احساس عمري

لما كنت بالكليه وكنت اسولف مع شلة البنات حقتنا
من ضمن الكلام قلت اني سويت غدا لأهلي...

وحده من البنات طالعت فيني وبحلقت .. قالت من جد انتي تطبخين ؟ يعني كل شي كل شي تسوينه في الاكل؟ يعني اقصد تعرفين تسوينها من اولها لآخرها؟ وامك مو عندك؟ انا وكم وحده من البنات الطبيعيات .. قعدنا نضحك
قلت ايه ليش وين المشكله ؟
قالت والله حظظظظظظظظظظظظظظظظظك انا ما اعرف! انا حتى شاي ما اعرف .. امي مو مخليتني ادخل تقول خليكي في الدراسه... قالت لها خويتي الطبيعيه الثانيه ... انا ما اقول يا الدلوعه انك ماراح تتزوجين بس متأكده انك رح تتطلقين !!!!!!


وفعلا تزوجت البنت الدلوعه وجابت ولد .. وفعلا تطلقت والسبب انها صفر ع الشمال في كل شي في البيت.. وتكابر وعادي عندها ومسويه نفسها قويه بس وربي باين التحطيم فيها ...حتى عيونها اختلفت سبحان الله




انا رحمتها وحسيتها تعاني مو من نفسها................ من امها وابوها
هم الجهله والله واتلفوا البنت .... بل ان بعض البنات المدللات زي هذي... صاروا يطالعون فيني انا وخوياتي العاديات الطبيعيات وكأننا ظاهره غير طبيعيه واننا مضطهدات ولا نعرف وش الدلع وان امهاتنا قاسيات .. فديت امي الله لا يحرمني منها..اذا يعتبرونها كذا قاسيه يا حي قساوتها عند حنان امهاتهم!!!!!!!!!

مو هي بس اغلب البنات صايرين بالشكل هذا ... في هالعصر فعلا ماعاد فيه فرق بين البنت والولد ... حتى في التأهيل
صايره الام تخلي بنتها تدرس وبس.. وبعدين يعني ؟ مهي مردها تجلس و تتزوج ومعروف دورها في الحياه.. بس سبحان الله!!!!!!!!!!!!!!!!!!!!