الله يجزاك خير أختي ..

أنا كنت أسمع زمان عن الشغالات و تصرفاتهم و ما أصدق و أقول يبالغوا ..
لإنه عند أهلي أمي كانت تتعامل معهم بشكل مباشر ،، و مرررررررررة تدلعهم أمي ..

و مع العلم ، إنها كانت تشتغل عند أمي ،، و أمي كانت تدلعها و تشغلنا نحن ..
و أمي على بالها ، إنه الشغالة هذه تحبها ،،

بس اكتشفت إنها ( حاقدة على أمي و على أخواتي ) و عمرهم ما ضايقوها ؟؟؟؟؟؟؟
و تقول لي ، ما أبغى أرجع أشتغل عندهم .؟؟؟؟؟
لإنه عرفت بعدين ، إنه أمي محافظة الحمد لله و هي تبغى الفلّة ..


و الله ندمت على كل شئ ،، و اللي مو مساعدني أحط لها حد في تدخلاتها ،،
إنه أمي كانت كل شئ تحكي لها ،، و تعاملها كأنها بنتها ( يعني أعطتها حجم أكبر من حجمها )

حتى إنها يوم جات هنا ،، و قلبت من اللبس الساتر ،، للبنطلونات الضيييييقة و البلايز القصيرة ..
حتى كلمتها ،، أمي ما صدقت ؟ تقول معقولة هذه اللي تقرا قرأن و ملتزمة ؟؟؟؟؟

و الله جات عندي ماعمري شفتها تقرا قران و كل شوي تبغى تشيل ( الطرحة ) من راسها ..
بكيفها تشيل الطرحة يوم تطلع برة ،، بس في بيتي ، ما تمشي بلبس كذا و بدون طرحة قدام زوجي

و تقول لي روحي ( بارات ) مافيها شئ ، و شيلي الحجاب إنت في بريطانيا ..
و آخر شئ يوم عجزت معاي ،، تقول لي كنت أحسبك مختلفة عن أمك ، بس طلعتي مثلها ..
إنه ماعندي المسخرة و قلة الأدب و إنه نحافظ على الدين و كذا ،،

أنا ما أشدد عليها ،، بس كل شئ له حدود و علمتها من أول سنة إيش الحدود اللي تلزمها هنا ..



و حكاية التركي ،، الله يفرج كربته ياااااااااااااااااااااااااااااااااارب ..
و الله إنه يوم زوجي يعصب منها ،، أحاول أهديه ،، و قول له يا شيخ ..
نسيت حكاية ( التركي ) ؟؟؟؟؟؟ بس عشان أهديه ..


بس هي لاحظت عليها ،،
يوم أحد يخاصمها و يشتمها مثل أخوي يوم صرخ عليها مرة ،، تحترمه و تسمع كلامه
و تشتغل مضبوووووووووط

لكن يوم نحترم انسانيتها ،، تقوم تحسبه ضعف و هبل
و أنا ما بأتعامل معها ، أنا بأتعامل مع ربنا ..

و لا أنا ماني مستفيدة منها بشئ ..

و لو رحت دحين و كلمتها ، على طول تتحسس و تجلس تبكي و تتبلى علي
و تجلس أسبوع مكشرة و تقهر ولدي عشان تحرق دمي