روح الطير علامك رديتي قلبتي علي ؟؟
حبيتبي أنا وصلت له مسج مع أخوه إن يلبس ألأولاد كويس و يحاول يرفههم أكثر لأن الأستاذه حقت ولدي قالت إن الولد صاير مشتت و ما يركز ..

المهم أنا رحت التمارين و حسيت حالي جديده .. و لما وصلت البيت قال لي ابوي ان في شخص اتصل عليه يقول إنه عنده موعد بالمحكمه بس الشخص هذا ماعرف بنفسه ... قال له أبوي إذا ما تقول ش إسمك ماراح آخذ بكلامك

يمكن يكون من جد واحد من المحكمه و يمكن يكون راسل واحد من أصحابه يخوفنا .. على الرغم إني أبدا ما خفت و لا أنهزيت .. كلمت وحده من خواته هي بعمري و متزوجه وتوه عندها ولد قلت لها إنتي حاسه فيني قالت لي حاسه بس أولادك.. قلت أولادي طول مانتو تعينو ابوهم عليهم راح يتمادى معاي و بعدها راح تنبسطو إذا ساعدتوه بطلاقي ..

قامت تحلف لي تقول إن أمها ما قصرت عليه و أخواته هم قالو له ما يقدرو ياخذوون البيبي وقامت تحلف و تحلف إنها من تكلمت معه تبي تعرف منه السبب اللي خلاني أطلع ما جاوبها



طبعا ما يجاوب .. لأن أنا مو مقصره معه بشي أبدا ... واليوم اللي اقصر فيه يكون أكيد لأني تعبانه نفسيا ومو أي تعب وأولادي ياروح الطير الكل الكل يشهد محد مربي عياله و مهتم فيهم كثري

بدون ماأبالغ .. أنا ولدي الكبير ما أكلته يوم من مطاعم مشبوهه وعلمته يدخل الحمام من يوم عمره سنتين ونص علمته السور القصيره وعمره 3 سنوات و ألحين ماشاء الله عليه يحفظ السور بسرعه أسرع من اي شي ثاني لكن في نفس الوقت أبوه يسمعه الأغاني في نفس الوقت يعلمه كيف يضرب اللي يضربه و يعلمه السب و الله يعلمه يقول إذا فلان قال لك يا ------- قول له إنت ------- و ابوك ... الخ


حياتي مووووت ... خليتيني أبكي ..على ولدي ..

سألته مليون مره أنا وش مقصره فيه ما يجاوبني .. قلت له وش اللي مو عاجبك ما يجاوبني .. بس الفتره الأخيره عرفت إنه يبيني أكون عمياء خرساء صماء بالذات قدام خياناته يبيني أسكت إنه يروح البحرين مع شلل فاسده يبيني أسكت ولا أطلب فلوس لأي غرض هو ما يقتنع فيه ...كم مره قلت له أشتري الأغراض حقت البيت من أول الشهر لكن لا .. مثلا إحنا نحتاج للبيبي الصغير 5 _ 6 قواطي حليب بالشهر و كيس حفاظ كبير .. يجيب القواطي بالتقطير الممل

و تصير مشكله وش ذنبي أكتب لك الورقه و ما تجيب اللي فيها بالكامل ... في كل شي تعب في كل شي مرار..


ساعات أقول يارب خذني أهون علي من إني أشوف عيالي يدوسون علي كنت أحاول إني أرتقي بتربيتهم و أطلعهم أحسن ولدين بالدنيا .. لكن دام هذا أبوهم .. ما شكله يصير






صح حبيتبي روح الطير أنا وصديقاتي دايما لو بنجتمع نراعي ظروف بعض في اتصالاتنا في جمعاتنا يعني أنا مااجتمع معهم إلا مره بالشهر ولو بتجيني وحده من خوياتي أكثر شي بيكون في وقت عدم وجوده بالبيت ....


أدعو لي يا جماعة الخير أدعو لي اللي فيه خير يقدمه رب العالمين ...

__________________
(أمن يجيب المضطر إذا دعاه و يكشف السوء)