زوجتي لا تهتم بي أريد حل - منتدى عالم الأسرة والمجتمع

11-12-2009, 06:02 AM

ليس لي !!

عضو جديد

تاريخ التسجيل: Dec 2009

المشاركات: 8

زوجتي لا تهتم بي أريد حل

السلام عليكم

.. طبعا انا الآاااااااااااااااان طفشان من عيشتي .. وهذي قصتي

اولا اعرفكم بشخصيتي .. انا شخص رومانسي .. عاطفي جدا .. دقيق .. عصبي لكن اهدأ سريعاً .. منظم في اعمالي وياليت يتهيأ في لباسي ومعيشتي .. عمري 24 سنة .. وعمر زوجتي 20 سنة .. ناحيتي المادية تمام ولله الحمد .. طالب وأعمل .. متزوج من سنة و ست شهور !

قصتي منذ قبل الزواج كان تفكيري أن الزواج هو الاستقرار و الزوجة دورها الالزام والاهتمام بزوجها والمحافظة علية بشتى النواحي .. لكن طلع كل شي عكس ( لا أعم ذلك على الجميع ) لكن هذا اللي صار معي .. اجي احيانا و الغالب من العمل و ما أحصل الأكل جاهز .. تتوقعوا ايش قاعدة تسوي .. ياعلى النت أو تشوف التلفزيون .. طبعا انا ما كد ألزمته بوجبات ثابته مثل الناس يوميا تصدقون ان عدد المرات اللي طبخت فيهم أعدهم بإصابع ايديني .. البيت يجلس بالشهر و أكثر مايلمس بالتنظيف إذا قلت شي قالت : انا شخصيتي ماتتحمل اني انظف ولا أحب أطبخ لاني إذا خلصت طابخة أبي احد ينظف مافيه حل إلا الخادمة .. غريبة !! أولا اذا كانت الخادمة هي اللي راح تهتم انتي ايش فايدتك .. هذا بالنسبة للطبخ .. بالنسبة لتنظيف الملابس كانت الغسالة عندي فيها مشكلة وكانت تقولي لو الغسالة زينة كان كل يوم اغسل واكوي وتحصل ملابسك جاهزة .. رحت للسوق وشريت احلى غسالة عشان ترتاح ولايجهدها ..جت الغسالة غسلت مره .. مرتين .. ثلاث .. و بدت الرجعية وعدم الاهتمام من جديد .. أحيانا أطلع للعمل وانا ثوي غبر و لا تبالي بالموضوع .. سويت أكثر من طريقة .. لكن مافيه فايدة .. لكن الأمر ليته على هالأمور كان تهون .. اللي أعظم من كذا هو الطاعة .. أحياناً اعطيه أمر وترفض .. مثال : اقول نظفي لا أجي من دوامي إلا كل شي جاهز .. ولا فيه فايدة .. عاقبته و شلت النت والتلفزيون بدت تقرا كتب ومجلات !! .. أقول اشتغلي مو معقول الحالة هذي طفشت من هالعيشة .. تقول ما أتحمل حرام عليك !! هذي الكلمة اللي قاهرتني أنا ايش سويت عشان أسمعمن هالكلمة .. بدا الموضوع يتطور بديت اذا امرته بشي ماتبيه بس يرضين تقول تقبلني زي ما أنا يعني تتشرط وأكثر من مرة ياصل الموضوع للطلاق تقول كان ودك ايش اسوي امري لله .. يعني كأن الموضوع متساوي .. مع اني ما كد قصرت معه بأي شي أي شي تطلبه اجيبه .. أو اعطيها وعد واسويه .. احبه مووووت ومارتاح اذا شفته زعلانه أو مريضة .. لكن الدلال انقلب ضدي .. البنت عندها تفتح تربيتها غريبة بعض الشي .. متدينة وهذا الغريب .. وفي يوم من الأيام سألت عن سبب عدم الاهتمام وبعد إلحاح عن ذكر السبب ذكرته وليت اني ماسمعته .. تقول السبب شكلك الخارجي .. !! واسلوبي وطريقة كلامي !! أنا أول مره أسمع الكلام هذا من أي شخص .. تقول من يوم كنت صغيرة وانا كنت أحلم بشي مميز .. تقول أبي أطفالي يكونو مميزين عيونهم زرق أو زغر ... اقول الحمدلله على النعمة أهم انه يكون سليم وهي تصيح تقول ودي افكر مثلك بسمو قادرة .. ناقشه بالموضوع و انا مجروح من كلامه .. اقوله ليش مارفضتي من الشوفة الشرعية .. تقول ايش اسوي !! راحت .. ومره ثانية تقول اصلا كل البلد مثل شكلك !! يعني يرضيني إلاالجنه !! أقول يعني الآن لوشكلي زي اللي أنتي ترغبين كان تهتمين تقول يمكن .. طبعاً ياجماعة انا شكلي أميل للوسامة أكثر وهذي شهادة الناس عشان ماتقولو هذا مغرور .. عدّا الموضوع .. يوم صار بعد فترة بسيطة لاتتجاوز يوم .. كتبت رسالة اعتذار وانها تحبن وتعشقن و و و .... إلخ ومشيت الموضوع .. مع اني إلى الآن مو قادر انسى كل حرف قالته .. طبعا دايم هي تذكر انه مافيه فرق بين الرجل والمرأه في الحياة الاجتماعية .. هذي مجرد معلومة .. طبعا اهلها معطينها الحرية التامة وملقينها و جه أكثر من اللازم .. سبق واني جبت ابوها و لانفع بالموضوع ( مثل قولة سوو اللي تبون ) .. طبعا اذا بغيت اطلب شي يتنفذأحيانا لكن بغير طيبة نفس .. تعبت وااااااااااااااااالله تعبت وعلى فكرة هذا مو كل شي حتى زياراته لم أهلي واتصالها على امي أحيانا بالشهر مره ..تصعب الأمورر للغاية .. قريت مره من مذكراته ( أنه كل تأخرت ولا دخلت مع أهل الزوج يكون لها احترام أكبر من قبل ام الزوج و أخوات الزوج ) كل ما أطلب انها تجي معاي طبعا ماأخفيكم البنت تحبن وفي أدله نادرا ماتوضح لي الشي .. لكن تقهرن .. طبعا الآن حامل بالأشهر الأولى .. وراح أحدثكم عن الباقي بردود على حلولكم

تكفوووووووووووووووووون أفيدوووووووووووووووووون
لأني ما ذقت طعم الزواج إلا بيوم الزواج ..... اللهم طولك ياروح

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه