قلبك يارب
التعديل الأخير تم بواسطة helwaya ; 18-10-2009 الساعة 06:14 PM
18-10-2009, 06:11 PM
ضوابط المشاركة
العرض الشجري